Luka 7:33 - Xitsonga (Bibele)

³³ Hikuva Yohane Mukhuvuri u tile, a nga dyi vuswa, a nga nwi vhinyo, kambe mi ku: ‘U ni rihuhu.’

BIBELE Mahungu Lamanene

³³ “Hi ndlela leyi, Yohane Mukhuvuri ú tile a nga dyi swakudya, a nga nwi vhinyo, kutani mi ku: ‘Ú ni rihuhe.’

Testamente Leyimpsha Xichangana

³³ “Hi ndlela leyi, Yohani Mukhuvuli atile angaji svakuja, anganwi vhinyu, kutani miku: ‘A ni dimoni.’”

Luka 7:33 Referans Kwoze

Luka 1:15

hikuva u ta va nkulukumba emahlweni ka Hosi, a nga ka a nga nwi vhinyo ni byalwa, kambe u ta tala moya lowo kwetsima a ha ri ekhwirini ra mana wa yena.

Marka 1:6

Yohane a a ambele voya bya kamela, a tibohile xisuti hi vamba ra dzovo, a dya tinjiya ni vulombe bya nhova.

Timhaka 2:13

Kambe van'wana va mona va ku: “Va xurhe vhinyo leyo tsokombela.”

Yohane 10:20

Kutani lavo tala eka vona a va ku: “U ni demona, u hungukile, mi n'wi yingisela yini-ke?”

Yohane 8:52

Kutani Vayuda va ku eka yena: “Sweswi, ha swi tiva leswaku u ni rihuhu; Abrahama u file, na vona vaprofeta; kutani wena u ri: ‘Loko munhu a hlayisa rito ra mina, a nga ka a nga twi rifu ni siku ni rin'we.’

Yohane 8:48

Kutani Vayuda va hlamula va ku eka yena: “Xana a hi vuri swona loko hi ku: U Musamariya, ni leswaku u ni rihuhu xana?”

Matewu 3:4

Yohane yeloyi a funengele nguvu ya voya bya kamela, a tikhame xisuti hi xifungha xa dzovo: swakudya swa yena a ti ri tinjiya ni vulombe bya nhova.

Matewu 10:25

Swi ringene mudyondzisiwa loko a endliwa kukotisa hosi ya yena. Loko va vurile n'wini wa yindlu Belzebule, va yindlu ya yena va ta vuriwa ku tlurisa ngopfu.

Matewu 3:1

Enkarhini wolowo ku humelela Yohane Mukhuvuri, a dyondzisa emananga ya Yudiya, a ku:

Luka 7:32

Va fana ni swihlangi leswi tshamaka entsendzeleni, swi huwelelana, swi ku: ‘Hi mi yimbele nanga, kambe a mi cinanga; hi mi yimbele mahlomulo, kambe a mi rilanga.’

Luka 7:34

N'wana wa Munhu, yena u tile, a dya, a nwa, kutani mi ku: ‘Vonani mudyi ni munwi, nakulobye wa valuvisi ni wa vadyohi.’