Malakiya 1:2 - Xitsonga (Bibele)

² “Ndzi mi rhandzile,” ku vula Yehovha; kambe mi ri: “U hi rhandzile ha yini?”

BIBELE Mahungu Lamanene

² HOSI Xikwembu xi ku ka Vaisraele: “Ndza mi rhandza, kambe n'wina mi ndzi vutisa, mi ku: ‘U hi komba ha yini leswaku wa hi rhandza xana?’ Kutani mina HOSI ndzi ri: Xana Esawu a hi makwavo wa Yakobo xana? Hambiswiritano, ndzi rhandzile Yakobo,

Malakiya 1:2 Referans Kwoze

Yeremiya 31:3

“Yehovha u tikombisile eka mina a ri ekule, a ku: E-e, ndza ku rhandza hi rirhandzu leri nga heriki; hikwalaho ndzi ta ku hlayisela tintswalo ta mina!

Duteronoma 10:15

Kambe Yehovha u namarhele vatata wa wena ntsena ku va rhandza; kutani u hlawurile vana va vona endzhaku ka vona, u hlawurile n'wina exikarhi ka matiko hinkwawo hilaha mi swi vonaka namuntlha.

Duteronoma 4:37

Hikuva xi rhandzile vatata wa wena, kutani xi hlawurile vatukulu va vona endzhaku ka vona, xi ku humesile eEgipta hi mombo wa xona, ni matimba lamakulu ya xona,

Malakiya 2:17

Mi karhata Yehovha hi marito ya n'wina, kambe mi ri: “Hi n'wi karhata hi yini?” Hi loko mi ku: “Un'wana ni un'wana la endlaka swo biha, u lulamile emahlweni ka Yehovha, kutani hi vona lava a tsakisiwaka ha vona!” Kumbe loko mi ku: “Xi kwihi Xikwembu xa ku avanyisa?”

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Esaya 43:4

Hikuva emahlweni ka mina u ni nkoka, u ni ku dzuneka, na swona ndza ku rhandza; ndzi ta ku kutsula hi vanhu, ni vutomi bya wena hi matiko.

Genesa 48:4

xi ku eka mina: ‘Waswivo, ndzi ta ku andzisa ndzi ku tata, ndzi ku endla vunyingi bya matiko, ndzi ku nyika tiko leri, ni vatukulu va wena, endzhaku ka wena, yi ta va ndzhaka leyi nga heriki.’

Genesa 27:33

Kavaloko Isaka a khomiwa hi ku tshuka lokukulu, a ku: “I mani-ke yeloyi a nga ndzi hlotela nyama a ndzi nehela yona? Ndzi dye hinkwaswo u nga si vuya, ndzi va ndzi n'wi katekisa; hakunene ku katekisiwa ku na yena.”

Genesa 25:23

Yehovha a ku eka yena: “Matiko mambirhi ma le khwirini ra wena. Tinxaka timbirhi ti ta avana siku ti humaka eka wena. Rixaka rin'wana ri ta hlula lerin'wana, ni lonkulu u ta tirhela ndzisana.”

Luka 10:29

Kambe yena, hikuva a rhandza ku tiendla la lulameke, a ku eka Yesu: “Warikwerhu i mani xana?”

Yohane 15:12

“Nawu wa mina hileswaku mi rhandzana kukotisa leswi ndzi mi rhandzeke.

Duteronoma 23:5

Kambe Yehovha, Xikwembu xa wena, a nga rhandzanga ku yingisa Balaama, kutani Yehovha, Xikwembu xa wena, u ku hundzuluxele ku rhukana ku kateka, hikuva Yehovha, Xikwembu xa wena, a ku rhandzile.

Duteronoma 33:3

Kunene, wa rhandza matiko; Vahlawuriwa va yena hinkwavo va le vokweni ra yena; Vona va tshama emilengeni ya wena, Va amukela marito ya wena.

Esaya 63:1

I mani loyi a pfaka eEdomu, la humaka eBosira a ambele tinguvu leto tshwuka, leto vangama, la tikurisaka evukulukumbeni bya matimba ya yena? “Hi mina la vulavulaka hi ku lulama, la kotaka ku ponisa.”

Amosi 1:11

Yehovha u ri: “Hikwalaho ka milandzu minharhu, kumbe ya mune ya Edomu — ndzi nga ka ndzi nga hundzuki, hikuva u hlongorile makwavo hi tlhari, a cukumeta tintswalo hinkwato, vukari bya yena byi nga tshiki ku handzula, kambe a hlayisa vukari bya yena hi masiku,

Genesa 25:25

Kutani lowo rhanga la humeke a tshwukile, a fana ni xifunengelo xa voya hinkwako, kutani va n'wi thya vito ra Esawu (hileswaku n'wa-voya).

Genesa 25:26

Endzhaku, ku huma ndzisana a khomile xirhendze xa Esawu; yena va n'wi thya vito ra Yakobo (hileswaku muhlungi). Isaka a a ri munhu wa malembe ya 60 loko vana va velekiwa.

1 TIHOSI 10:9

A ku khensiwe Yehovha, Xikwembu xa wena, loyi a titsakeleke ha wena ku ku veka exiluvelweni xa Israele! Leswi Yehovha a rhandzaka Israele hi masiku hi leswi a ku vekeke hosi ku avanyisa ni ku lulamisa timhaka.”

2 TIHOSI 3:8

Kutani a ku: “Hi ta famba hi ndlela yihi xana?” Yoramu a ku: “Hi ndlela ya mananga ya Edomu.”