Luka 18:14 - Xitsonga (Bibele)

¹⁴ Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

BIBELE Mahungu Lamanene

¹⁴ “Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Testamente Leyimpsha Xichangana

¹⁴ “Nili ka n'wina: Murhesisi lweyi atlhelele kaya ka yena na ahlayiwile lweyi alulameke kutlula Mufarisi; hikuva mani na mani lweyi atikulisaka, atatsongahatiwa, ni lweyi atitsongahataka atakulisiwa.”

Luka 18:14 Referans Kwoze

Luka 14:11

Hikuva un'wana ni un'wana la titlakusaka, u ta tsongahatiwa; kambe un'wana ni un'wana la titsongahataka, u ta kurisiwa.”

Luka 16:15

Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

Yakobo 4:10

Titsongahateni emahlweni ka Hosi, kutani yi ta mi tlakusa.

Matewu 23:12

Hikuva un'wana ni un'wana la tikurisaka u ta tsongahatiwa; kambe un'wana ni un'wana la titsongahataka u ta kurisiwa.

Swivuriso 29:23

Ku tikukumuxa ka munhu ka n'wi tsongahata, Kambe wa mbilu yo titsongahata u ta fikela eku vonakaleni.

Yakobo 4:6

Kasi wu hi engetela tintswalo hikwalaho wu nge: “Xikwembu xi alela lava tikurisaka, kambe xi tsetselela lava titsongahataka.”

Luka 1:52

U wisile tihosi eswitshan'weni swa tona, u tlakusile lavatsongo;

Pisalema 138:6

Yehovha u tlakukile; u vona lava titsongahataka, U tiva vatikurisi va ha ri kule.

Matewu 5:3

“Ku katekile swisiwana emoyeni, hikuva ku fuma ka matilo i ka swona.

Esaya 57:15

Hikuva ku vuriwa sweswo hi La nge henhlahenhla, loyi xiluvelo xa yena i xa masiku, ni loyi vito ra yena ri kwetsimaka: ndzi tshama exivandleni leswi tlakukeke, eku kwetsimeni; kambe ndzi ni munhu la tisolaka, ni la titsongahataka, leswaku ndzi ta pfuxa mimoya leyi tsongahatiweke, ndzi ta pfuxa ni timbilu leti tlhaviweke.

Swivuriso 3:34

Vasandzi, u va sandza ngopfu, Kambe u tsetselela lava titsongahataka;

Ntirho 25:4

Munhu la faka a nga lulamisa ku yini emahlweni ka Xikwembu? La velekiweke hi wansati a nga tenga hi ku yini xana?

Vagalatiya 2:16

hambiswiritano, hi ku tiva leswaku munhu a nga hlayiwi la lulameke hi mitirho ya nawu, kambe hi ku pfumela eka Yesu Kriste, na hina hi pfumele ka Yesu Kriste, hi ta hlayiwa lava lulameke hi ku pfumela eka Kriste, ku nga ri hi mitirho ya nawu; hikuva a ku na munhu la nga ta hlayiwa la lulameke hi mitirho ya nawu.

Varhoma 4:5

Kutani la nga tirhiki, kambe a pfumela ntsena eka la khanisaka mudyohi, ku pfumela ka yena ku hlayiwa leswaku i ku lulama.

Varhoma 3:20

Hikwalaho a ku na nyama ni yin'we, leyi nga ta khana emahlweni ka xona hi mitirho ya nawu; hikuva xidyoho xi tiviwa hi nawu.

Luka 10:29

Kambe yena, hikuva a rhandza ku tiendla la lulameke, a ku eka Yesu: “Warikwerhu i mani xana?”

Swivuriso 18:12

Ku onhaka loko ku nga si humelela, mbilu ya munhu ya tidzunisa, Kambe ku titsongahata ku rhangela xidzumo emahlweni.

Swivuriso 15:33

Xichavo xa Yehovha i xikolo xa va vutlhari, Ku titsongahata ku rhangela ku dzunisiwa.

Ntirho 22:29

Hambi u famba eku titsongahateni, u ta tikombelela matimba ya ku tipfuxa, Xikwembu xi ta pfuxa munhu la titsongahataka,

1 SAMIELE 1:18

Kutani a ku: “Nandza wa wena a a kume tintswalo emahlweni ka wena.” Kavaloko wansati loyi a famba hi ndlela ya yena, a dya, kutani mombo wa yena wu hundzuka.

Eksoda 18:11

Sweswi, ndza tiva leswaku Yehovha i nkulu eka swikwembu hinkwaswo; hikuva u va hangalasile emhakeni leyi va tikuriseke ha yona.”

Varhoma 8:33

Lavo Xikwembu xi tihlawuleleke vona, i mani la nga va vekaka nandzu xana? Xikwembu hi xona lexi va vulaka lava lulameke. La nga va avanyisaka i mani?

Varhoma 5:1

Kutani leswi hi nga hlayiwa lava lulameke hi ku pfumela, hi ni ku rhula eka Xikwembu ha Yesu Kriste Hosi ya hina,

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Esaya 53:11

Hikwalaho ka ntirho wa moya wa yena, u ta tsaka, a xurha; hi ku tiva ka yena, nandza wa mina wa ku lulama u ta khanisa vanhu vo tala, kutani yena hi xiviri xa yena u ta tirhwalela ku dyoha ka vona.

Esaya 45:25

Eka Yehovha va ta lulamisiwa, va va va dzunisiwa hinkwavo va rixaka ra Israele.

Ntirho 9:20

Hambi ndzi lulamile, nomu wa mina wu fanele ku ndzi vula lowo biha; Loko ndzi nga ri na nandzu, u ta ndzi vula ndzi ri mbabva.

Habakuku 2:4

“Vona, moya wa yena wu kukumukile, a wu lulamanga eka yena; kambe la lulameke u ta hanya hi ku pfumela ka yena.

Eklesiasta 9:7

Famba, u ya dya swakudya swa wena hi ku tsaka, u nwa vhinyo ya wena hi mbilu leyi titsakelaka hikuva Xikwembu xi tsakisiwile hi mitirho ya wena.

Pisalema 143:2

U nga tengisani na nandza wa wena! Hikuva a ku na munhu eka lava hanyaka, La nga kumiwaka a lulamile emahlweni ka wena.

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Swivuriso 25:7

Hikuva swi nga saseka loko va ku eka wena: “Tlhandlukela halenu,” Ku nga ri loko va ku tsongahata emahlweni ka hosi leyi u yi vonaka hi mahlo.