Luka 18:13 - Xitsonga (Bibele)

¹³ Kambe muluvisi a a yime ekule, a chava ni ku tlakusela mahlo ya yena etilweni; kambe a tiba xifuva, a ku: ‘Xikwembu, ndzi twele vusiwana, mina ndzi nga mudyohi.’

BIBELE Mahungu Lamanene

¹³ Muluvisi yena a a yimele kule, a chava ni ku tlakusa mahlo a languta etilweni, kambe a a komba ku vaviseka, a ku: ‘Xikwembu, ndzi twele vusiwana, mina ndzi nga mudyohi.’

Testamente Leyimpsha Xichangana

¹³ Muhakelisi wa rhesa yena aanyime hi le kule, achava ni kutlakusa mahlo alanguta tilweni, kambe aakomba kuvaviseka, aku: ‘Xikwembu, nitwele vusiwana, mina ninga mujohi.’

Luka 18:13 Referans Kwoze

Ezra 9:6

ndzi ku: “Oho! Xikwembu xa mina, ndzi tsanile hi tingana ku tlakusa mombo wanga eka wena, Xikwembu xa mina, hikuva swivi swa hina swi andzile ehenhla ka tinhloko ta hina, ni nandzu wa hina wu kurile ku fika ematilweni.

1 Timotiya 1:15

Rito leri ri tiyile, ri fanele ku amukeriwa hi ku kholwa hinkwako, leswaku Yesu Kriste u tile emisaveni ku ponisa vadyohi, lava ndzi nga lowo rhanga exikarhi ka vona.

Pisalema 41:4

Mina, a ndzi ku: “Yehovha! U ndzi twela vusiwana! Horisa moya wanga, hikuva ndzi ku dyoherile.”

Luka 23:48

Kutani vanhu hinkwavo lava hlengeletaneke ku languta, va tlhelela ekaya, va tiba swifuva, loko va vona leswi humeleleke.

Vaheveru 8:12

Hikuva ndzi ta va twela vusiwana eku hombolokeni ka vona, kutani ndzi nga ka ndzi nga ha tshami ndzi tsundzuka ku dyoha ka vona, ni milandzu ya vona.”

Timhaka 2:37

Kuteloko va swi yingisile va tlhaveka timbilu; kutani va ku eka Petro ni ka vaapostola van'wana: “Vavanuna varikwerhu, hi ta endla yini?”

Vaheveru 4:16

Hikwalaho, a hi tshineleleni hi ku tshemba xiluvelo xa tintswalo, leswaku hi ta tweriwa vusiwana, hi kuma tintswalo, hi ta pfuniwa enkarhini lowu lulameke.

Varhoma 5:8

Kambe Xikwembu xi kombisile ngopfu rirhandzu ra xona eka hina, hileswaku loko ha ha ri vadyohi, Kriste u hi ferile.

Luka 5:8

Simoni Petro, kuteloko a swi vona, a khinsama emilengeni ya Yesu a ku eka yena: “Hosi, suka eka mina hikuva ndzi mudyohi.”

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Pisalema 25:11

Hikwalaho ka vito ra wena, Yehovha, U ndzi khomele ku homboloka ka mina, hikuva kukulu.

Ntirho 42:6

Ndza tisola, ndzi tiba xifuva, Ndzi ri entshurini ni le nkumeni.”

2 Vakorinto 7:11

Hikuva maswivo, loko mi tele tingana sweswi hi mukhuva lowu rhandziwaka hi Xikwembu, mi hatlisile ngopfu ku tihlamulela ku phofula lokukulu ku va kona, ni ku tshuka lokukulu, ni ku navela lokukulu, ni ku chivirika lokukulu, ni ku laya lokukulu. Mi vonakisa eka hinkwaswo leswaku a mi nga ri na nandzu emhakeni leyi.

Pisalema 25:7

U nga anakanyi swidyoho swa vuntshwa bya mina, ni ku tlula ka mina; U ndzi anakanya hi nsovo wa wena, Hikwalaho ka tintswalo ta wena, oho Yehovha!

Matewu 9:13

Kambe yanani mi ya dyondza rito leri nge: ‘Ndzi rhandza tintswalo, ma nga ri magandzelo!’ Hikuva a ndzi telanga ku vitina lava lulameke eku tshikeni, kambe vadyohi.”

Ezekiele 16:63

leswaku u anakanya mikarhi leyi nga hundza, u va ni tingana, kambe u miyela, ni ku tisola, loko ndzi ta ku rivalela mitirho hinkwayo ya wena, ku vula Hosi, Yehovha.”

Esaya 1:18

“Tanani, hi tenga timhaka!” ku vula Yehovha. “Loko swidyoho swa n'wina swi tshwukile, swi kotisa xivunguvungu, xana swi nga basa tanihi gamboko? Loko swi tshwukile tanihi crimson, xana swi nga fana ni voya bya tinyimpfu?

Luka 17:12

Kakuloko a nghena emutini wun'wana, va nhlokonho va khume va hlangana na yena, va yima ekulenyana.

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Pisalema 130:7

Israele, tshemba Yehovha! Hikuva tintswalo ti le ka Yehovha, Ku kutsula ku kona ka yena hi ku tala.

Pisalema 119:41

Tintswalo ta wena a ti te eka mina, oho Yehovha! Ni ku hlayiseka ka wena, hi laha u hi tshembiseke hakona!

Pisalema 106:6

Hi dyohile kukota vatata wa hina, Hi fambile hi ku homboloka, hi endlile leswo biha.

Pisalema 40:12

Hikuva makhombo lama nga hlayiwiki ma ndzi rhendzele; Milandzu ya mina yi ndzi khomile, ndzi hluleka ku yi vona; Yi tlula ntsengo wa misisi ya nhloko ya mina, Kutani ndzi heleriwa hi mbilu.

2 TIKRONIKA 33:23

A nga titsongahatanga emahlweni ka Yehovha hilaha Manase tata wa yena a titsongahateke hakona; hikuva yena Amoni a dyoha hi ku tlurisa.

2 TIKRONIKA 33:19

Ni xikhongelo, xa yena ni ku hlamuriwa ka xona ni swidyoho swa yena, ni ku homboloka ka yena, ni ndhawu leyi a akeke eka yona tindlu ta switsunga, ni laha a yimiseke kona swifaniso swa Axera, ni swifaniso leswi vatliweke loko a nga si titsongahata, swi tsariwile etimhakeni ta vavoni.

2 SAMIELE 12:13

Kutani Davhida a ku eka Natani: “Ndzi dyohele Yehovha.” Kutani Natani a ku eka Davhida: “Yehovha u hundzisile xidyoho xa wena; u nga ka u nga fi;

Esaya 66:2

Swilo leswi hinkwaswo, voko ra mina ri swi endlile kutani sweswo hinkwaswo swi humelele,” ku vula Yehovha. “Vona, loyi ndzi nga ta n'wi languta, hi loyi a titsongahataka, loyi mbilu ya yena yi nga leyi tshovekeke, ni loyi a rhurhumelaka hi rito ra mina.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Matewu 10:3

Filipi na Bartolomi, Tomasi na Matewu muluvisi; Yakobo n'wana Alfiya na Lebiya;

Marka 11:25

Kungakuloko mi yima mi khongela, rivalelani loyi mi nga va ni mhaka na yena leswaku na yena Tata wa n'wina la nga ematilweni, a mi rivalela ku dyoha ka n'wina.

Luka 22:41

Kutani a va sukela, a ya ekulenyana, hi mpfhukanyana lowu ringanaka ku hoxiwa ka ribye, kutani a khinsama, a khongela, a ku:

Eksoda 33:10

Vanhu hinkwavo, kakuloko va vone papa enyangweni ya yindlu va yima, va khinsama, un'wana ni un'wana enyangweni ya ntsonga wa yena.