Luka 24:47 - Xitsonga (Bibele)

⁴⁷ ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

BIBELE Mahungu Lamanene

⁴⁷ Kutani, hi vito ra yena, timhaka ta ku hundzuka ni ta ku rivaleriwa swidyoho ti ta twarisiwa ematikweni hinkwawo, ku sungula hi le Yerusalema.’

Testamente Leyimpsha Xichangana

⁴⁷ Kutani, hi vito ra yena, timhaka ta kuhundzuka ni ta kurivaleliwa svijoho titapaluxiwa matikweni hinkwawu, kusungula hilaha Yerusalema.’

Luka 24:47 Referans Kwoze

Timhaka 5:31

Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

Esaya 49:6

U ri: “A swi ringani leswaku u va nandza wa mina ku pfuxa tinxaka ta Yakobo ni ku vuyisa lava poneke va Israele; ndzi ta endla ha wena ku vonakala ka matiko, ku fikisa ku pona ka mina emakun'wini ya misava!”

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Timhaka 20:21

ndzi ri karhi ndzi vula eka Vayuda ni ka Vagriki, vumbhoni bya ku hundzukela eka Xikwembu, ni ku pfumela eka Yesu Kriste, Hosi ya hina.

Timhaka 13:46

Kutani Pawulo na Barnaba va va byela, va tiyisa, va ku: “A swi fanela leswaku rito ra Xikwembu ri byeriwa n'wina eku sunguleni; kambe leswi mi ri alaka, mi tiavanyisile lava nga fanekelangiki hi vutomi lebyi nga heriki, maswivo, hi hundzukela eka vamatiko.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Malakiya 1:11

Hikuva ku suka eku humeni ka dyambu, ku ya fika eku peleni ka rona, vito ra mina hi lerikulu exikarhi ka matiko, ni swivandleni hinkwaswo magandzelo ma ta hisiwa, ni switlhavelo swi tiseriwa vito ra mina, ma nga magandzelo lama tengeke; hikuva vito ra mina ri ri rikulu exikarhi ka matiko, ku vula Yehovha wa mavandla.

Timhaka 11:18

Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Yeremiya 31:34

A va nga ha dyondzisi un'wana ni un'wana nakulobye; a ku na munhu la nga ta dyondzisa warikwavo, a ku: ‘Tiva Yehovha!’ Hikuva va ta ndzi tiva hinkwavo, ku sungula hi lontsongo eka vona, ku yisa eka lonkulu, ku vula Yehovha; hikuva ndzi ta va tshikela ku homboloka ka vona, a ndzi nga ha anakanyi xidyoho xa vona.”

Pisalema 86:9

Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

Matewu 3:2

“Hundzukani, hikuva ku fuma ka matilo ku tshinele.”

Hosiya 2:23

Kutani ndzi ta tibyalela yena emisaveni; ndzi va ndzi tsetselela Lo-Ruhama, kutani ndzi ta ku eka Lo-Ami: ‘U tiko ra mina’; kutani yena u ta ku eka mina: ‘U Xikwembu xanga’.”

Pisalema 22:27

Matlhelo hinkwawo ya misava ma ta tsundzuka Yehovha, ma hundzulukela ka yena. Ni tinxaka hinkwato ta matiko ti ta khinsama emahlweni ka yena.

Genesa 12:3

Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

1 Yohane 2:12

Vana lavatsongo, ndza mi tsalela hikuva mi rivaleriwile swidyoho hikwalaho ka vito ra yena.

Vakolosa 1:27

valavo Xikwembu xi rhandzeke ku va tivisa rifuwo ra ku kwetsima ka xihundla xolexo exikarhi ka vamatiko; xi nga leswaku Kriste u le ka n'wina, yena ku nga ku tshemba ka ku kwetsima.

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

Timhaka 4:12

Kutani a ku na ku hlayiseka ka un'wana, hikuva a ku na vito rimbe ehansi ka matilo, leri nyikiweke exikarhi ka vanhu, leri hi fanelaka ku hanyisiwa ha rona.”

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Mikiya 4:2

Matiko layo tala ma ta ta kona, ma ku: “A hi yeni, hi tlhandlukela entshaveni ya Yehovha, endlwini ya Xikwembu xa Yakobo, a ta hi dyondzisa tindlela ta yena, kutani hi famba hi tindlela ta yena.” Hikuva nawu wu ta huma eSiyoni, ni rito ra Yehovha ri ta huma eYerusalema.

Esaya 52:15

hi mukhuva wolowo u ta tsakisa ngopfu matiko ya ku tala; tihosi ti ta pfala milomu ya tona, hikuva ti ta vona leswi ti nga siki tivisiwaka swona, ti ta dyondza leswi ti nga siki yingisaka swona.

Esaya 52:10

Yehovha u funungurile voko ra yena leri hlawuriweke emahlweni ka matiko hinkwawo, kutani makumu hinkwawo ya misava ma ta vona ku hlayiseka ka Xikwembu xa hina.

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Vaefesa 1:6

eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka Murhandziwa wa xona,

Varhoma 5:20

Kambe nawu wu humelele leswaku ku dyoha ku andza; kambe laha ku dyoha ku andzeke kona, tintswalo ti andzile hi ku tlurisa,

Timhaka 28:28

Tivani kwalaho leswaku ku hlayiseka ka Xikwembu ku rhumeriwile vamatiko, kutani vona va ta ku yingisa.”

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Luka 13:34

“Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

Esaya 49:22

U vula sweswo Hosi Yehovha, u ri: “Ndzi ta tlakusela voko ra mina eka matiko, ndzi ta yimisa mujeko wa mina eka matiko kutani va ta vuyisa vana va wena va xinuna emavokweni ya vona, ni vana va wena va xisati emakatleni ya vona.

Esaya 11:10

Enkarhini wolowo rimitsu ra Yese ri ta yimiseriwa matiko tanihi mfungho, matiko ma ta ri lava, kutani vuako bya rona byi ta va ku vonakala ntsena.

Esaya 5:4

Lexi nga fanela ku endliwa, lexi ndzi nga xi endlangiki i yini? Leswi ndzi languteleke leswaku yi ta veka mihandzu leyo nandziha, i yini leswi yi vekeke leyo bava xana?

Pisalema 67:7

Xikwembu xi ta hi katekisa, Kutani matlhelo hinkwawo ya misava ma ta xi chava.