Luka 24:32 - Xitsonga (Bibele)

³² Kutani va byelana, va ku: “Xana timbilu ta hina a ti pfurhanga endzeni ka hina loko a vulavula na hina endleleni, a hi hlamusela matsalwa xana?”

BIBELE Mahungu Lamanene

³² Kutani va byelana, va ku: “Hikwalaho ka yini timbilu ta hina ti nga pfurhanga endzeni ka hina, loko a vulavula na hina endleleni, a hi pfuletela Matsalwa xana?”

Testamente Leyimpsha Xichangana

³² Kutani vabzelana, vaku: “Xana atingapfurhi timbilu ndzeni ka hina, loko ali karhi avulavula na hina ndleleni, na ahipfuletela Matsalwa?”

Luka 24:32 Referans Kwoze

Luka 24:45

Kavaloko a pfula ku twisisa ka vona, leswaku va twisisa Matsalwa.

Vaheveru 4:12

Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

Yeremiya 23:29

Xana rito ra mina a ri kotisi ndzilo ku vula Yehovha, a ri kotisi nyundzu leyi fayaka ribye xana?

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Pisalema 39:3

Mbilu ya mina a yi hiseka endzeni ka mina, Ndzilo wu tshiveriwe eku anakanyeni ka mina, Ku va laha ririmi ranga ri vulavulaka:

Yeremiya 15:16

Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

Swivuriso 27:17

Nsimbhi yi lota nsimbhi, Hi sweswo eka munhu, u hlohlotela vukari bya munhu.

Yohane 6:63

Moya hi wona lowu hanyisaka; nyama a yi pfuni nchumu. Timhaka leti ndzi mi byelaka tona, i moya ni vutomi.

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Pisalema 104:34

Mianakanyo ya mina a yi n'wi tsakise! Ndzi ta endla Yehovha ku tsaka ka mina.

Swivuriso 27:9

Mafurha, ni leswi nun'hwelaka ku nandziha, swi tsakisa mbilu; Hi sweswo, ku lerisa loku humaka embilwini ya nakulobye, ka nandziha.

Marka 4:34

A nga vulanga mhaka loko ku nga ri hi xifaniso; kutani loko va ri enhlambulo, a hlamusela vadyondzisiwa va yena timhaka hinkwato.