Luka 4:17 - Xitsonga (Bibele)

¹⁷ A nyikiwa buku ya muprofeta Esaya; kuteloko a phurumule buku, a kuma mhaka leyi tsariweke, leyi nge:

BIBELE Mahungu Lamanene

¹⁷ A nyikiwa buku ya muprofeta Esaya; kuteloko a yi pfurile, a kuma laha ku nga tsariwa marito lama nge:

Testamente Leyimpsha Xichangana

¹⁷ Kutani anyikiwa buku ya muprofeta Ezaya; loko ayipfulile, akuma laha kungatsaliwa marito lawa mange:

Luka 4:17 Referans Kwoze

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Timhaka 7:42

Hikwalaho Xikwembu xi va fularhela, xi va nyiketa eku gandzeleni ka mavandla ya tilo, hilaha ku tsariweke hakona ebukwini ya vaprofeta leswaku: ‘N'wina, yindlu ya Israele, xana mi ndzi humesele switlhavelo ni timhamba emananga hi malembe ya mune wa makume xana?

Timhaka 13:27

Hikuva lava akeke eYerusalema, ni vakulukumba va vona, leswi va nga tivangiki Yesu, va n'wi avanyisile va hetisisa sweswo marito ya vaprofeta lama hlayiwaka hi Savata rin'wana ni rin'wana.

Luka 20:42

Kasi yena Davhida u vurile ebukwini ya Tipisalema a ku: ‘Hosi yi byerile Hosi yanga yi ku:

Luka 4:16

A ya ni le Nazareta, laha a nga kulela kona; kutani hi siku ra Savata, a nghena esinagogeni hi mukhuva wa yena, kutani a yimela ku hlaya.

Luka 4:18

“Moya wa Xikwembu wu le ka mina, hikuva xi ndzi totile, xi va xi ndzi rhuma ku byela swisiwana Evhangeli, ku horisa va timbilu leti vavisekaka;

Luka 4:20

Kuteloko a phutsile buku, a yi nyika nandza a tshamisa; kutani hinkwavo lava nga esinagogeni va n'wi langutisisa.

Luka 16:29

Abrahama a ku eka yena: ‘Va ni Muxe ni vaprofeta; va nga va yingisa.’