Luka 6:14 - Xitsonga (Bibele)

¹⁴ I Simoni, loyi a n'wi thyaka Petro, na Andriya makwavo, na Yakobo, na Yohane, na Filipi, na Bartolomi,

BIBELE Mahungu Lamanene

¹⁴ Lava hlawuriweke i Simoni loyi Yesu a n'wi thyeke vito ra Petro, ku landza Andriya makwavo, na Yakobo, na Yohane, na Filipi, na Bartolomi,

Testamente Leyimpsha Xichangana

¹⁴ Lava vahlawuliweke i Simoni lweyi Yesu amuchuleke vito ra Petrosi, kulandza Andreya makwavu, na Yakobe, na Yohani, na Filipi, na Bartolomewu,

Luka 6:14 Referans Kwoze

Timhaka 1:13

Kuteloko va nghenile va khandziya endlwini leyi nga ehenhla, laha ku tshameke Petro na Yohane, na Yakobo, na Andriya na Filipi, na Tomasi, na Bartolomi, na Matewu, na Yakobo, n'wana Alfiya, na Simoni Muhiseki, na Yuda, makwavo wa Yakobo.

Matewu 4:21

Kutani a hundzela emahlweni, a vona vavanuna vambirhi van'wana, a a ri Yakobo n'wana Zebediya na Yohane makwavo, va tshamile ebyatsweni na Zebediya tata wa vona, va tlhaviketela tinkoka ta vona, kutani a va vita.

Matewu 4:18

Kutani Yesu loko a lulama ni lwandle ra Galeliya, a vona vavanuna vambirhi, a a ri Simoni la vuriwaka Petro, na Andriya makwavo, va peta tinkoka ta vona elwandle, hikuva a va ri vaphasi va tinhlampfi.

2 Petro 1:1

Simoni Petro, nandza ni muapostola wa Yesu Kriste; Eka lava averiweke ku pfumela loku ringanaka ni ka hina hi ku saseka, eku lulameni ka Xikwembu xa hina, ni le ka Yesu Kriste, Muhlayisi wa hina:

Timhaka 12:2

Kutani a dlaya Yakobo, makwavo wa Yohane, hi ripanga.

Yohane 14:8

Filipi a ku eka yena: “Hosi, hi kombe Tatana swi ta va swi hi ringene.”

Yohane 6:8

Un'wana wa vadyondzisiwa va yena, Andriya makwa Simoni Petro, a ku eka yena:

Yohane 6:5

Yesu, kuteloko a tlakusile mahlo ya yena, a vona ntshungu lowukulu wu ta eka yena, kutani a ku eka Filipi: “Xana hi ta xava kwihi swinkwa leswaku vanhu lava, va dya?”

Yohane 1:45

Filipi a kuma Nataniele, a ku eka yena: “Hi vonile loyi Muxe a tsaleke timhaka ta yena enawini, ni vaprofeta va ti tsarile; i Yesu wa Nazareta, n'wana Yosefa.”

Luka 5:10

Kutani Yesu a ku eka Simoni: “U nga chavi, ku sungula sweswi, u ta va muphasi wa vanhu lava hanyaka.”

Luka 5:8

Simoni Petro, kuteloko a swi vona, a khinsama emilengeni ya Yesu a ku eka yena: “Hosi, suka eka mina hikuva ndzi mudyohi.”

Marka 14:33

A teka Petro na Yakobo na Yohane, kutani a sungula ku tshuka ngopfu, a ri ni gome lerikulu;

Marka 9:2

Kuteloko masiku ya ntlhanu na rin'we ma hundzile, Yesu a teka Petro, na Yakobo, na Yohane, a ya na vona va ri swavo ehenhla ka ntshava le yo leha. Kutani a hundzuka emahlweni ka vona;

Marka 5:37

Kutani a nga pfumelelanga munhu ku n'wi landza, loko a nga ri Petro, na Yakobo, na Yohane, makwa Yakobo.

Marka 1:29

Enkarhini wolowo, Yesu a huma esinagogeni, a ya na Yakobo na Yohane endlwini ya Simoni na Andriya.

Marka 1:19

Kutani a ya emahlweni, a kuma Yakobo, n'wana Zebediya, na Yohane makwavo va ri ebyatsweni, va bohelela tinkoka ta vona.

Matewu 10:3

Filipi na Bartolomi, Tomasi na Matewu muluvisi; Yakobo n'wana Alfiya na Lebiya;

Matewu 10:2

Mavito ya vaapostola lava khume na vambirhi hi walawo: lowo rhanga, i Simoni, la thyiweke Petro, na Andriya makwavo; na Yakobo n'wana Zebediya, na Yohane makwavo;

Marka 3:16

A veka lava khume na vambirhi: I Simoni loyi a nga n'wi thya Petro;

Luka 6:13

Loko ri xile, a vitana vadyondzisiwa va yena, kutani a hlawula xikarhi ka vona lava khume na vambirhi; valavo a va thya vaapostola (varhumiwa).

Luka 6:15

na Matewu, na Tomasi, na Yakobo, n'wana Alfiya, na Simoni la nga thyiwa Muhiseki;