Malakiya 3:12 - Xitsonga (Bibele)

¹² Kutani matiko hinkwawo ma ta ku: Mi katekile; hikuva mi ta va tiko leri tsakisaka, ku vula Yehovha wa mavandla.

BIBELE Mahungu Lamanene

¹² Kutani vanhu va matiko hinkwawo va ta mi vula lava katekeke, hikuva mi ta va mi ri tiko ro tsakisa. Ndzi vula sweswo mina HOSI ya matimba hinkwawo.”

Malakiya 3:12 Referans Kwoze

Zakariya 8:23

“Yehovha wa tinyimpi u ri: Emasikwini lawa vavanuna va khume va tindzimi hinkwato ta matiko, va ta tikhomelela hi ndzungo wa nguvu ya Muyuda, va ku: ‘Hi ta ya na n'wina, hikuva hi twile leswaku Yehovha u na n'wina.’ ”

Esaya 61:9

Rixaka ra vona ri ta twakala ematikweni, ni vana va vona exikarhi ka vamatiko; hinkwavo lava nga ta va vona, va ta swi tiva leswaku i rixaka leri katekisiweke hi Yehovha.”

Esaya 62:4

U nga ka u nga ha vuriwi la tshikiweke va nga ka va nga ha vuri tiko ra wena swirilo kambe u ta vuriwa: Ndzi titsakele ha yena, ni tiko ra wena Mutekiwa; hikuva Yehovha u ta titsakela ha wena, ni tiko ra wena ri ta va ni nuna.

Luka 1:48

hikuva u langutile vusiwana bya nandza wa yena; kutani tinxaka hinkwato ti ta ku ndzi katekile,

Daniele 11:41

U ta nghena ni le tikweni ra nkoka, kutani ku ta wa lavo tala, kambe ku ta chupuka emavokweni ya yena Vaedomu, ni Vamowabu, ni lavakulu eka vana va Amoni.

Daniele 8:9

Eka rin'wana ra tona, ku mile rimhondzwana leri lehelaka tlhelo ra dzonga, ni le vuxeni, ni le tikweni lerinene;

Yeremiya 33:9

Muti lowu eka mina, wu ta va vito ro tsaka, ni tinsimu, ni ku kwetsima emahlweni ka matiko hinkwawo ya misava, lama nga ta twa vunene hinkwabyo lebyi ndzi nga ta va endlela byona; va ta chava, va rhurhumela hikwalaho ka vunene hinkwabyo ni ku tsaka hinkwako leswi ndzi nga ta va endlela swona.

Pisalema 72:17

Vito ra yona ri ta tshama hi laha ku nga heriki, Vito ra yona ri ta va kona hi laha dyambu ri nga ta va kona. Vanhu va ta katekisana ha yona, Matiko hinkwawo ma ta yi vula la katekeke.

2 TIKRONIKA 32:23

Vanhu lavo tala a va tisa mihlengo eka Yehovha eYerusalema, ni swilo swa risima eka Hezekiya, hosi ya Yuda, a ko a tlakusiwa, endzhaku ka swona, emahlweni ka matiko hinkwawo.

Duteronoma 11:12

I tiko leri hlayisiwaka i Yehovha, Xikwembu xa wena; mahlo ya Yehovha ma tshama ma ri languta eku sunguleni ka lembe, ku fika eku heleni ka rona.

Malakiya 3:13

“Marito ya n'wina ma nonon'hwa ehenhla ka mina, ku vula Yehovha; kutani mi ri: ‘Hi vulavula hi tihi ehenhla ka wena?’

Esaya 62:5

Hilaha jaha ri tekaka wanhwana, hi sweswo vana va wena va ta hlangana na wena; hilaha muvutiwa a tsakisaka muteki, hi sweswo na wena u ta tsakisa Xikwembu xa wena.