Malakiya 2:7 - Xitsonga (Bibele)

⁷ Hikuva milomu ya muprista yi fanekela ku hlayisa ku tiva, nawu wu ta laviwa enon'wini wa yena, hikuva i ntsumi ya Yehovha wa mavandla.

BIBELE Mahungu Lamanene

⁷ Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Malakiya 2:7 Referans Kwoze

Levhitika 10:11

mi ta tiva ku dyondzisa vana va Israele milawu hinkwayo leyi Yehovha a va leriseke hi nomu wa Muxe.”

Duteronoma 21:5

Vaprista, vana va Levhi, va ta tshinela, hikuva hi vona lava Yehovha, Xikwembu xa wena, a va hlawuleke ku tirha ntirho wa yena, ni ku katekisa hi vito ra Yehovha, kutani milomu ya vona yi ta avanyisa ku tengisana hinkwako, ni timhaka hinkwato ta timbanga.

2 Vakorinto 5:20

Hi tintsumi ta Kriste, kutani va nga ku, i Xikwembu lexi mi khongotelaka ha hina; ha mi khongotela hikwalaho ka Kriste, hi ri:

1 Vatesalonika 4:8

Hikwalaho la hi sandzaka a nga sandzi munhu, kambe u sandza Xikwembu lexi ngheniseke Moya wa xana lowo saseka eka n'wina.

Timhaka 16:17

Kutani a landza Pawulo na hina, a huwelela, a ku: “Vavanuna lava, i malandza ya Xikwembu lexi nge henhlahenhla, lava mi byelaka ndlela ya ku hlayiseka.”

Ezra 7:10

Hikuva Ezra a a vekile mbilu ya yena ku lava milawu ya Yehovha, ni ku tirha ha yona, ni ku dyondzisa Vaisraele milawu, ni ku lerisa.

2 TIKRONIKA 30:22

Hezekiya a khongotela hi marito lamanene Valevhi hinkwavo lava tlhariheke entirhweni wa Yehovha. Kutani va dya hi masiku ya ntlhanu na mambirhi leswi lerisiweke va ri karhi va tlhava magandzelo ya ku khensa, va dzunisa Yehovha, Xikwembu xa vatata wa vona.

Yohane 20:21

Yesu a engeta a ku eka vona: “Ku rhula a ku ve na n'wina! Kukotisa leswi Tatana a ndzi rhumeke, na mina ndzi mi rhumisa sweswo.”

Yohane 13:20

Ndzi vurisile ndzi ri eka n'wina: La amukelaka loyi ndzi n'wi rhumaka, u mukela mina; la ndzi amukelaka, u amukela la ndzi rhumeke.”

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

Hagayi 1:13

Kutani Hagayi, murhumiwa wa Yehovha, a vulavula ni vanhu hi ku lerisa ka Yehovha, a ku: “Ndzi na n'wina, ku vula Yehovha.”

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Yeremiya 15:19

Hikwalaho Yehovha u vula, a ku: “Loko u tlhelela eka mina, hilaha ndzi nga ta ku vuyisa, u ta yima emahlweni ka mina; kambe loko u hlawula leswi lulameke eka leswo biha, u ta fana ni nomu wa mina. Va ta tlhelela eka wena, kambe wena, u nga tshuki u tlhelela eka vona.

Esaya 44:26

Kambe ndzi tiyisa rito ra nandza wa mina, ndzi hetisa makungu ya tintsumi ta mina; ndzi vula ehenhla ka Yerusalema, ndzi ku: ‘Vanhu va ta hanya kona,’ ni le henhla ka miti ya Yuda: ‘Yi ta akiwa kambe kutani ndzi ta pfuxa marhumbi ya yona.’

Duteronoma 24:8

“Tilangutele emhakeni ya nhlokonho, ku yingisa swinene ni ku endla hinkwaswo hilaha mi nga ta lerisiwa hakona hi vaprista va Valevhi; mi ta endla hilaha ndzi va leriseke hakona.

Vagalatiya 4:14

kutani a mi ndzi solanga, a mi ndzi alelanga hikwalaho ka miringo ya mina leyi nga enyameni ya mina; kambe mi ndzi amukerile kukotisa ntsumi ya Xikwembu, ni kukotisa Yesu Kriste.

Esaya 42:19

Lowo fa mahlo i mani, loko a nga ri nandza wa mina; la feke tindleve i mani loko yi nga ri ntsumi ya mina leyi ndzi yi rhumaka? I mani lowo fa mahlo tanihi la rhandziweke hi Xikwembu, i mani lowo fa mahlo tanihi nandza wa Yehovha?

Tinhlayo 27:21

U ta yima emahlweni ka Eliyazara, muprista, kutani yena u ta n'wi kombelela hi nawu wa Urimi, emahlweni ka Yehovha: hi ku lerisa ka yena, vana va Israele hinkwavo va ta huma, kambe hi ku lerisa ka yena, va ta tlhela va nghena.”

1 SAMIELE 2:17

Sweswo ku dyoha ka majaha lawa a ku ri lokukulu emahlweni ka Yehovha, hikuva a va sandza mihlengo ya Yehovha.

2 TIKRONIKA 31:4

Kutani a byela vanhu va tiko, ni vaaki va Yerusalema, ku humesela vaprista ni Valevhi, nhlengo wa vona, leswaku va kuma matimba ku namarhela nawu wa Yehovha.

Ezra 7:25

“Loko u ri wena, Ezra hi vutlhari bya Xikwembu xa wena lebyi u nga na byona, wanga veka vaavanyisi, ni vakamberi va ku avanyisa tiko hinkwaro ra hase ka nambu, va ri hinkwavo lava tivaka milawu ya Xikwembu xa wena; loko a ri un'wana ni un'wana la nga yi tiviki, mi n'wi dyondzisa yona.

Swivuriso 5:2

Leswaku u tihlayisela mano, Ni milomu ya wena yi hlayisa vutivi;

Yeremiya 2:8

Vaprista a va vulanga, va ku: ‘U kwihi Yehovha?’ Ni vatameri va nawu a va ndzi tivanga; varisi va ndzi hundzukela, ni vaprofeta va profeta ha Baali, kambe va landza lava nga pfuniki nchumu.

Ezekiele 7:26

Khombo ri landziwa hi khombo rin'wana, nkosi wu ta va ehenhla ka nkosi, va ta lava mahlori eka vaprofeta; kambe vaprista va rivele nawu, a va ha wu tivi, ni vakulukumba va kohla xitsundzuxo.

Daniele 11:33

Kutani lava tlhariheke, lava nga exikarhi ka tiko, va ta dyondzisa lavo tala, kambe van'wana va ta herisiwa hi matlhari, ni malangavi, ni ku bohiwa, ni ku phangiwa hi masiku man'wana.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Sofoniya 3:4

Vaprofeta va wona i vatikurisi, vavanuna va mavunwa; vaprista va wona va nyamise xivandla lexi kwetsimaka, va hombolokisa nawu.

2 TIHOSI 16:11

Kutani Uriya, muprista, a aka alitari a endla hinkwaswo hilaha hosi Akazi a n'wi leriseke hakona loko a ri Damaska; Uriya, muprista, a endlisa sweswo, hosi Akazi a nga si vuya hi le Damaska.

2 TIHOSI 16:16

Uriya, muprista, a endla hinkwaswo hilaha Akazi a leriseke hakona.

Eklesiasta 5:5

Lexi lulameke i ku ka u nga hlambanyi, ku ri ni ku hlambanya loko u nga hetisi ku hlambanya ka wena.

Ezekiele 22:26

Vaprista va rona va tlula nawu wa mina, va nyamisa swa mina leswi kwetsimaka, a va avanyisi exikarhi ka leswo kwetsima ni leswi nga riki swo kwetsima, a va kombi swangi ku hambana ku kona exikarhi ka leswi nga tengangiki ni leswi tengeke; va siva mahlo ya vona leswaku va nga voni Tisavata ta mina, kutani ndzi nyamisiwa exikarhi ka vona.

Zakariya 7:3

ni ku vutisa vaprista va yindlu ya Yehovha wa tinyimpi ni vaprofeta, leswaku: “Xana ndza ha ta rila ni ku titsona swakudya hi n'hweti ya vuntlhanu tanihi leswi ndzi swi endleke hi malembe layo nghasi?”