Malakiya 2:17 - Xitsonga (Bibele)

¹⁷ Mi karhata Yehovha hi marito ya n'wina, kambe mi ri: “Hi n'wi karhata hi yini?” Hi loko mi ku: “Un'wana ni un'wana la endlaka swo biha, u lulamile emahlweni ka Yehovha, kutani hi vona lava a tsakisiwaka ha vona!” Kumbe loko mi ku: “Xi kwihi Xikwembu xa ku avanyisa?”

BIBELE Mahungu Lamanene

¹⁷ Mi karharisile HOSI Xikwembu hi ku vula-vula ka n'wina, kambe mi ri: “Xana hi xi karharisile hi ndlela yihi ke?” Nhlamulo hi leyi: Hi loko mi vula leswaku un'wana ni un'wana la endlaka leswo biha, ú lulamile emahlweni ka HOSI Xikwembu, ni leswaku Xikwembu xi tsakela munhu wo tano. Ma xi karharisa loko mi vutisa mi ku: “Xi kwihi Xikwembu lexi va nge xi lulamile ke?”

Malakiya 2:17 Referans Kwoze

Esaya 43:24

A ku ndzi xavelangi maakha hi mali, a ku ndzi xurhisanga hi mafurha ya timhamba ta wena, kambe u ndzi xanisile hi swidyoho swa wena, u ndzi karhatile hi ku biha ka wena.

Sofoniya 1:12

“Enkarhini wolowo, ndzi ta lavisisa Yerusalema, hi swisa, ndzi tshinya vavanuna valavo va tiyeke ehenhla ka swisense swa vona, lava nga etimbilwini ta vona: ‘Yehovha a nga na ku endla swinene, ni loko ku ri ku endla hi ku biha.’

Eklesiasta 8:11

Kutani, hikuva ku avanyisa loku avanyisaka mitirho hinkwayo leyo homboloka ku nga hatlisi ku humelela, hikwalaho-ke timbilu ta vana va vanhu ti teleke ku navela ku endla swo biha.

Amosi 2:13

“Vonani, ndzi ta mi phyandlasa kukotisa golonyi leyi teleke tinyandza.

Ezekiele 16:43

“Hikuva u rivele masiku ya vuntshwa bya wena, kambe u ndzi holovisile hi timhaka leti hinkwato, vona ndzi ta rihisa mikhuva ya wena enhlokweni ya wena, ku vula Hosi Yehovha. Kutani u nga ka u nga ha engeteli manyala ya wena hi vudlayi.

Ezekiele 8:12

Kutani a ku eka mina: “N'wana wa munhu, xana u swi vonile leswi vakulukumba va Israele va endlaka swona emunyameni, un'wana ni un'wana ekamareni ra yena ra swifaniso? Hikuva va ku: ‘Yehovha a nga hi voni, Yehovha u fularhele tiko leri.’ ”

Yeremiya 15:6

U ndzi sukerile, ku vula Yehovha, kutani u tlherile hi le ndzhaku; hikwalaho ndzi tshalambuteke voko ra mina ehenhla ka wena, leswaku ndzi ku herisa: ndzi karhele ku ku tsetselela.

Esaya 30:18

Hikwalaho Yehovha u ta mi langutela ku mi tsetselela, u ta tshinela a mi tsetselela, hikuva Yehovha i Xikwembu lexi lulameke, xi katekisa hinkwavo lava xi tshembaka!

Esaya 7:13

Esaya a ku: “Yingisani, n'wina va yindlu ya Davhida. Xana i mhaka leyitsongo loko mi karhata vanhu, leswi mi karhataka na xona Xikwembu xa mina?

Esaya 1:14

Moya wa mina wu venga swimusi swa n'wina ni mikhuvo ya n'wina; swa ndzi tikela, ndzi karhele ku swi rhwala.

Ntirho 36:17

“Kambe loko u tele miehleketo ya timbabva, Ku biwa ku ta landzelana ni ku avanyisa.

Ntirho 34:17

La vengaka ku lulama u ta fuma xana? Kumbe u nga kaneta lowo lulama ha kunene-ke?

1 SAMIELE 2:3

Mi nga ha tarisi marito ya n'wina ya ku tikurisa; Ku tikukumuxa ku nga ha humi emilon'wini ya n'wina; Hikuva Yehovha i Xikwembu lexi nga ni vutivi, Hi yena la ringanisaka maendlelo ya vanhu.

Malakiya 3:8

“Xana munhu a nga chavi ku xisa Xikwembu, loko n'wina mi ri karhi mi ndzi xisa? Kutani mi ri: ‘Hi n'wi xisile ha yini-ke?’ Hi swa vukhume, ni swa leswi pambuleriwaka.

Malakiya 2:14

Kutani mi ri: Hikwalaho ka yini? Hikuva Yehovha i mbhoni exikarhi ka wena ni wansati wa vuntshwa bya wena loyi u n'wi kanganyiseke kasi i nakuloni wa wena ni nsati wa xinakulobye xa wena.

Ezekiele 9:9

A ku eka mina: “Ku homboloka ka yindlu ya Israele ni ya Yuda ku kurile ngopfu; tiko ri tele hi ngati, ni muti wu tele hi lunya, va ri: ‘Yehovha u fularhele tiko, Yehovha a nga voni nchumu.’

Ntirho 34:36

Ingi ndzi rhandza leswaku u ringiwa ku yisa emahlweni, Leswi a hlamuleke hi mukhuva wa lavo biha!

Duteronoma 32:4

“Yehovha i Ribye lero tiya; mitirho ya yena yi hetisekile; Hikuva tindlela hinkwato ta yena ti lulamile! I Xikwembu xo tshembeka, a xi na nandzu; Xi ni vunene, xi lulamile,

Ntirho 9:24

Misava yi nyikiwile emavokweni ya lavo biha; Xi sirhela mahlo ya vaavanyisi va yona; Loko xi nga ri xona la endleke sweswo, a nga va mani xana?

Esaya 29:15

Khombo eka lava tumbelelaka leswaku va fihlela Yehovha makungu ya vona, va endla mitirho ya vona emunyameni, va ku: “Hi ta voniwa hi mani? La hi tsundzukaka i mani?”

Esaya 43:22

“A ku ndzi khongelanga, wena Yakobo; hikuva u karhele ha mina, wena Israele.

Yeremiya 17:15

Kambe waswivo, va ku eka mina: “Ri kwihi rito ra Yehovha xana? A ri humelele-ke!”

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Ezekiele 18:25

“N'wina mi ri: ‘Ndlela ya Yehovha a yi lulamanga.’ Yingisani sweswi, n'wina va yindlu ya Israele, xana i ndlela ya mina leyi nga lulamangiki, a hi tona tindlela ta n'wina leti nga lulamangiki xana?

Yeremiya 12:1

Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?