Luka 6:48 - Xitsonga (Bibele)

⁴⁸ U fana ni munhu la akaka yindlu; yindlu leyi, ku nga te loko a ake masungulo, a cele khele, a yi sungula etambeni; kutani, kakuloko xihuhuri xi ta, ni loko boboma ri ba yindlu leyi, a yi tsekatsekanga, hikuva yi akiwile swinene.

BIBELE Mahungu Lamanene

⁴⁸ Ú fana ni munhu la akaka yindlu; ú cerile a ya hansi swinene kutani a veka masungulo eribyeni; loko ndhambi yi ta, boboma ri ba yindlu leyi, kambe ri tsandzeka ku yi tsekatsekisa, hikuva yi akiwile swinene.

Testamente Leyimpsha Xichangana

⁴⁸ Afana ni munhu lweyi ayakaka yindlo; acelile aya hansi svinene kutani aveka masungulu ribzeni; loko ndhambhi yita, boboma riba yindlo leyi, kambe ritsandzeka kuyitsekatsekisa, hikuva yiyakiwile khwatsi svinene.

Luka 6:48 Referans Kwoze

Pisalema 62:2

Kunene hi xona xi nga ribye ra nga ni ku hlayiseka ka mina! I vuchavelo bya nga lebyi tlakukeke, ndzi nga ka ndzi nga tsekatsekisiwi ngopfu.

Esaya 28:16

Hikwalaho Hosi Yehovha u vurisile, a ku: “Vonani, ndzi veke Siyoni ribye ra masungulo, leri ringiweke, ra le yinhleni, ra risima, leri tiyisiweke. La tiseketelaka eka rona a nga ka a nga hatlisi ku chava.

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

Esaya 26:4

Tshembani Yehovha hi mikarhi ni mikarhi, hikuva Yehovha, Yehovha i ribye ra malembe ya madzana dzana.

Vaefesa 2:20

hikuva mi akiwile emasungulweni ya vaapostola ni vaprofeta, Yesu Kriste a nga yena ribye ra masungulo ra kona,

1 Yohane 2:28

Kutani sweswi, vana, tshamani eka yena, leswaku siku a humelelaka, hi ta va ni ku tshemba loku tiyeke, hi nga tshuki hi khomiwa hi tingana emahlweni ka yena, eku humeleleni ka yena.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

Pisalema 32:6

Hikwalaho, un'wana ni un'wana la ku rhandzaka U ta ku khongela hi nkarhi lowu u kumiwaka ha wona; Hambi mati lamakulu loko ma hundza, ma nga ka ma nga n'wi fikeri.

2 SAMIELE 22:32

I mani Xikwembu, loko a nga ri Yehovha? I mani ribye, loko xi nga ri Xikwembu xa hina?

Swivuriso 10:25

Hilaha xihuhuri xi hundzaka hakona, lowo biha u hundzisa sweswo; Kambe la lulameke u tiyile makumu.

2 SAMIELE 22:47

“Yehovha wa hanya! Ribye ra mina a ri dzunisiwe! Xikwembu, ri nga ribye ra ku hlayiseka ka mina, a xi kurisiwe.

Esaya 59:19

Va ta chava vito ra Yehovha ku suka evupeladyambu, ni ku twala ka yena ku suka le vuxeni; loko nala a ta ta kukotisa nambu, moya wa Yehovha wu ta n'wi tsutsumisa.

2 Petro 1:10

Hikwalaho, vamakwerhu, chivirikani ngopfungopfu ku tiyisa ku vitiwa ni ku hlawuriwa ka n'wina; hikuva loko mi endlisa sweswo, mi nga ka mi nga khunguvanyeki ni siku ni rin'we.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

Nahume 1:8

U ta lovisa xivandla xa Ninivha hi ndhambi leyi kukutaka, kutani lava nga valala eka yena u ta va pfalela emunyameni.

Pisalema 95:1

Tanani, hi yimbelela tinsimu eka Yehovha! Hi huwelela hi ku tsaka eka ribye ra ku hlayiseka ka hina.

2 SAMIELE 22:5

“Hikuva magandlati ya rifu ma ndzi rhendzele, Maboboma ya lavo biha ma ndzi tshukisile;

Duteronoma 32:15

“Yexuruni (Israele) u tinonisile, kambe u khadlanyile. U nonile, u kule miri, u tele mafurha, Kambe u tshikile Xikwembu lexi n'wi vumbeke, U sandzile Ribye ra ku hayiseka ka yena.

2 SAMIELE 23:3

Xikwembu xa Israele xi vurisile, Ribye ra xichavelo xa Israele ri te eka mina: “Un'wana la lulameke u ta fuma vanhu, Mufumi la chavaka Xikwembu,

2 SAMIELE 22:2

“Oho! Yehovha ribye ra mina, ni khokholo ra mina, ni mulweri wa mina!

1 SAMIELE 2:2

“La kwetsimaka kukotisa Yehovha, a nga kona; Hikuva a ku na Xikwembu ehandle ka wena; A ku na Ribye lero tiya kukota Xikwembu xa hina.

Duteronoma 32:31

Hikuva Ribye ra vona a ri fani ni Ribye ra hina, Valala va hina va ta avanyisa mhaka leyi,

Duteronoma 32:18

U tshikile Ribye leri ku velekeke, U rivele Xikwembu lexi ku tumbuluxeke.

Luka 6:47

Un'wana ni un'wana la taka eka mina, kutani a yingisa marito ya mina, a va a ma endla, ndzi ta mi ringanisela la fanaka na yena.

Luka 6:49

Kambe la yingisaka, kutani a nga endli, a fana ni munhu la akeke yindlu ya yena esaveni, yi nga ri na masungulo; kungakuloko boboma ri yi ba, yi hatlisa ku wa, kutani ku lova ka yindlu leyi ku va lokukulu.”