Malakiya 1:13 - Xitsonga (Bibele)

¹³ Kutani mi ri: ‘Languta, a hi ku karhata ka xona!’ Mi vuya mi xi sola, ku vula Yehovha wa mavandla; mi tisa lexi yiviweke, ni lexi khwitaka, ni lexi vabyaka, mi endla gandzelo ha swona! Xana ndzi ta swi amukela emavokweni ya n'wina xana? Ku vula Yehovha.

BIBELE Mahungu Lamanene

¹³ Mi vulavula mi ri karhi mi ndzi monya, mi ku: ‘Ndzhwalo wa kona, a hi ku tika ka wona!’ Loko mi ta ni swifuwo leswi yiviweke, kumbe leswi lamaleke ni leswi vabyaka, kutani mi ndzi humesela magandzelo hi swilo leswo tano, mina ndzi nga ka ndzi nga swi amukeli. Ndzi vula sweswo, mina HOSI.

Malakiya 1:13 Referans Kwoze

Mikiya 6:3

Tiko ranga, ndzi endle yini eka wena? Xana ndzi ku pfukile ha yini?

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Malakiya 2:13

Kambe leswi mi engetaka mi swi endla hi leswi: Mi tata alitari ya Yehovha hi mihloti, ni swirilo ni ku rila, kutani a nga ha amukeri switlhavelo swa n'wina, a nga tsakisiwi hi lexi humaka emavokweni ya n'wina.

Amosi 8:5

Ni Savata yi ta hundza rini, hi ta pfula swivuya, hi ta hunguta mpimo, hi kurisa nxavo, hi hoxisa xikalo hi ku kanganyisa?

Ezekiele 44:31

Vaprista va nga dyi nyama ya ku fa, hambi swi ri leswi handzuriweke, swa nyanyana, kumbe xiharhi.

Ezekiele 4:14

Kavaloko ndzi ku: “Yo! Yehovha Xikwembu, vona moya wa mina a wu nga si tinyamisa, a ndzi si dya xifuwo lexi nga fa, hambi lexi nga handzuriwa ku sukela evuntshweni bya mina ku fikela sweswi, ni nyama leyi nunh'waka a yi nghenanga enon'wini wa mina.”

Esaya 57:6

Ku averiwa ka wena ku le maribyeni yo rhideleka ya milambu, hi yona ndzhaka ya wena; hi wona lawa u ma chelelaka mabyalwa, lawa u ma humeselaka mihlengo: Xana a ndzi nga vuri nchumu ha swona-ke?

Esaya 1:12

Siku mi ta ka humelela emahlweni ka mina, mi lerise hi mani ku kandziya eswivaveni swa mina?

1 SAMIELE 2:29

Xana mi kandziyela yini hi milenge magandzelo ya mina ni mihlengo ya mina, leswi ndzi swi leriseke ku swi humesa endlwini ya mina-ke? U dzunisile vana va wena ku tlurisa mina, mi tinonisa hi swirhangana hinkwaswo swa Israele, tiko ra mina.

Duteronoma 15:21

Kungakuloko xifuwo lexi, xi ni vulema, loko xi khwita, kumbe loko xi file mahlo, kumbe loko xi ri ni vulema lebyikulu byin'wana, u nga ka u nga xi humeseli Yehovha, Xikwembu xa wena egandzelweni,

Levhitika 22:8

“ ‘A nga tshuki a dya nyama ya swiharhi leswi feke, hambiloko yi handzuriwile leswaku a nga tiyirisi ha swona: hi mina Yehovha.

Levhitika 6:4

kutakuloko a dyohile sweswo, kutani a tivula, u ta tlherisa xilo lexi a xi yiveke, hambi xi ri xilo lexi nga vekiwa eka yena, hambi xi ri xilo lexi lahlekeke, lexi a nga xi kuma,

2 SAMIELE 24:24

Hosi yi ku eka Arawuna: “A hi swona, kambe ndzi ta swi xava eka wena hi mali hikuva ndzi nga ka ndzi nga humeseli Yehovha, Xikwembu xa mina, magandzelo lama nga humeseriwangiki nchumu hi mina.” Kutani Davhida a xava xivuya ni tihomu hi tixikele ta silivhere ya ntlhanu wa makume.

Esaya 61:8

“Hikuva mina, Yehovha, ndzi rhandza ku lulama, ndzi venga ku phanga loku endliwaka hi ku xisa; ndzi ta va nyika hi ku tshembeka hakelo ya vona, kutani ndzi ta endla na vona ntwanano lowu nga heriki.

Hosiya 13:9

Leswi ku lahlaka, wena Israele hi loko u tiendle nala eka mina, eka loyi a ku pfunaka.

Malakiya 1:10

“I mani exikarhi ka n'wina la nga ta pfala tinyangwa, leswaku mi nga ha tshuki mi tshivela ndzilo wa alitari ya mina ha nchumu? A ndzi tsakisiwi ha n'wina, ku vula Yehovha wa mavandla, ndzi nga ka ndzi nga amukeri gandzelo leri tisiwaka hi mavoko ya n'wina.

Malakiya 2:12

Munhu la endlaka sweswo, Yehovha u ta n'wi hunguta ematendeni ya Yakobo la hitekaka, ni la pfumelaka, ni la tisaka nhlengo eka Yehovha wa mavandla.