Luka 6:38 - Xitsonga (Bibele)

³⁸ Hananani, mi ta hananiwa; va ta mi nyika exifuveni hi mpimo lowukulu, lowu congiweke, lowu hlunguhliweke, lowu halakaka; hikuva ku ringanisa loku mi ringanisaka van'wana hakona, mi ta ringanisiwa hakona na n'wina.”

BIBELE Mahungu Lamanene

³⁸ Nyikani, mi ta nyikiwa; endzeni ka nkhancu lowu mi wu hakarhaka exifuveni, ku ta cheriwa mpimo lowu tivikanaka, lowu gandliweke, lowu hlunguhliweke, lowu khapaka; hikuva mpimo lowu mi pimelaka van'wana ha wona, mi ta pimeriwa ha wona na n'wina.”

Testamente Leyimpsha Xichangana

³⁸ Nyikani van'wana, na n'wina mitanyikiwa; vataminyika, mpin'wini lowutaleke wutlhela wujinjiwa, wuhlunguhliwa, wuva wuhalakela; hikuva mpimo lowu mipimelaka van'wana ha wona na n'wina, mitapimeliwa ha wona.”

Luka 6:38 Referans Kwoze

Duteronoma 15:10

N'wi nyike hi ku tsaka, kambe kungakuloko u n'wi nyika, mbilu ya wena yi nga tshuki yi vilela; hikuva hikwalaho ka mhaka leyi, Yehovha, Xikwembu xa wena, xi ta ku katekisa emitirhweni hinkwayo ya wena, ni le ku endleni hinkwako ka mavoko ya wena.

Marka 4:24

A engeta a ku eka vona: “Xiyani leswi mi swi yingisaka: Mpimo lowu mi pimaka ha wona, na n'wina mi ta pimeriwa ha wona, kutani ku ta engeteriwa n'wina mi yingisaka.

Matewu 7:2

hikuva mi ta avanyisiwa hi ku avanyisa loku mi avanyisaka van'wana hakona; kutani mpimo lowu mi pimaka van'wana ha wona, mi ta pimiwa ha wona, na n'wina.

Swivuriso 22:9

Munhu wa tintswalo u ta kateka, Hikuva u pfuna xisiwana hi swakudya swa yena.

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Swivuriso 10:22

Mikateko ya Yehovha yi fuwisa munhu, A nga n'wi engeteli mikarhalo.

Matewu 10:42

Kutani un'wana ni un'wana la nyikeke ndzheko, hambi wu ri wun'we, wa mati yo titimela eka un'wana wa lavatsongo, hi leswi a nga mudyondzisiwa wa mina, kunene ndzi ri eka n'wina: A nga ka a nga pfumali hakelo ya yena.”

Luka 6:30

Nyika un'wana ni un'wana la kombelaka eka wena; ni loko munhu a ku tekela swa wena, u nga tshuki u swi kombela eka yena.

Yakobo 2:13

Hikuva ku avanyisa ku nga ka ku nga vi na tintswalo eka loyi a nga endlangiki hi tintswalo; kambe tintswalo ti tidzunisa henhla ka ku avanyisa.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava a nga tivana na vona, va ta eka yena, va dya na yena endlwini ya yena, va hlangula mihloti ya yena va n'wi chavelela eku vavisekeni ka yena hinkwako loku Yehovha a ku tiseleke ehenhla ka yena; un'wana ni un'wana a n'wi nyika xiphemu xa silivhere ni sindza ra nsuku.

Pisalema 79:12

Hosi, u tlherisela eka ntlhanu na kambirhi exifuveni xa lava akisaneke na hina, Xisandzu lexi va ku sandzeke ha xona!

Estere 9:25

Kambe loko Estere a ta emahlweni ka hosi, a lerisa hi mapapila leswaku makungu layo biha lawa ma kaneriweke hi Hamani ya ku hehla Vayuda, ma tlheriseriwa enhlokweni ya yena, kutani a hayekiwa emhandzeni, yena ni vana va yena.

Vaavanyisi 1:7

Adoni-Bezeki a ku: “Ku ni tihosi ta 70 leti tsemiweke makhudzu ya mavoko ni ya milenge, leti a ti tshama ti rholela mahlanhla ehansi ka tafula ra mina. Xikwembu xi ndzi tlherisele leswi ndzi swi endleke.” Kutani va n'wi yisa eYerusalema, a ya fela kona.

Estere 7:10

Kutani va hayeka Hamani emhandzeni leyi ngi yi lunghiseriwe Mordekayi, kutani vukari bya hosi byi vomba.

Yeremiya 32:18

U endlile hi tintswalo ku yisa etinxakeni ta madzana, u vuyisile ku homboloka ka vatatana exifuveni xa vana va vona endzhaku ka vona; hi wena Xikwembu lexikulu, xa matimba, lexi vito ra xona a nga Yehovha wa mavandla.

Eksoda 21:24

tihlo hi tihlo, tino hi tino, voko hi voko, nenge hi nenge,

2 SAMIELE 19:36

Nandza wa wena u ta pela Yordani ni hosi, a famba na yona mpfhukanyana, kutani hosi yi ta ndzi tsakisela yini hi leswo nghasi xana?