Luka 8:41 - Xitsonga (Bibele)

⁴¹ Kutani ku ta wanuna la vuriwaka Yayiro, la nga hosi ya sinagoga; a wa emilengeni ya Yesu, a n'wi khongela leswaku a nghena endlwini ya yena;

BIBELE Mahungu Lamanene

⁴¹ Kutani ku ta wanuna loyi a va ku i Yayiro, loyi a a ri murhangeri wa sinagoga; a wa emilengeni ya Yesu, a n'wi khongela leswaku a nghena emutini wa yena,

Testamente Leyimpsha Xichangana

⁴¹ Kutani kuta wanuna lweyi avaku i Jayiro, lweyi aali murhangeli wa sinagoga; awa milengeni ya Yesu, amukhongela lesvaku anghena muntini wa yena,

Luka 8:41 Referans Kwoze

Timhaka 18:8

Kambe Krispo, hosi ya sinagoga, ni va yindlu ya yena hinkwavo, va pfumela eka Hosi; ni Vakorinto lavo tala loko va twa Pawulo, va pfumela, na vona, va va va khuvuriwa.

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Luka 13:14

Kambe hosi ya sinagoga yi hlunama, hikuva Yesu a a hanyisile munhu hi Savata, kutani yi byela vanhu, yi ku: “Ku ni masiku ya ntlhanu na rin'we, lawa ku fanelaka ku tirhiwa ha wona, tanani ha wona ku ta horisiwa, ku nga ri hi siku ra Savata.”

Luka 8:49

Kakuloko a ha vulavula, ku fika un'wana la humeke eka n'wini wa sinagoga, a ku eka yena: “N'wana wa wena u file, u nga ha karhati mufundhisi.”

Nhlavutelo 5:8

Kuteloko xi tekile buku, swivumbiwa leswi hanyaka leswa mune, ni vakulukumba va makume mambirhi na mune va khinsama emahlweni ka xinyimpfana, un'wana ni un'wana a tamele haripa, ni ximbitana xa nsuku lexi teleke mirhi ya risuna, swi nga swikhongelo swa vakwetsimi.

Timhaka 18:17

Kavaloko Vagriki hinkwavo va khoma Sostena, hosi ya sinagoga, kutani va n'wi ba emahlweni ka huvo; kambe Galiyo a nga vulanga nchumu ha swona.

Timhaka 9:38

kutani, leswi Lida wu nga ekusuhi na Yopa, vadyondzisiwa loko va twa leswaku Petro u kona, va n'wi rhumela vavanuna vambirhi; va n'wi khongela leswaku a ta eka vona, a nga hlweri.

Luka 17:16

Kutani a tiwisa emilengeni ya Yesu hi mombo, a n'wi tlangela. Kambe yeloyi a a ri Musamariya.

Luka 5:8

Simoni Petro, kuteloko a swi vona, a khinsama emilengeni ya Yesu a ku eka yena: “Hosi, suka eka mina hikuva ndzi mudyohi.”

Yohane 11:21

Kutani Marta a ku eka Yesu: “Hosi, loko ngi a wu ri kona, ingi makwerhu a nga fanga.

Luka 8:42

hikuva a a ri ni wanhwanyana a ri un'we, loyi malembe ya yena ma lavaka ku endla khume na mambirhi, a lava ku fa.