Luka 22:18 - Xitsonga (Bibele)

¹⁸ hikuva ndzi ri eka n'wina: A ndzi nga ha nwi murhi wa vhinya, ku ko ku fika ku fuma ka Xikwembu.”

BIBELE Mahungu Lamanene

¹⁸ Ndzi tiyisile ndzi ri ka n'wina, ku sukela sweswi a ndzi nga ha nwi swa mihandzu ya vhinya, ku kondza ku fika Mfumo wa Xikwembu.”

Testamente Leyimpsha Xichangana

¹⁸ Nitiyisile nili ka n'wina: Kusukela svosvi aningahanwi sva mihandzu ya mvhinya, kukondza kufika Mfumu wa Xikwembu.”

Luka 22:18 Referans Kwoze

Matewu 26:29

Kambe ndzi ri eka n'wina: Ku sungula sweswi, a ndzi nga ha nwi lexi velekiwaka hi vhinya, ku ko ku fika siku leri ndzi nga ta xi nwa na n'wina xi ri xintshwa, eku fumeni ka Tatana.”

Luka 22:16

hikuva ndzi ri eka n'wina: Ku sungula sweswi, a ndzi nga ha yi dyi, ku ko ku fika siku leri yi nga ta hetiseka eku fumeni ka Xikwembu.”

Marka 14:25

Ndzi tiyisile, ndzi ri eka n'wina: A ndzi nga ha tshami ndzi nwa leswi velekiwaka hi vhinya, ku ko ku fika siku leri ndzi nga ta swi nwa swi ri swintshwa eku fumeni ka Xikwembu.”

Esaya 55:1

“N'wina hinkwenu lava nga ni torha, tanani ematini hambi n'wina lava pfumalaka mali! Tanani, mi ta xava, mi dya; tanani, mi xava vhinyo ni ntswamba, hambi mi nga ri na mali, a mi nga hakeri!

Vakolosa 1:13

kutani u hi humesile ematimbeni ya munyama, a hi nghenisa eku fumeni ka N'wana wa yena la rhandziwaka,

Luka 21:31

Na swona, loko mi vona swilo leswi swi humelela, mi ta tiva leswaku ku fuma ka Xikwembu ku kusuhi.

Luka 9:27

Ndzi vurisile ndzi ri eka n'wina, van'wana va kona eka lava yimeke kwala lava nga tiki nantswa rifu, va nga si vona ku fuma ka Xikwembu.”

Marka 15:23

Va n'wi nyika vhinyo leyi nga hlanganisiwa ni mirha, leswaku a nwa; kambe a nga yi nwanga.

Marka 14:23

Kutani a teka xinwelo, a khensa a va nyika xona; va nwela eka xona hinkwavo.

Marka 9:1

A engeta, a ku eka vona: “Ndzi tiyisile ndza mi byela, ndzi ri: Van'wana eka lava nga yima kwala, va nga ka va nga nantswi rifu, va nga si vona ku fuma ka Xikwembu ku ta hi matimba.”

Matewu 16:18

Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

Zakariya 9:17

Hikuva ku saseka ka vona ku ta va lokukulu! Koro yi ta kurisa varisanyana, ni vhinyo leyintshwa vanhwanyana.

Zakariya 9:15

Yehovha wa tinyimpi u ta va sirhelela, va ta dya [valala va vona], va kandziya maribye ya swipelupelu; va ta nwa, va huvela kukotisa loko ku nga hi vhinyo; va ta tala kukotisa nkambana wa magandzelo, kukota tinhla ta alitari.

Daniele 2:44

Emikarhini ya tihosi leti, Xikwembu xa matilo xi ta pfuxa ku fuma loku nga taka ku nga onhaki, ni siku ni rin'we, kutani vuhosi bya kona byi nga ka byi nga hundzeli eka tiko rin'wana; ku ta seletela ni ku herisa ku fuma kuloku hinkwako kambe kona ku ta va kona hilaha ku nga riki na makumu;

Esaya 25:6

Yehovha wa tinyimpi u ta lunghisela matiko hinkwawo entshaveni leyi, swakudya swa tinyama leti noneke, ni swakunwa swa tivhinyo leti tengeke, leti kumiwaka ehenhla ka xisense; ti ri tinyama leti noneke, leti teleke, ni mafurha, ni tivhinyo ta khale leti tengisiweke.

Risimu ra Tinsimu 5:1

Ndzi tile ensin'wini ya mina, oho makwerhu, muvutiwa wa mina! Ndzi hlengeletile mirha ya mina ni swinun'hwelo swa mina; Ndzi dyile xihlenga xa mina ni vulombe bya mina; Ndzi nwile vhinyo ya mina ni ntswamba wa mina. Dyanani, maxaka, nwanani, mi pyopya hi rirhandzu.

Pisalema 104:15

Ni vhinyo leyi tsakisaka mbilu ya munhu, Ni mafurha lama vangamisaka mombo wa yena, Ni vuswa lebyi tiyisaka mbilu ya munhu.

Vaavanyisi 9:13

Vhinya yi ku eka yona: ‘Ndzi nga tshikisa ku yini vhinyo ya mina leyi tsakisaka Xikwembu ni vanhu, leswaku ndzi ya ungamela mirhi yin'wana xana?’