Luka 2:41 - Xitsonga (Bibele)

⁴¹ Vakulu va yena a va ya eYerusalema, hi malembe hinkwawo enkhubyeni wa Paseka.

BIBELE Mahungu Lamanene

⁴¹ Vatswari va Yesu a va ya eYerusalema lembe rin'wana ni rin'wana enkhubyeni wa Paseka.

Testamente Leyimpsha Xichangana

⁴¹ Vapsali va Yesu avaya Yerusalema lembe rin'wana ni rin'wana nkhubzeni wa Paska.

Luka 2:41 Referans Kwoze

Duteronoma 12:18

U ta dya swilo leswi emahlweni ka Yehovha, Xikwembu xa wena, exivandleni lexi Yehovha, Xikwembu xa wena, a nga ta xi hlawula, u ta dya u ri ni vana va wena va xinuna ni va xisati, ni malandza ya wena ya xinuna ni ya xisati, ni Valevhi lava nga emitini ya wena; u ta titsakela emahlweni ka Yehovha, Xikwembu xa wena, emitirhweni hinkwayo ya mavoko ya wena.

Yohane 2:13

Paseka ya Vayuda a yi ri ekusuhi, kutani Yesu a tlhandlukela eYerusalema.

1 SAMIELE 1:21

Nuna wa yena, Elikana, a tlhandluka, a ri ni yindlu ya yena hinkwayo, ku ya humesela Yehovha magandzelo ya lembe rin'wana ni rin'wana, ni ku ya endla lexi a xi tiyiseke hi ku hlambanya.

1 SAMIELE 1:3

Lembe rin'wana ni rin'wana munhu loyi a a suka emutini wa yena, a tlhandluka ku ya khinsama emahlweni ka Yehovha wa mavandla, ni ku n'wi humesela mihlengo eXilo. Vana vambirhi va Heli a va ri kona, Hofini na Finiyasi, va ri vaprista va Yehovha.

Duteronoma 16:16

“Kanharhu hi lembe, wanuna un'wana ni un'wana u ta humelela emahlweni ka Yehovha, Xikwembu xa wena, exivandleni lexi a nga ta xi hlawula; hileswaku enkhubyeni wa xinkwa lexo kala comela, ni le nkhubyeni wa mavhiki, ni le nkhubyeni wa mitsonga kambe va nga ka va nga humeleli emahlweni ka Yehovha va nga tamelanga nchumu:

Duteronoma 12:11

Exivandleni, lexi Yehovha, Xikwembu xa n'wina, a nga ta hlawula ku ta akisa kona vito ra yena, hi kona mi nga ta tisa hinkwaswo leswi ndzi mi lerisaka swona, tiholokosta ta n'wina, ni magandzelo ya n'wina, ni swa vukhume bya n'wina, ni leswi mavoko ya n'wina ma swi pambuleke, ni mihlengo ya n'wina ya leswo saseka leyi mi nga ta yi tisa eka Yehovha ku tiyisa leswi mi tiboheke hi ku hlambanya ku swi endla.

Tinhlayo 28:16

“Hi n'hweti yo sungula, hi siku ra 14, yi ta va Paseka ya Yehovha.

Levhitika 23:5

“ ‘En'hwetini yo sungula, hi siku ra khume na mune, nimadyambu, i Paseka ya Yehovha;

Eksoda 34:23

“Vavanuna hinkwavo exikarhi ka n'wina, va ta humelela kanharhu hi lembe emahlweni ka Hosi Yehovha, Xikwembu xa Israele;

Eksoda 12:14

Siku lero xi ta va xitsundzuxo xa n'wina; mi ta ri hlawula wu va nkhuvo wa Yehovha etinxakeni ta tinxaka: ku ve ku lerisa loku nga heriki.

Yohane 13:1

Nkhuvo wa Paseka loko wu lave ku va kona, Yesu, hi ku tiva leswaku nkarhi wa yena wu fikile wa ku suka emisaveni, ni ku ya eka Tata wa yena, leswi a nga rhandza vanhu va yena va le misaveni, u va rhandze ni ku yisa eku heteleleni.

Yohane 11:55

Paseka ya Vayuda a yi ri ekusuhi, kutani lavo tala va suka etikweni va tlhandlukela eYerusalema, ku ya tibasisa kona, Paseka yi nga si fika.

Yohane 6:4

Kambe Paseka ya Vayuda a yi ri ekusuhi.

Eksoda 12:11

Mi ta yi dya hi mukhuva wolowo: Mi tibohile swifungha, mi veherile tintanghu emilengeni, mi tamele nhonga evokweni; mi dya hi ku hatlisa. Hi yona Paseka ya Yehovha.

Luka 2:42

Kutani loko a kurile, a ri ni malembe ya khume na mambirhi, va tlhandlukela eYerusalema, hi mukhuva wa nkhuvo.