Malakiya 2:14 - Xitsonga (Bibele)

¹⁴ Kutani mi ri: Hikwalaho ka yini? Hikuva Yehovha i mbhoni exikarhi ka wena ni wansati wa vuntshwa bya wena loyi u n'wi kanganyiseke kasi i nakuloni wa wena ni nsati wa xinakulobye xa wena.

BIBELE Mahungu Lamanene

¹⁴ Kutani n'wina mi vutisa mi ku: “Hikwalaho ka yini HOSI Xikwembu xi nga ha swi amukeli xana?” Nhlamulo hi leyi: Hi leswi HOSI Xikwembu xi nga va mbhoni exikarhi ka wena ni nsati loyi u n'wi tekeke wa ha ri jaha. Wena a wu tshembekanga eka yena, hambileswi a a ri nsati wa wena wa xitekwa, loyi a wu tihlawulerile yena.

Malakiya 2:14 Referans Kwoze

Malakiya 2:15

A ku na un'we la nga endlisaka sweswo, loko ku anakanya ku sele eka yena. Kambe i yini loko un'we ntsena a endle sweswo? A lave mbewu eka Xikwembu. Tivoneleni emimoyeni ya n'wina; u nga tshuki u endla hi ku kanganyisa wansati wa vuntshwa bya wena.

Esaya 54:6

Hikuva Yehovha wa ku vitana tanihi nsati la tshikiweke, la nga enhlomulweni, kukota mulovoriwa la hlongoriweke, ku vula Xikwembu xa wena.

Eklesiasta 9:9

Hanya swinene ni nsati lo u n'wi rhandzaka hi masiku hinkwawo ya wena ya swahava hikuva hi kona ku averiwa ka wena evutomini ni le ku karhaleni hinkwako ka wena loku u tikarhataka ha kona ehansi ka dyambu.

Genesa 31:50

Kutakuloko u xanisa vana va mina, kumbe loko u teka vasati van'wana ehandle ka vana va mina, a hi munhu la nga ta va na hina, kambe waswivo, hi xona Xikwembu lexi nga ta va mbhoni exikarhi ka mina na wena.”

Malakiya 3:5

Ndzi ta tshinela eka n'wina ku endla ku avanyisa, ndzi va mbhoni leyi hatlisaka eka timhaka ta vangoma ni vaoswani, ni lava hlambanyaka hi mavunwa, ni lava tekaka hakelo ya la hakeriwaka, ni ya noni, ni ya xisiwana, ni lava hambukisaka wamatiko, ni lava nga ndzi chaviki, ku vula Yehovha wa mavandla.

Yeremiya 42:5

Va hlamula, va ku eka Yeremiya: Yehovha a ve yena mbhoni ya ntiyiso, loyi a dzunekaka, loko hina hi nga endli hinkwaswo hi rito leri a nga ta ri rhumela eka hina.

Yeremiya 8:12

Va ta avanyiseriwa makumu, hikuva va endlile manyala; a va ha tshukisiwi, a va ha khomisiwi hi tingana, hikwalaho va ta khunguvanyeka lava khunguvanyekaka; siku ndzi va tshinyaka va ta wisiwa, ku vula Yehovha.

Swivuriso 2:17

La fularheleke nakulobye wa vuntshwa bya yena, A rivala ntwanano wa Xikwembu xa yena.

Mikiya 1:2

N'wina vamatiko hinkwawo, yingisani! Rhiya ndleve, wee misava, ni hinkwaswo leswi nga eka wena! Hosi Yehovha a ve yena mbhoni ya n'wina yi ri Hosi leyi nga endlwini ya yona leyo kwetsima!

Ezekiele 16:8

Ndzi hundza ekusuhi na wena, ndzi ku vona; nkarhi wa wena a wu fikile, nkarhi wa rirhandzu, kutani ndzi tshandzavuta nkumba wa mina ehenhla ka wena, ndzi funengeta vusweti bya wena, ndzi ku hlambanyela, ndzi endla ntwanano na wena, ku vula Hosi Yehovha, kutani u va wa mina.

Swivuriso 30:20

Mikhuva ya wansati wa mbiri yi tano na yona: Wa dya, a tihlangula nomu, A ku: “A ndzi endlanga swo biha!”

Risimu ra Tinsimu 1:15

Vona, u sasekile, murhandziwa wa mina, u sasekile! Mahlo ya wena ma fana ni ya tuva.

1 SAMIELE 12:5

A ku eka vona: “Yehovha i mbhoni ya ku mi landzula, na yena muhlawuriwa wa yena i mbhoni namuntlha leswaku a mi kumangi nchumu emavokweni ya mina.” Kutani tiko ri ku: “Hi tona timbhoni.”

Genesa 2:18

Kutani Yehovha Xikwembu a ku: “A swi sasekanga loko munhu a tshama a ri swakwe, ndzi ta n'wi endlela nakulobye la fanaka na yena.”

Esaya 58:3

‘Swa hi pfuna yini ku titsona swakudya, loko u nga swi voni? Ni ku tsongahatisa mimoya ya hina, loko u nga vuri nchumu ha swona?’ Vonani siku lero mi titsonaka swakudya, mi endla leswi mi tsakisaka, mi khoma mitirho ya N'wina hinkwayo.

Vaavanyisi 11:10

Vakulukumba va Giliyadi va ku eka Yefta: “Yehovha a hi yingise emaritweni ya hina loko hi nga endli hilaha u vuleke hakona.”

Malakiya 3:8

“Xana munhu a nga chavi ku xisa Xikwembu, loko n'wina mi ri karhi mi ndzi xisa? Kutani mi ri: ‘Hi n'wi xisile ha yini-ke?’ Hi swa vukhume, ni swa leswi pambuleriwaka.

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Swivuriso 5:20

N'wananga, u nga kokisiwa ku yini hi nsati wa mbiri? U nga tikhumbarhetisa ku yini exifuveni xa nghwavavana xana?

Yeremiya 29:23

Hikuva va endlile manyala exikarhi ka Israele va oswanile ni vasati va vamakwavo, va vurile marito yo hemba hi vito ra mina, leswi ndzi nga va lerisangiki swona. Kambe ndzi tiva leswo, ndzi mbhoni ya swona, ku vula Yehovha.’ ”