Malakiya 3:11 - Xitsonga (Bibele)

¹¹ Ndzi ta sivela xisingiri, xi nga ti mi onhela swakudya swa tiko, kutani vhinya yi nga ka yi nga tshiki mihandzu ya yona etikweni, ku vula Yehovha wa mavandla.

BIBELE Mahungu Lamanene

¹¹ Ndzi ta sivela tinjiya, leswaku ti nga mi dyeli leswi milaka emasin'wini ya n'wina; ni mirhi ya n'wina ya vhinya a yi nga tshiki ku tswala. Ndzi vula sweswo mina HOSI ya matimba hinkwawo.

Malakiya 3:11 Referans Kwoze

Duteronoma 11:14

ndzi ta nyika tiko ra n'wina mpfula hi nkarhi wa yona, ti ri timpfula leto sungula, ni leto hetelela; u ta tshovela koro ya wena, ni vhinyo ya wena ni mafurha ya wena.

Yuwele 2:22

Mi nga chaveni, n'wina swiharhi swa nhova; hikuva madyelo ya mananga ma ta hatlisa ma endla rihlaza, hikuva murhi wu ta veka mihandzu ya wona, makuwa ni vhinya swi ta humesa matimba ya swona.

Zakariya 8:12

Ndzi byala ku rhula, murhi wa vhinya wu ta veka mihandzu ya wona, ni misava yi ta veka swakudya swa yona, ni tilo ri nyika mberha ya rona, hinkwaswo sweswo ndzi ta swi nyika masalela ya tiko leri, yi va ndzhaka ya wona.

Yuwele 2:20

“Loko xi ri xirha xexo lexi humaka etlhelo ra n'walungu, ndzi ta xi susa exikarhi ka n'wina, ndzi xi hlongolela etikweni leri omeke; mavandla ya xona lama xi rhangelaka emahlweni, ndzi ta ma hoxa elwandle ra le vuxeni, ni ya le ndzhaku ndzi ma susumetela elwandle ra le vupeladyambu; kutani ku nun'hwa ka xona ku ta humela ehandle ku bola ka xona ku ta hangalaka, hikuva xi endle leswikulu.

Yuwele 1:4

Leswi siyiweke hi timhera, swi phorhiwile hi njiya; leswi siyiweke hi njiya, swi dyiwile hi magerere; leswi siyiweke hi magerere, swi phorhiwile hi swidzedzane.

Hagayi 2:17

Ndzi mi bile hi ku kurha, ni rivungu, ni xihangu, emitirhweni hinkwayo ya mavoko ya n'wina, kambe a ku na un'we eka n'wina la tlheleleke eka mina, ku vula Yehovha.

Amosi 4:9

“Ndzi bile mavele ya n'wina hi rivungu ni ku vuna; masimu ya n'wina layo tala ya mirhi ni ya vhinya, ni mikuwa ya n'wina, ni mitlhwari swi dyiwa hi tinjiya; hambiswiritano a mi tlhelelanga eka mina,” ku vula Yehovha.

Habakuku 3:17

Hikuva nkuwa wu nga ka wu nga baleki, ni vhinya yi nga ka yi nga veki nchumu; mihandzu ya mutlhwari a yi nga ha vi kona, masimu ma nga ka ma nga humesi swakudya; tinyimpfu ti ta pfumaleka ematshangeni, a ku nga ha vi na tihomu eswitaleni.

Yuwele 1:12

Vhinya yi ni gome, ni mikuwa ya vuna, ni mirhi hinkwayo ya nhova yi omile. Hikuva ku tsaka ku herile exikarhi ka vana va vanhu.

Yeremiya 8:13

“Ndzi ta va heta,” ku vula Yehovha, “leswaku ku ta pfumariwa mihandzu evhinyeni, ni loko ma ri makuwa enkuweni, ni matluka ma ta oma, kambe lexi ndzi va nyikeke xona xi ta va phonyomukela.”

Yuwele 1:7

Ri onhile masimu ya mina ya vhinya, ri tshovile mikuwa yanga; ri swi phaphile, ri hangalasa makamba ehansi; marhavi ya swona ma tshama ma basile.

Hosiya 2:21

“Enkarhini wolowo, ndzi ta hlamula, ku vula Yehovha, ndzi hlamula matilo, wona ma hlamula misava,

Yuwele 2:25

Ndzi ta mi tlherisela swakudya swa malembe lama nga dyiwa hi njiya, ni magerere, ni swidzedzane ni timhera, vandla ra mina lerikulu leri ndzi ri rhumeke exikarhi ka n'wina.

Hagayi 1:11

kambe ndzi vitane ku oma ehenhla ka tiko, ni le henhla ka tintshava, ni le henhla ka koro, ni le henhla ka vhinyo ni mafurha, ni le henhla ka hinkwaswo leswi vekiwaka hi tiko, ni le henhla ka vanhu, ni swiharhi ni le henhla ka ntirho hinkwawo wa mavoko.”