Luka 23:14 - Xitsonga (Bibele)

¹⁴ kutani vonani, ndzi n'wi vutisile mi ri kona, kambe a ndzi kumanga eka yena, hambi wu ri nandzu wun'we wa leswi mi n'wi hehlaka ha swona.

BIBELE Mahungu Lamanene

¹⁴ a ku ka vona: “Mi tisile munhu loyi eka mina, mi ku: ‘Ú hambukisa tiko.’ Sweswi ndzi kambile mhaka emahlweni ka n'wina, kambe a ndzi kumanga nandzu eka yena, hambi wu ri wun'we wa leswi mi n'wi hehlaka ha swona.

Testamente Leyimpsha Xichangana

¹⁴ aku ka vona: “Mitisile munhu lweyi ka mina, miku: ‘Ahambukisa tiko.’ Svosvi-ke nikambile mhaka mahlweni ka n'wina kambe anikumanga nandzu ka yena, hambi wuli wun'we ntsena wa lesvi mimulumbetaka ha svona.

Luka 23:14 Referans Kwoze

Daniele 6:4

Kavaloko tindhuna ni masatrapi va lava nkarhi wa ku hehla Daniele entirhweni wa ku fuma lowu a wu tirhaka kambe a va wu kumanga, ni loko ku ri ku n'wi sandza ha nchumu, hikuva a a ri munhu la tshembekeke, kutani a ku nga ri na nandzu eka yena hambi byi ri vumbabva.

Vaheveru 7:26

Hikuva a hi faneriwa hi muprista lonkulu lowo tano, la hlawuriweke, la nga riki na leswo biha, ni loko xi ri xivati, la tihlawuleke eka vadyohi, a nga ehenhla ka matilo,

Timhaka 13:28

Kutani hambi va nga kumanga nchumu eka yena lexi fanekeleke hi rifu, va kombele eka Pilato leswaku a dlawa.

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Matewu 27:24

Pilato, loko a vona leswaku a nga ha pfuni nchumu, hikuva dzolonga a ri engeteleka, a teka mati, a hlamba mandla emahlweni ka ntshungu, a ku: “A ndzi na nandzu engatini ya munhu loyi la lulameke, tilanguteleni mi ri n'wina.”

Matewu 27:19

Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

Matewu 27:4

a ku eka vona: “Ndzi dyohile hi ku xenga ngati leyi nga riki na nandzu.” Va ku: “Swi na yini ka hina? Tilangutele u ri wena kwalaho.”

Timhaka 17:11

Vona va tlurisa Vatesalonika hi mafundza, va amukela rito hi ku hatlisa ngopfu, va kambela tibuku hi masiku hinkwawo, ku tiva leswaku timhaka ti tano xana.