Malakiya 3:17 - Xitsonga (Bibele)

¹⁷ Yehovha wa mavandla u ri: “Va ta va va mina hi xiviri esikwini leri nga ta endliwa hi mina; ndzi ta va tsetselela ku fana ni loko munhu a tsetselela n'wana wa yena la n'wi tirhelaka.

BIBELE Mahungu Lamanene

¹⁷ Kutani HOSI ya matimba hinkwawo yi ku: “Vanhu lava va ta va va mina; va ta va ndzhaka ya mina leyo hlawuleka siku ndzi nga ta avanyisa misava. Ndzi ta va tsetselela ku fana ni mutswari, loko a tsetselela n'wana wa yena loyi a n'wi tirhelaka.

Malakiya 3:17 Referans Kwoze

Eksoda 19:5

Kutani sweswi, loko mi yingisa rito ra mina, mi hlayisa ntwanano wa mina, mi ta va rifuwo ra mina kunene ehenhla ka matiko man'wana hinkwawo, hikuva misava hinkwayo i ya mina.

Duteronoma 7:6

Hikuva u tiko leri hlawuleriweke Yehovha, Xikwembu xa wena; Yehovha, Xikwembu xa wena, u ku hlawurile leswaku u va tiko ra yena hi xiviri exikarhi ka matiko hinkwawo lama nga emisaveni.

2 Vakorinto 6:18

Ndzi ta va tata wa n'wina, mi va vana va mina va xinuna ni va xisati, ku vurisa sweswo Hosi ya matimba hinkwawo.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Varhoma 8:32

Xona lexi nga tsetselelangiki N'wana wa xona wa xiviri, kambe xi n'wi tshikele hina hinkwerhu, xana xi nga ka xi nga hi nyiki ha yini swilo hinkwaswo na yena xana?

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’

Yeremiya 31:33

Kambe hi lowo ntwanano lowu ndzi nga ta wu endla ni yindlu ya Israele endzhaku ka masiku lawa, ku vula Yehovha: Ndzi ta veka nawu wa mina exikarhi ka vona, ndzi wu tsala etimbilwini ta vona, ndzi va Xikwembu xa vona, vona va va tiko ra mina.

Pisalema 135:4

Hikuva Yehovha u tihlawulele Yakobo, Na Israele, leswaku a va ndzhaka ya yena.

Duteronoma 14:2

Hikuva u tiko leri hlawuleriweke Yehovha, Xikwembu xa wena, kambe Yehovha u ku hlawurile leswaku u va tiko ra yena ra xiviri, exikarhi ka matiko hinkwawo lama nga ehenhla ka misava.

1 Vakorinto 6:20

ni leswaku a mi tifumi? Hikuva mi kutsuriwile hi nxavo lowo nonon'hwa; dzunisani Xikwembu hakona emirini wa n'wina, ni le moyeni wa n'wina leswi nga swa Xikwembu.

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Yeremiya 31:20

“Xana Efrayimi i n'wana la rhandziwaka eka mina xana, kumbe n'wana loyi ndzi n'wi tsakelaka xana? Hikuva hi masiku loko ndzi n'wi vula, ndzi anakanya yena hi ku tlurisa; hikwalaho marhumbu ya mina ma pfumaka hikwalaho ka yena; kunene ndzi ta n'wi tsetselela, ku vula Yehovha.

Nehemiya 13:22

Kambe ndzi byela Valevhi leswaku va tibasisa, va ta langutela tinyangwa leswaku siku ra Savata ri ta hlawuriwa. Oho! Xikwembu xa mina! Ndzi anakanye ni le mhakeni leyi, u ndzi tsetselela hi vukulu bya tintswalo ta wena!

Sofoniya 2:2

ku nga si ta siku lero kukotisa mungu lowu hahisiwaka vukari bya ku pfurha ka Yehovha byi nga si ta eka n'wina hi siku ra vukari bya Yehovha.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Vagalatiya 5:24

Kambe lava nga Vakriste, va vambile nyama ni ku rhandza ni ku navela ka yona.

1 Vakorinto 15:23

Kambe un'wana ni un'wana u ta pfuka exiyin'weni xa yena: Xirhangana i Kriste; endzhaku, valavo va nga Vakriste va ta pfuka eku humeleleni ka yena;

Yohane 17:24

Tatana, lava u ndzi nyikeke vona, ndzi rhandza leswaku laha ndzi nga kona, na vona va va kona na mina, va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si va kona.

Zakariya 13:9

Lowu wa vunharhu, ndzi ta wu nghenisa endzilweni, ndzi va n'okisa ku kota loko ku n'okisiwa silivhere, ndzi va ringa kukota loko ku ringiwa nsuku. Va ta khongela vito ra mina, kutani ndzi va hlamula, ndzi ku: ‘I tiko ra mina,’ rona ri ta ku: ‘Yehovha, Xikwembu xa mina!’ ”

Risimu ra Tinsimu 2:16

Murhandziwa wa mina i wa mina, mina ndzi wa yena; U dyisela mitlhambi ya yena exikarhi ka makhon'wa,

Eksoda 32:32

Kambe sweswi, wanga va rivalela ku dyoha ka vona! Loko swi nga ri tano, hlangula vito ra mina ebukwini ya wena leyi u yi tsaleke.

Esaya 4:2

Hi siku rero hluke ra Yehovha ri ta endla xibombiso ni ku kwetsima ka lava poneke Vaisraele, kutani mihandzu ya misava yi ta vangamisa ni ku bombisa vona.

Esaya 43:1

Sweswi Yehovha la ku tumbuluxeke, wena Yakobo, la ku vumbeke, wena Israele u vula sweswo, a ku: “U nga chavi nchumu hikuva ndza ku kutsula, ndza ku vitana hi vito ra wena, u wa mina.

Esaya 43:21

Tiko leri ndzi tiendleleke rona ri ta vula ku dzuneka ka mina.

Malakiya 4:3

Mi ta kandziyela vabihi, hikuva va ta fana ni nkuma ehansi ka vukandziyo bya milenge ya n'wina, esikwini leri nga ta endliwa hi mina, ku vula Yehovha wa mavandla.

Pisalema 115:13

U ta katekisa lava chavaka Yehovha, Lavatsongo ni lavakulu.