Luka 19:29 - Xitsonga (Bibele)

²⁹ Kuteloko a tshinela eBetefage na Betaniya, ekusuhi ni ntshava leyi vuriwaka ya Mitlhwari, a rhuma vadyondzisiwa va yena vambirhi, a ku:

BIBELE Mahungu Lamanene

²⁹ Loko a tshinelela Betefage na Betaniya, kusuhi ni ntshava leyi vuriwaka ya Mitlhwari, a hlawula vambirhi exikarhi ka vadyondzisiwa va yena a ku ka vona:

Testamente Leyimpsha Xichangana

²⁹ Loko atshinelela Betfaje na Betaniya, kusuhi ni ntshava leyivuliwaka ya Maolivhera, ahlawula vambirhi xikarhi ka vajondzisiwa va yena aku ka vona

Luka 19:29 Referans Kwoze

Matewu 21:17

Kutani a va sukela, a huma emutini ku ya Betaniya, a ya etlela kona.

Timhaka 1:12

Kutani va suka entshaveni leyi va nge ya Mitlhwari, leyi nga ekusuhi na Yerusalema, hi mpfhuka lowu ringanaka ndlela ya siku ra Savata, kutani va tlhelela eYerusalema.

Zakariya 14:4

Milenge ya yena yi ta yima hi siku rolero ehenhla ka ntshava ya mitlhwari leyi nga ekusuhi na Yerusalema, hitlhelo ra vuxa, ntshava ya mitlhwari vi ta phemeka, ku sungula exikarhi, ku yisa evuxeni ni le vusikwini, ku ko ku humelela nkova lowukulu; tlhelo rin'wana ra ntshava ri ta tshinela en'walungwini, rin'wana ri tshinela edzongeni.

Luka 24:50

Kutani a va yisa ehandle ka muti, ku ya fika ekusuhi na le Betaniya, kutani a tlakusa mavoko ya yena ehenhla a va katekisa.

Luka 22:39

Kutani a suka a ya eNtshaveni ya Mitlhwari, hi ku tolovela ka yena; kutani vadyondzisiwa va yena va n'wi landza.

Luka 21:37

Ninhlekanhi a a tshama a dyondzisa etempeleni, kambe nimadyambu, a huma, a ya tshamisa nivusiku entshaveni leyi vuriwaka ya Mitlhwari.

Luka 19:37

Kutani loko a tshinelele eku rheleleni ka Ntshava ya Mitlhwari, ntshungu hinkwawo wa vadyondzisiwa wu sungula ku tsaka, va dzunisa Xikwembu hi marito lamakulu hikwalaho ka masingita hinkwawo lawa va ma voneke va ku:

Luka 19:30

“Yanani emutini wolowo mi wu kongomaka, kutakuloko mi nghene eka wona, mi ta kuma mbhongolwana leyi kulekiweke, leyi nga siki khandziyiwaka hi munhu: yi tshunxeni, mi yi tisa. Kungakuloko munhu a mi vutisa, a ku: