Luka 6:30 - Xitsonga (Bibele)

³⁰ Nyika un'wana ni un'wana la kombelaka eka wena; ni loko munhu a ku tekela swa wena, u nga tshuki u swi kombela eka yena.

BIBELE Mahungu Lamanene

³⁰ Nyika mani na mani la kombelaka eka wena; ni loko munhu a ku tekela swa wena, u nga n'wi londzi.

Testamente Leyimpsha Xichangana

³⁰ Nyika mani na mani lweyi akombelaka ka wena; ni loko munhu akutekela sva wena, ungamulondzi.

Luka 6:30 Referans Kwoze

2 Vakorinto 8:9

Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

Timhaka 20:35

Ndzi mi kombisile eswilweni hinkwaswo leswaku hi ku tirhisa sweswo, ku fanekele ku pfuniwa lavo tsana, ni ku anakanya rito ra Hosi Yesu, leri a nga ri vula hi xiviri xa yena, loko a te: ‘Ku nyika, i ku kateka loku tlurisaka ku nyikiwa.’ ”

Matewu 6:12

Hi rivalele milandzu ya hina, tanihi loko na hina hi rivalela van'wana lava nga ni milandzu eka hina.

Luka 18:22

Kuteloko Yesu a twa sweswo, a ku eka yena: “Wa ha pfumala xilo xin'we: Xavisa hinkwaswo leswi u nga na swona, u avela swisiwana, hi kona u nga ta va ni xuma etilweni; kutani u ta, u ndzi landzela.”

Swivuriso 21:26

Masiku hinkwawo, timhaka ta rona i ku navela, Kambe la lulameke u hanana a nga kanakani.

Pisalema 41:1

Ku katekile loyi a anakanyaka xisiwana, Hi siku ra khombo, Yehovha u ta n'wi lwela.

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Luka 12:33

Xavisani leswi mi nga na swona, mi nyika swisiwana; mi tilavela mikwama leyi nga hlakariki, ni xuma ematilweni lexi nga heriki, lexi khamba ri nga xi yiviki, ni laha tinsumba ti nga onhiki;

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Luka 6:38

Hananani, mi ta hananiwa; va ta mi nyika exifuveni hi mpimo lowukulu, lowu congiweke, lowu hlunguhliweke, lowu halakaka; hikuva ku ringanisa loku mi ringanisaka van'wana hakona, mi ta ringanisiwa hakona na n'wina.”

Matewu 18:35

Mi ta endlisiwa sweswo hi Tatana wa le tilweni, loko un'wana ni un'wana wa n'wina a nga rivaleli makwavo ku dyoha ka yena hi mbilu hinkwayo ya yena.”

Eklesiasta 8:16

Kuteloko ndzi pfumelele mbilu ya mina ku tiva vutlhari, ndzi va ndzi languta mitirho leyi endliwaka emisaveni, hilaha vanhu van'wana va nga nyikiki mahlo ya vona vurhongo ninhlekanhi, hambi byi ri vusiku;

Swivuriso 22:9

Munhu wa tintswalo u ta kateka, Hikuva u pfuna xisiwana hi swakudya swa yena.

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

Eklesiasta 11:2

Byi nyike ka vanhu va ntlhanu na vambirhi, kumbe ka va ntlhanu na vanharhu; hikuva a ku tivi khombo leri nga ta humelela emisaveni.

Matewu 5:39

Kambe mina ndzi ri eka n'wina: Mi nga tshuki mi alela la mi endlaka swo biha; kambe loko munhu a ku phakata rhama ra xinene, u n'wi hundzukela ni rin'wana.

Luka 6:29

La ku phakataka rhama, u n'wi kangatela ni rin'wana; la ku tekelaka nguvu, u nga n'wi aleli ni xingubyana.

Luka 6:31

Leswi mi rhandzaka leswaku vanhu va mi endlisa xiswona, va endliseni xiswoleswo na n'wina.