Luka 22:36 - Xitsonga (Bibele)

³⁶ Kutani a ku eka vona: “Kambe sweswi, la nga ni xikwamana xa mali, a a xi teke, ni la nga ni nkwama wa timbuva, a endla sweswo na yena, kutani la pfumalaka tlhari, a a tixavele rona hi nguvu ya yena.

BIBELE Mahungu Lamanene

³⁶ A ku ka vona: “Kambe sweswi, loyi a nga ni xinkwamana xa mali, a a xi teke, na wona nkwama a a wu teke, ni loyi a pfumalaka banga, a a xavise xiambalo xa yena, a tixavela rona,

Testamente Leyimpsha Xichangana

³⁶ Aku ka vona: “Kambe svosvi, lweyi anga ni xipachi xa male, aaxiteke, na wona nkwama aawuteke, ni lweyi apfumalaka tlhari, aaxavise mpahla ya yena, atixavela rona,

Luka 22:36 Referans Kwoze

1 Vatesalonika 3:4

Hikuva ni loko ha ha ri na n'wina, hi tshama hi mi byela leswaku swa hi fanela ku xanisiwa hilaha swi humeleleke, na n'wina ma swi tiva.

Yohane 16:33

Ndzi mi byerile timhaka leti, leswaku mi va ni ku rhula ka mina. Mi ta va ni nhlomulo emisaveni, kambe tiyisani timbilu, ndzi hlurile misava.”

1 Petro 4:1

Leswi Kriste a tweke ku vaviseka enyameni, na n'wina, mi tlhoma ku anakanya kuloko, leswaku loyi a tweke ku vaviseka enyameni, u tshikile ku dyoha,

Yohane 15:20

Tsundzukani rito leri ndzi nga mi byela, loko ndzi te: ‘Nandza a hi nkulukumba eka hosi ya yena. Loko va ndzi xanisile va ta mi xanisa, na n'wina.’ Loko va hlayisile rito ra mina, va ta hlayisa ni ra n'wina.

Matewu 10:10

ni loko wu ri nkwama wa ndlela, hambi ti ri tinguvu timbirhi, ni tintanghu, ni nhonga, hikuva la tirhaka u faneriwe hi swakudya swa yena.

Luka 22:35

Kutani a ku eka vona: “Enkarhini lowu ndzi mi rhumeke, mi nga ri na xikwamana xa mali, ni nkwama wa timbuva, ni tintanghu, xana mi vuyile mi pfumala nchumu xana?” Va ku: “A hi pfumalanga nchumu.”

Luka 22:37

Hikuva ndza mi byela leswaku, mhaka leyi tsariweke yi fanele ku hetiseka eka mina, leyi nge: ‘U hlayiwile ni swidyohi.’ Hikuva leswi ndzi bvumbhiweke ha swona, kunene swi ta hetiseka.”

Luka 22:38

Kutani va ku: “Hosi, matlhari mambirhi hi lawa!” Yesu a ku eka vona: “Swi ringene.”