Biblia Todo Logo
Bib sou entènèt

- Piblisite -




Luka 23:34 - Xitsonga (Bibele)

34 Kambe Yesu a ku: “Tatana, va rivalele, hikuva a va tivi leswi va swi endlaka.” Kutani va avelana tinguvu ta yena hi ku ti hlahluva hi vuhlolotwana.

Gade chapit la Kopi

BIBELE Mahungu Lamanene

34 [Kutani Yesu a ku: “Tatana, va rivalele, hikuva a va tivi leswi va swi endlaka.”] Kutani va avelana swiambalo swa yena hi ku hoxa vuhlolotwana.

Gade chapit la Kopi

Testamente Leyimpsha Xichangana

34 [Kutani Yesu aku: “Tatana, varivalele, hikuva avasvitivi lesvi vasviyendlaka.”] Kutani vayavelana sviyambalu sva yena hi kuhlahluva.

Gade chapit la Kopi




Luka 23:34
26 Referans Kwoze  

Kambe mina ndzi ri eka n'wina: Rhandzani lava nga valala eka n'wina; mi katekisa lava mi rhukanaka; lava mi vengaka mi va endla swinene; mi khongelela lava mi xanisaka;


Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.


Mi nga tlheriseli swo biha hi swo biha hambi ku ri ku rhukana hi ku rhukana, kambe mi katekisa, hikuva mi vitaneriwe swona, leswaku mi ta dya ndzhaka ya ku kateka.


Katekisani lava mi xanisaka; katekisani, mi nga tshuki mi rhukana.


byi nga lebyi tihosi ta misava leyi, hambi yi ri yin'we, yi nga byi tiviki; hikuva loko a ti byi tivile, ingi ti nga vambangi Hosi ya ku vonakala.


Va avelana tinguvu ta mina, Va hlahluva nguvu ya mina.


‘Mi ta byela Yosefa, mi ku: Wa nga rivalela milandzu ya vamakwenu ni ku dyoha ka vona, hikuva va ku endlile swo biha,’ kambe sweswi, wa nga khomela malandza ya Xikwembu xa tata wa wena ku dyoha ka vona!” Kutani Yosefa a rila loko va vulavula na yena.


Hikwalaho ndzi ta n'wi nyika ku avela ka yena swin'we ni vakulukumba; u ta avelana rifuwo ni vanhu lava fumaka, hikuva a tinyiketele rifu, kutani u hlayiwa exikarhi ka swidyohi; kambe yena, hi xiviri xa yena, u rhwele nandzu wa vanhu vo tala, u ta khongelela swidyohi.


Kambe ndzi tsetseleriwile hi tintswalo, hikuva a ndzi endla hi ku kohleka, ndzi nga si pfumela;


“Sweswi, vamakwerhu, ndza swi tiva leswaku mi endlise sweswo hi ku ka mi nga swi tivi, na tona tihosi ta n'wina;


ha karhala hi ku tirha hi mavoko ya hina. Hambi hi hleviwa, ha katekisa, hambi hi xanisiwa, ha yingisela,


Enkarhini wolowo Yesu a vulavula a ku: “Ndza ku dzunisa, Tatana, Hosi ya le tilweni ni ya misava, hikuva timhaka teto u ti fihlele lavo tlhariha ni lava mano, kambe u ti tivisile lavatsongo.


Yesu a hlamula, a ku: “A wu nga ti va na matimba ehenhla ka mina ni switsongo, loko u nga ma nyikiwanga hi tilo; hikwalaho, la ndzi nyiketeke wena u ni nandzu lowu tlurisaka.”


Kuteloko va n'wi vambile va avelana tinguvu ta yena, va ti hlahluva hi vuhlolotwana, ku tiva leyi un'wana ni un'wana a nga ta yi kuma.


Ina, Tatana, hi sweswo hikuva hilaha u tirhandzeleke hakona.


“Tatana, loko u swi rhandza, tshineta ndzheko lowu ekule na mina! Kambe, ku nga endliwi ku rhandza ka mina, a ku endliwe ka wena.”


Ndza va khongelela; a ndzi khongeleri misava, kambe ndzi khongelela lava u ndzi nyikeke vona, hikuva i va wena.


Kambe Pawulo a n'wi huwelela hi rito lerikulu, a ku: “U nga tshuki u tivavisa, hikuva ha ha ri kona hinkwerhu.”


Swiv nou:

Piblisite


Piblisite