Luka 22:31 - Xitsonga (Bibele)

³¹ Kutani Hosi yi ku: “Simoni, Simoni, waswivo, Satana a mi komberile, leswaku a mi hlela kukota mavele;

BIBELE Mahungu Lamanene

³¹ Yesu a ku ka Petro: “Simoni, Simoni, yingisa: Sathana ú pfumeleriwile ku mi hlela hinkwenu kukota mavele,

Testamente Leyimpsha Xichangana

³¹ Yesu aku ka Petrosi: “Simoni, Simoni, yingisa: Sathana amikombelile kumihlela hinkwenu kufana ni mavele,

Luka 22:31 Referans Kwoze

1 Petro 5:8

Tikhomeni, mi hiteka; hikuva nala wa n'wina, a nga Diyavulosi wa mi wonga kukota nghala leyi vombaka, yi lava loyi yi nga n'wi dyaka.

Zakariya 3:1

Kutani a ndzi kombisa Yoxuwa, muprista lonkulu, a yimile emahlweni ka ntsumi ya Yehovha; yena Satana a yimile evokweni ra yena ra xinene ku n'wi alela.

Nhlavutelo 12:10

Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.

Amosi 9:9

“Hikuva, vonani, ndzi ta lerisa, kutani ndzi ta hlela yindlu ya Israele exikarhi ka matiko hinkwawo, ku kota loko ku hlunguriwa mavele hi rihlelo, ku nga sali ni ndzhoho leyi welaka ehansi.

Timhaka 9:4

Kutani a wela ehansi, a twa rito leri nge eka yena: “Sawulo, Sawulo, u ndzi xanisela yini?”

Luka 10:41

Kambe Yesu a n'wi hlamula, a ku eka yena: “Marta, Marta, u vilela ni ku tikarhata hi leswo tala;

Matewu 4:10

Kambe Yesu a ku eka yena: “Suka Satana hikuva ku tsariwile va ku: ‘U ta khinsamela Hosi, Xikwembu xa wena u tirhela xona ntsena.’ ”

Matewu 26:30

Kuteloko va yimbelerile tinsimu, va ya eNtshaveni ya Mitlhwari.

1 Vakorinto 5:5

ndzi avanyisile leswaku munhu yeloyi a nyiketiwa Satana, leswaku ku onhaka nyama ya yena, moya wu ta hanyisiwa hi siku ra Hosi Yesu.

2 Vakorinto 2:11

leswaku hi nga tshuki hi kamanyetiwa ha nchumu hi Satana, hikuva hi tiva makungu ya yena.

Esaya 28:28

Koro ya huriwa, kambe a ku tluriwi mpimo wa ku yi hula ni ku yi kandziya hi mavhilwa ya xigirigiri, masondzo ya tihanci ma nga yi fayi.