Luka 6:27 - Xitsonga (Bibele)

²⁷ “Kambe ndzi ri eka n'wina lava ndzi yingisaka: Rhandzani valala va n'wina, mi endla swinene eka lava mi vengaka.

BIBELE Mahungu Lamanene

²⁷ “Kambe eka n'wina lava mi ndzi yingisaka ndzi ri: Rhandzani valala va n'wina, mi endla leswinene eka lava va mi vengaka.

Testamente Leyimpsha Xichangana

²⁷ “Kambe ka n'wina lava miniyingisaka nili: Rhandzani valala va n'wina, miyendla lesvinene ka lava vamivengaka.

Luka 6:27 Referans Kwoze

1 Vatesalonika 5:15

Mi vona leswaku ku nga tshuki ku va na loyi a rihisaka swo biha hi leswo biha; kambe lavani hi masiku leswo saseka eka un'wana ni un'wana exikarhi ka n'wina, ni ka hinkwavo.

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Swivuriso 24:17

U nga tsakeli ku wa ka nala wa wena loko a khunguvanyekile, U nga khindlimuki embilwini ya wena;

Vagalatiya 6:10

Hikwalaho, loko ha ha ri ni nkarhi, a hi endleleni hinkwavo leswinene, kambe ngopfungopfu va yindlu ya ku pfumela.

Marka 4:24

A engeta a ku eka vona: “Xiyani leswi mi swi yingisaka: Mpimo lowu mi pimaka ha wona, na n'wina mi ta pimeriwa ha wona, kutani ku ta engeteriwa n'wina mi yingisaka.

Timhaka 10:38

ti nga ta Yesu wa Nazareta, leswaku Xikwembu xi n'wi cherile hi Moya lowo Kwetsima ni matimba a va a famba hinkwako, a ri karhi a endla swinene, a horisa hinkwavo lava fumiweke hi Diyavulosi, hikuva Xikwembu a xi ri na yena.

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

Luka 23:34

Kambe Yesu a ku: “Tatana, va rivalele, hikuva a va tivi leswi va swi endlaka.” Kutani va avelana tinguvu ta yena hi ku ti hlahluva hi vuhlolotwana.

Luka 8:18

Hikwalaho, tivoneni hilaha mi yingisaka hakona; hikuva ku ta nyikiwa la nga ni xilo; kambe la pfumalaka, u ta tekeriwa na xona lexi a xi tshembaka leswaku u na xona.”

Luka 8:15

Leswi nga wela emisaveni leyinene, hi lava yingisaka rito, va ri hlayisa etimbilwini leto lulama, letinene, kutani va veka mihandzu hi ku tiyisela.

Luka 8:8

Kambe tin'wana ti wela emisaveni leyinene; kuteloko ti mirile ti veka ka dzana.” Kakuloko a vurile sweswo a huwelela, a ku: “La nga ni tindleve ku yingisa, a a yingise.”

Luka 6:22

Mi ta va ni ku kateka siku vanhu va mi vengaka, va mi humesaka exikarhi ka vona, va mi rhuketelaka, ni loko va sandza vito ra n'wina tanihi loko ingi ri bihile, hikwalaho ka N'wana wa Munhu.

3 Yohane 1:11

Murhandziwa, u nga etisi swo biha, kambe u etisa leswinene. La endlaka swinene, i wa Xikwembu, kambe la endlaka swo biha, a nga vonanga Xikwembu.

Swivuriso 25:2

Ku twala ka Xikwembu i ku fihla mhaka; kambe ku yi kambisisa i ku twala ka tihosi.

Pisalema 7:4

Loko ndzi rihele la nga hanya hi ku rhula na mina, swo biha, Loko ndzi phangile la ndzi vengeke ntsena,

1 TIHOSI 13:6

Kutani hosi yi vulavula yi ku eka munhu wa Xikwembu: “Wa nga khongela Yehovha, Xikwembu xa wena, u ndzi khongelela leswaku voko ra mina ri tlhela eka mina!” Munhu wa Xikwembu a khongela Yehovha, kutani voko ra hosi ri tlhela eka yena, ri va kukotisa khale.

Timhaka 16:28

Kambe Pawulo a n'wi huwelela hi rito lerikulu, a ku: “U nga tshuki u tivavisa, hikuva ha ha ri kona hinkwerhu.”