Malakiya 1:11 - Xitsonga (Bibele)

¹¹ Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

BIBELE Mahungu Lamanene

¹¹ “Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Malakiya 1:11 Referans Kwoze

Esaya 54:5

Hikuva nuna wa wena, hi loyi a ku endleke, vito ra yena i Yehovha wa tinyimpi. Mukutsuri wa wena hi la hlawulekeke wa Israele, u ta vuriwa Xikwembu xa misava hinkwayo.

Esaya 45:6

leswaku ku sukela evuxeni, ku fika evupeladyambu ku ta tiviwa leswaku a ku na un'wanyana ehandle ka mina; hi mina Yehovha, ku hava un'wana.

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Zakariya 8:7

“Yehovha wa tinyimpi u ri: Vonani, ndzi ta ponisa vanhu va mina etikweni ra vuxa, ni le vusikwini;

Pisalema 50:1

Xikwembu xa matimba, yena Yehovha, wa vulavula, u vitana misava, Ku suka evuxeni ku yisa evupeladyambu.

Nhlavutelo 11:15

Kutani ntsumi ya ntlhanu na timbirhi yi yimba nanga ya yona; ku twakala marito lamakulu lama vulavulaka etilweni, ma ku: “Ku fuma ka misava ni ka swilo hinkwaswo ku nyikiwile Hosi ya hina ni Kriste wa yena, kutani u ta fuma hilaha ku nga heriki.”

Pisalema 141:2

Xikhongelo xa mina a xi tlhandlukele eka wena tani hi mirhi ya risuna, Ni ku tlakuka ka mavoko ya mina a ku fane ni gandzelo ra madyambu!

Pisalema 67:2

Leswaku ndlela ya wena yi tiviwa emisaveni Ni ku hlayiseka ka wena exikarhi ka matiko hinkwawo!

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

1 Timotiya 2:8

Hikwalaho ndzi rhandza leswaku vavanuna va khongela hinkwako va ri karhi va tlakusa mavoko layo basa, ku nga ri na ku kariha ni ku kanetana.

Vafilipiya 4:18

Ndzi kumile hinkwaswo, swi ndzi andzele ngopfu; ndzi taleriwe hi ku amukela ha Epafrodito leswi humaka eka n'wina, leswi nga nun'hwela, ni gandzelo leri amukeriwaka hi Xikwembu lexi tsakisiwaka ha rona.

Varhoma 15:16

leswaku ndzi va nandza wa Yesu Kriste exikarhi ka vamatiko, ku tirha ntirho wa Evhangeli ya Xikwembu, leswaku vamatiko va ve nhlengo lowu nandzihelaka Xikwembu, wu ri karhi wu kwetsimisiwa hi Moya lowo Kwetsima.

Varhoma 12:1

Vamakwerhu, ndza mi khongotela hi tintswalo ta Xikwembu, leswaku mi nyiketa miri wa n'wina, wu va mhamba leyi hanyaka, leyi kwetsimaka, leyi tsakisaka Xikwembu; hi rona gandzelo leri mi fanelaka.

Luka 1:10

Ntshungu hinkwawo wa tiko a wu ri ehandle, wu khongela enkarhini wolowo wa magandzelo ya risuna.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Sofoniya 3:9

“Hikuva, esikwini lero, ndzi ta hundzula milomu ya matiko, yi va leyi tengeke, ma ta vitana hinkwawo vito ra Yehovha, ma n'wi tirhela hi mbilu yi ri yin'we.

Sofoniya 2:11

Yehovha u ta chavisa ehenhla ka vona, hikuva u ta herisa swikwembu hinkwaswo swa misava; va ta ta n'wi khinsamela, un'wana ni un'wana hi ku suka exivandleni xa yena, swi nga swihlale hinkwaswo swa matiko.

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Amosi 9:12

va ta fuma leswi saleke swa Edomu, ni matiko hinkwawo lama nga ta vitaniwa hi vito ra mina,” ku vula Yehovha, yena la nga ta endla sweswo.

Esaya 59:19

Va ta chava vito ra Yehovha ku suka evupeladyambu, ni ku twala ka yena ku suka le vuxeni; loko nala a ta ta kukotisa nambu, moya wa Yehovha wu ta n'wi tsutsumisa.

Pisalema 113:3

Ku sukela evuxeni ku fika evupeladyambu, A ku vongiwe vito ra Yehovha!

Matewu 8:11

Hikwalaho-ke ndza mi byela, ndzi ri: Lavo tala va ta huma evuxeni ni le vupeladyambu, va ta tshama eswakudyeni eku fumeni ka matilo, na Abrahama, na Isaka, na Yakobo.

2 Vatesalonika 1:12

leswaku vito ra Hosi ya hina, Yesu Kriste, ri dzunisiwa eka n'wina, na n'wina mi dzunisiwa eka yena, hi tintswalo ta Xikwembu xa hina ni ta Hosi Yesu Kriste.

Tinhlayo 7:74

ni ndzheko wa nsuku wa tixikele ta 10 lowu teleke hi mirhi ya risuna;

Pisalema 45:17

Ndzi ta tsundzuxa vito ra wena etinxakeni hinkwato, Hikwalaho matiko ma ta ku dzunisa hi mikarhi leyi nga heriki.

Pisalema 48:10

Hi laha vito ra wena ri vongiwaka, oho Xikwembu! Swi tano ni ku dzuna ka wena ku yisa emakun'wini ya misava; Voko ra wena ra xinene ri tele ku lulama.

Pisalema 111:9

U rhumele tiko ra yena ku tshunxeka; U lerisile ntwanano wa yena hi laha ku nga heriki; Vito ra yena ri hlawulekile, ra chaviseka.

Esaya 12:4

“Tlangelani Yehovha, khongelani vito ra yena mi tivisa matiko mahlori ya yena twarisani, mi ku: ‘Vito ra yena hi leri tlakukeke.’

Esaya 12:5

Yimbelelani Yehovha, hikuva u endlile timhaka leti hlamarisaka; a ti tiviwe ematikweni hinkwawo!

Esaya 66:18

“Ndzi tiva mitirho ya vona, ni miehleketo ya vona. “Nkarhi wu fikile wa ku hlengeleta matiko hinkwawo ni tindzimi hinkwato; va ta ta, va ta vona ku kwetsima ka mina.

Yeremiya 10:6

A ku na la fanaka na wena Yehovha; u nkulukumba; vito ra wena ri tlakukile hikwalaho ka matimba.

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

Daniele 2:45

kukotisa loko u vone ribye leri phemekeke entshaveni, ku nga ri hi mavoko ya vanhu, ri seletela nsimbhi, ni koporo, ni vumba, ni silivhere, ni nsuku. Xikwembu lexikulu xi tivisile hosi leswi nga ta humelela endzhaku ka mikarhi leyi, kutani norho i wa xiviri, ni ku hlamusela ka wona ku tiyile.”

1 TIKRONIKA 16:25

Hikuva Yehovha u nkulukumba, u fanele ku dzunisiwa, Wa chavisa ku tlurisa swikwembu hinkwaswo;

Pisalema 48:11

A yi tsake ntshava ya Siyoni! A va tsake vanhwanyana va Siyoni Hikwalaho ka ku avanyisa ka wena.

Pisalema 65:9

U endzela misava, u yi cheleta ngopfu, U yi nyika ndzalo leyikulu ngopfu; Xinambyana xa Xikwembu xi tala hi mati; U mirisa mavele loko u lunghisisa misava hi sweswo.

Pisalema 86:9

Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

Pisalema 96:8

Nyikani ka Yehovha ku kwetsima loku fanelaka vito ra yena, Tisani magandzelo, mi nghena erikupakupeni ra yena,

Pisalema 138:5

Ti ta khensa tindlela ta Yehovha, Hikuva ku kwetsima ka Yehovha kukulu.

Esaya 19:21

Yehovha u ta titivisa eka Vaegipta, kutani Vaegipta va ta tiva Yehovha hi siku rero; va ta n'wi tirhela hi magandzelo ni mihlengo; va ta tiboha eka Yehovha hi ku hlambanya, kutani va ta endla hakona.

Esaya 30:27

Vonani, vito ra Yehovha ra ta hi le kule; ri ta hi ndzilo lowo kariha ni ku hisa loku chavisaka; milomu ya yena yi tele ku kariha, ririmi ra yena ri kotisa langavi leri hisaka.

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

Malakiya 3:3

“U ta tshama, a ri karhi a n'okisa, a basisa silivhere u ta basisa vana va Valevhi a va tengisa ku fana ni nsuku ni kukotisa silivhere, leswaku va va eka Yehovha, va humesa magandzelo hi ku lulama.