Malakiya 1:14 - Xitsonga (Bibele)

¹⁴ Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

BIBELE Mahungu Lamanene

¹⁴ Ú ni khombo, muxisi loyi a nga ni nkuzi entlhambini wa yena, a tiboha ku ndzi humesela yona mina N'wini wa hinkwaswo; kambe ematshan'weni ya yona, a humesa xifuwo lexi solekaka, a ndzi gandzela ha xona! Mina HOSI ya matimba hinkwawo, ndzi mufumi lonkulu, vito ra mina ri fanele ku xiximiwa ematikweni hinkwawo.”

Malakiya 1:14 Referans Kwoze

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

Malakiya 1:8

Ni loko mi tisa xifuwo lexo fa mahlo ku endla gandzelo, xana a hi nandzu-ke? Ni loko mi tisa lexi khwitaka ni lexi vabyaka, a hi nandzu xana? Swi yise eka mufumi wa wena, xana u ta ku tsakela, kumbe a tsakisiwa hi wena xana? ku vula Yehovha wa mavandla.

Nhlavutelo 21:8

Kambe loko ma ri matoya, ni lava nga pfumelangiki, ni va manyala, ni vadlayi, ni vaoswi, ni vangoma va mavunwa, ni lava khongelaka swifaniso swa swikwembu, ni vahembi hinkwavo, ku averiwa ka vona ku le tiveni leri pfurhaka ra ndzilo ni xivavula; laha, i rifu ra vumbirhi.”

Luka 12:46

hosi ya nandza loyi yi ta ta hi siku leri a nga yi langutelangiki, ni nkarhi lowu a nga wu tiviki; kutani yi ta n'wi pulukanya, yi n'wi nyika ku averiwa ka yena ni lava nga pfumelangiki.

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

Yeremiya 10:10

Kambe Yehovha i Xikwembu xo lulama, i Xikwembu lexi hanyaka, ni Hosi ya mikarhi ni mikarhi. Misava yi tsekatseka hi ku kariha ka xona, kutani matiko ma nga ka ma nga yimi emahlweni ka ku kariha ka xona.

Pisalema 76:12

Wa tsema ku tikurisa ka tihosana, Wa chaveka ni ka tihosi ta misava.

Pisalema 47:2

Hikuva Yehovha, La nge henhlahenhla, wa chaveka; Hi yena hosi leyikulu emisaveni hinkwayo.

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

Vaheveru 12:29

Hikuva Xikwembu xa hina, na xona, i ndzilo lowu hisaka.

1 Timotiya 6:15

leri nga ta kombisiwa enkarhini wa kona hi loyi a katekeke, la nga ni matimba a ri swakwe, mufumi wa vafumi, ni Hosi ya tihosi;

Daniele 9:4

Kutani ndzi endla xikhongelo xa mina eka Yehovha, Xikwembu xa mina, ndzi vula milandzu ya hina, ndzi ku: “Oho, Hosi, Xikwembu lexikulu lexi chavisaka, lexi hlayisaka ntwanano ni tintswalo eka lava ku rhandzaka, lava fambaka hi milawu ya wena!

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Yeremiya 48:10

A ku rhukaniwe la nga ta endla ntirho wa Yehovha hi ku loloha; ku rhukaniwa la alelaka fumu ra yena ngati!

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Duteronoma 28:58

“Loko u nga tilanguteli ku landza marito hinkwawo ya nawu lowu, lama tsariweke ebukwini leyi, ni ku chava vito leri kwetsimaka ni leri chavisaka ra Yehovha, Xikwembu xa wena,

Genesa 27:12

Kumbe xana tatana u ta ndzi ambamba, kutani ndzi ta va eka yena munhu wa mudyeleri, ndzi tikokela hakona ndzhukano, ku nga ri ku katekisiwa.”

Marka 14:8

U endlile leswi a swi koteke ku swi endla; u totile miri wa mina ndzi nga si lahliwa esirheni.

Matewu 24:51

kutani yi ta n'wi pulukanyisa, yi n'wi nyika ku averiwa ku ri kun'we ni vamanyunyu; hilaha swirilo swi nga ta va kona ni ku getsela ka meno.

Matewu 5:35

hambi ku ri hi misava, hikuva i vunavelo bya milenge ya xona, hambi ku ri hi Yerusalema, hikuva i muti wa Hosi leyikulu.

Malakiya 3:9

Mi rhukaniwile hi mirhukano, hikuva hi mina loyi mi ndzi xisaka, n'wina va tiko hinkwaro!

Pisalema 95:3

Hikuva Yehovha i Xikwembu lexikulu, I hosi leyikulu leyi tlulaka swikwembu hinkwaswo.

Pisalema 68:35

Wa chaveka, oho Xikwembu! Exikarhi ka vukwetsimelo bya wena. Xikwembu xa Israele, hi xona lexi nyikaka tiko ra xona matimba ni ku fuma. A ku khensiwe Xikwembu!

Pisalema 48:2

Yi sasekile swonghasi ntshava ya Siyoni, yi tsakisa misava hinkwayo. Etlhelweni ra n'walungu, i muti wa hosi leyikulu;

2 SAMIELE 24:24

Hosi yi ku eka Arawuna: “A hi swona, kambe ndzi ta swi xava eka wena hi mali hikuva ndzi nga ka ndzi nga humeseli Yehovha, Xikwembu xa mina, magandzelo lama nga humeseriwangiki nchumu hi mina.” Kutani Davhida a xava xivuya ni tihomu hi tixikele ta silivhere ya ntlhanu wa makume.

Yeremiya 46:18

Ndza hanya, ku vula Hosi leyi, Yehovha wa tinyimpi ri nga vito ra yona, leswaku kukota Taboro a nga exikarhi ka tintshava, kukota leswi Karmele a nghenaka elwandle, wa ta.

Yeremiya 48:15

Mowabu u onhakile, miti ya yena yi tlhandluka wu ri musi; lavantshwa, lava hlawuriweke va yena va xikela eku dlayiweni, ku vula loyi vito ra yena a nga Yehovha wa tinyimpi.

Sofoniya 2:11

Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

Malakiya 2:1

“Kutani sweswi, ku lerisa loku ku ta eka n'wina, vaprista!

Pisalema 47:3

Wa hi tsongahatela matiko, Wa veka tinxaka ta vanhu ehansi ka mikondzo ya hina.

Pisalema 47:8

Xikwembu xi fuma matiko, Xikwembu xi tshamile exiluvelweni xa xona lexi kwetsimaka.

Pisalema 102:16

Kutakuloko Yehovha a ta pfuxa Siyoni, U ta tikombisa eku kwetsimeni ka yena.