Luka 23:33 - Xitsonga (Bibele)

³³ Kuteloko va fikile exivandleni lexi va nge i Ripala, va n'wi vamba kona ni swidyohi; xin'wana xi va evokweni ra xinene, xin'wana eka lera ximatsi.

BIBELE Mahungu Lamanene

³³ Loko va fikile endhawini leyi va nge i “ya Pala”, va n'wi vamba kona, va vamba ni swidyohi, xin'wana evokweni ra yena ra xinene, xin'wana eka lera ximatsi.

Testamente Leyimpsha Xichangana

³³ Loko vafikile ndhawini leyi vange i “ya Pala”, vamuvamba kona, vavamba ni xigevenga xin'we tlhelweni ra yena ra xinene, xin'wana ka leri ra ximantsi.

Luka 23:33 Referans Kwoze

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

Yohane 18:32

Swi ri leswaku rito leri nga vuriwa hi Yesu ri hetiseka, leri a nga ri vula loko a fanisa rifu leri a nga ta fanela ku fa ha rona.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Duteronoma 21:23

ntsumbu wa yena wu nga tshuki wu hundza vusiku wu ri emutini; u ta n'wi lahla hi siku rolero, hikuva la hayekiweke, wa yila eka Xikwembu, kambe u nga tshuki u nyamisa tiko ra wena leri Yehovha, Xikwembu xa wena, a ku nyikaka rona leswaku yi va ndzhaka ya wena.

Vagalatiya 3:13

Kriste u hi kutsurile eku rhukaniweni ka nawu hi ku hlayiwa la rhukaniweke ematshan'weni ya hina hikuva ku tsariwile va ku: “Ku rhukaniwe mani na mani la hayekiweke emhandzeni,”

Timhaka 13:29

Kuteloko va hetile timhaka hinkwato leti tsariweke ehenhla ka yena, va n'wi hawula emhandzeni va n'wi nghenisa esirheni.

Timhaka 5:30

Xikwembu xa vatata wa hina xi pfuxile Yesu, loyi mi nga n'wi dlaya hi ku n'wi hayeka emhandzeni.

Timhaka 2:23

yeloyi-ke, u nyiketiwile hi makungu lama tiyeke ya Xikwembu ni ku titivela ka xona ka khale; kutani mi n'wi dlayile hi ku n'wi vamba hi mavoko ya swidyohi;

Yohane 3:14

Kukotisa Muxe loko a hayekile nyoka emananga, N'wana wa Munhu u fanekele ku hayekisiwa sweswo;

Luka 24:7

loko a te: ‘N'wana wa Munhu, u fanekele ku nyiketiwa emavokweni ya vadyohi, a vambiwa, kutani a ta pfuka hi siku ra vunharhu.’ ”

Matewu 26:2

“Ma swi tiva leswaku loko ku hundzile masiku mambirhi, Paseka yi ta va kona, kutani N'wana wa Munhu u ta nyiketiwa ku vambiwa.”

Matewu 20:19

naswona va ta n'wi nyiketa eka vahedeni leswaku va n'wi tseketsela, va n'wi ba hi mikhavi, ni ku n'wi vamba exihambanweni, kutani hi siku ra vunharhu u ta pfuka.”

Pisalema 22:16

Hikuva timbyana ti ndzi rhendzele; Vandla ra lavo biha ri ndzi rhendzele; Va tlhavile swandla swa mina ni mikondzo ya mina.