Malakiya 2:8 - Xitsonga (Bibele)

⁸ Kambe n'wina mi hambukile ndlela, mi khunguvanyise lavo tala hi nawu; mi onhile ntwanano wa Levhi, ku vula Yehovha wa mavandla.

BIBELE Mahungu Lamanene

⁸ Kambe n'wina mi hambukile endleleni, lavo tala va khugukile hikwalaho ka ku dyondzisa ka n'wina, kutani n'wina Valevhi mi onhile ntwanano wa mina na n'wina. Ndzi vula sweswo mina HOSI ya matimba hinkwawo.

Malakiya 2:8 Referans Kwoze

Nehemiya 13:29

Oho! Xikwembu xa mina, u va anakanya, hikuva va nyamisile vuprista ni xinakulobye xa vaprista ni Valevhi.

Yeremiya 18:15

Kambe tiko ra mina ri ndzi rivele va fambile va ya hisela swilo swahava magandzelo va hambukisiwile etindleleni ta vona ta khale va fambisiwa emitileni ya tindlela leti nga vandziwangiki;

Malakiya 2:5

Ntwanano wa mina na yena ku va ku hanya ni ku rhula, kambe ndzi n'wi nyikile wona leswaku a ndzi chava; kunene u ndzi chavile, a vuya a rhurhumela emahlweni ka vito ra mina.

Ezekiele 44:10

“Swi tsandza ni Valevhi va ndzi fularheleke siku Vaisraele va hambukaka va hambuka ku ya landzela swikwembu swa vona swa tingana, va ta rhwala ku homboloka ka vona.

Yeremiya 17:5

Yehovha a ku: “Ku rhuketeriwe munhu la titshembelaka munhu, la endlaka nyama matimba ya yena, loyi mbilu ya yena yi fularheleke Yehovha.

Esaya 30:11

Hambukani ndlela hi le tlhelweni, tshikani ku veka Mukwetsimi wa Israele emahlweni ka hina!”

1 SAMIELE 2:17

Sweswo ku dyoha ka majaha lawa a ku ri lokukulu emahlweni ka Yehovha, hikuva a va sandza mihlengo ya Yehovha.

Vaheveru 3:12

Tivoneleni, vamakwerhu, leswaku ku nga tshuki ku va na un'we exikarhi ka n'wina loyi mbilu ya yena yi nga leyo biha, yi tiarisaka, yi fularhela Xikwembu lexi hanyaka,

Varhoma 14:21

Swi sasekile loko ku nga dyiwi nyama ku nga nwiwi vhinyo, ni loko ku nga endliwi xilo xihi ni xihi lexi nga khunguvanyisaka makwenu, ni ku n'wi wisa, ni ku n'wi tsanisa.

Esaya 59:13

Hi tiarisile hi va hi hemba mavunwa eka Yehovha, hi hundzukele Xikwembu xa hina hi vulavurile swa ku pfukela van'wana matimba, ni ku tiarisa; hi ehleketile ni ku vula etimbilwini ta hina marito ya mavunwa.

Esaya 9:16

Varisi va tiko leri va ri hambukisa, lava risiwaka va ya eku loveni.

Pisalema 119:102

A ndzi hambuki ku lerisa ka wena, Hikuva hi wena la ndzi dyondzisaka.

Pisalema 18:21

Hikuva ndzi hlayisile tindlela ta Yehovha, A ndzi hundzukelangi Xikwembu xa mina.

1 SAMIELE 2:30

Hikwalaho-ke Yehovha, Xikwembu xa Israele, u vula sweswo, a ku: ‘A ndzi vurile leswaku yindlu ya wena ni yindlu ya tata wa wena yi ta famba emahlweni ka mina hilaha ku nga heriki,’ kambe sweswi, Yehovha u vurisa, a ku: ‘A swi ve kule na mina! Hikuva ndzi ta dzunisa lava ndzi dzunisaka, kambe lava ndzi sandzaka va ta tsongahatiwa.

1 SAMIELE 2:24

A hi swona vana vanga; leswi ndzi swi yingisaka a swi lulamanga; mi dyohisa tiko ra Yehovha.

Levhitika 21:15

A nga tshuki a khomisa xivongo xa yena tingana etikweni ra yena; hikuva hi mina Yehovha la n'wi hlawulaka.’ ”

Yeremiya 17:13

Wena Yehovha, ku tshemba ka Israele! Lava ku tshikaka hinkwavo va ta khomisiwa tingana. Lava ndzi tshikaka va ta tswariwa emisaveni, hikuva va tshikile xihlovo xa mati lama hanyisaka, a nga Yehovha.

Tinhlayo 25:12

Hikwalaho u ta n'wi byela leswaku ndzi endla na yena ntwanano wa ku rhula,

Tinhlayo 25:13

wu ta va eka yena ni ka vatukulu va yena ntwanano wa vuprista lowu nga heriki, hikuva u hisekele Xikwembu xa yena, kutani u endlele vana va Israele mhamba.”

Yeremiya 2:8

Vaprista a va vulanga, va ku: ‘U kwihi Yehovha?’ Ni vatameri va nawu a va ndzi tivanga; varisi va ndzi hundzukela, ni vaprofeta va profeta ha Baali, kambe va landza lava nga pfuniki nchumu.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Sofoniya 3:4

Vaprofeta va wona i vatikurisi, vavanuna va mavunwa; vaprista va wona va nyamise xivandla lexi kwetsimaka, va hombolokisa nawu.

2 TIHOSI 16:11

Kutani Uriya, muprista, a aka alitari a endla hinkwaswo hilaha hosi Akazi a n'wi leriseke hakona loko a ri Damaska; Uriya, muprista, a endlisa sweswo, hosi Akazi a nga si vuya hi le Damaska.

Swivuriso 12:8

Munhu u ta dzunisiwa hi ku ringanisa vutlhari bya yena, Kambe mbilu ya lowo homboloka yi ta monyiwa.

Ezekiele 22:26

Vaprista va rona va tlula nawu wa mina, va nyamisa swa mina leswi kwetsimaka, a va avanyisi exikarhi ka leswo kwetsima ni leswi nga riki swo kwetsima, a va kombi swangi ku hambana ku kona exikarhi ka leswi nga tengangiki ni leswi tengeke; va siva mahlo ya vona leswaku va nga voni Tisavata ta mina, kutani ndzi nyamisiwa exikarhi ka vona.

Ezekiele 44:7

lawa mi nga nghenisa ha wona vamatiko lava va makhuna etimbilwini, ni le nyameni, evukwetsimelweni bya mina, va tshama eka byona ku nyamisa yindlu ya mina, loko mi humesa vuswa bya mina, ni mafurha, ni ngati; hi sweswo va tlurile ntwanano wa mina hikwalaho ka manyala hinkwawo ya n'wina.

Ezekiele 44:12

Leswi va ri tirheleke emahlweni ka swikwembu swa rona swa tingana, va khunguvanyisa yindlu ya Israele eku hombolokeni; hikwalaho ndzi nga va yimisela voko ra mina ra xinene, ku vula Hosi Yehovha, ndzi hlambanya, ndzi ku: Va ta rhwala ku homboloka ka vona.

Malakiya 1:6

“N'wana u chava tata wa yena, ni nandza u chava hosi ya yena. Kambe loko ndzi ri tatana, ku kwihi ku dzunisiwa ka mina xana? Ni loko ndzi ri hosi, ku kwihi ku chaviwa ka mina xana? ku vula Yehovha wa mavandla eka n'wina, vaprista, lava solaka vito ra mina. Kambe mi ri: ‘Hi sandzile vito ra wena ha yini-ke?’