Luka 18:11 - Xitsonga (Bibele)

¹¹ Mufarisi a a yimile hitlhelo rin'wana a khongerisa sweswo, a ku: ‘Xikwembu, ndza ku khensa hikuva a ndzi fani na vanhu van'wana, va nga makhamba ni swidyohi ni vaoswi, ku kota munhu loyi wa muluvisi.

BIBELE Mahungu Lamanene

¹¹ Mufarisi a yima, a khongerisa leswi embilwini ya yena, a ku: ‘Xikwembu, ndza ku nkhensa leswi ndzi nga faniki ni vanhu van'wana, lava nga ni makwanga, lava nga tshembekangiki, lava oswaka, ni leswi ndzi nga faniki ni muluvisi loyi.

Testamente Leyimpsha Xichangana

¹¹ Mufarisi ayima, akhongelisa lesvi mbilwini ya yena: ‘Xikwembu, nakukhensa lesvi ningafaniki ni vanhu van'wana, lavanga ni makwanga, lavangatshembekangiki, lavawosvaka, ni lesvi ningafaniki ni murhesisi lweyi.

Luka 18:11 Referans Kwoze

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Nhlavutelo 3:17

Leswi u nge: Ndzi mufuwi, ndzi tifuwisile, a ndzi pfumari nchumu, kasi a ku tivi leswaku u ni khombo, u xisiwana, u mupfumari, u file mahlo, a ku ambalanga nchumu:

Esaya 65:5

va ku: ‘Tlhelela endzhaku, u nga tshineli ekusuhi na mina, hikuva ndzi hlawulekile eka wena!’ “Valavo, i musi etinhompfini ta mina, i ndzilo lowu pfurhaka hi masiku.

Yeremiya 2:35

Hambiswiritano, u ri: ‘E-e, a ndzi na nandzu. Hakunene ku kariha ka yena ku hambukile!’ Languta, ndzi ku tengisa hikuva u ri: ‘A ndzi dyohanga.’

Marka 11:25

Kungakuloko mi yima mi khongela, rivalelani loyi mi nga va ni mhaka na yena leswaku na yena Tata wa n'wina la nga ematilweni, a mi rivalela ku dyoha ka n'wina.

Vagalatiya 3:10

Hikuva hinkwavo lava namarhelaka mitirho ya nawu, va le ku rhukaniweni, hikuva ku tsariwe va ku: “Ku rhukaniwa mani na mani la nga tiyiseriki eka hinkwaswo leswi tsariweke ebukwini ya nawu ku swi endla.”

Luka 20:47

Va dyelela tindlu ta tinoni hi ku ti endlela swikhongelo leswo leha. Valavo va ta avanyisiwa hi ku avanyisa loku hundzisaka.”

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Yeremiya 2:28

Swi kwihi swikwembu swa wena leswi u tiendleleke swona? A swi yime swi ku pfuna hi siku ra khombo; hikuva wena Yuda, nhlayo ya swikwembu swa wena yi fana ni ya miti ya wena!

Esaya 58:2

Va ndzi lava hi masiku hinkwawo, va lava ku tiva tindlela ta mina; tanihi leswo nge i tiko leri fambaka hi ku lulama, leri nga tshikangiki ku lerisa ka Xikwembu xa rona, va kombela ka mina ku avanyisa ka ku lulama, va lava leswaku Xikwembu xi va tshinelela.

Pisalema 135:2

Lava yimaka endlwini ya Yehovha, Erivaleni ra yindlu ya Xikwembu xa hina!

Pisalema 134:1

Vonani, tlangelani Yehovha, n'wina hinkwenu malandza ya Yehovha, Lava yimaka nivusiku endlwini ya Yehovha!

Vafilipiya 3:6

loko ku ri ku chivirika, hi mina la xaniseke kereke, loko ku ri ku lulameni ka nawu, a ndzi na xisandzu.

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Swivuriso 20:6

Lava tivulaka vunene va tele, Kambe munhu la tshembekaka a nga kumiwa hi mani?

Swivuriso 30:12

Ku ni rixaka rin'wana leri baseke emahlweni ka rona, Kasi a ri si tihlantswa thyaka ra rona;

Matewu 5:20

Hikuva ndza mi byela, ndzi ri: Ku lulama ka n'wina loko ku nga tluri ka vatsari ni Vafarisi, mi nga ka mi nga ngheni eku fumeni ka matilo.

Matewu 10:3

Filipi na Bartolomi, Tomasi na Matewu muluvisi; Yakobo n'wana Alfiya na Lebiya;

Luka 22:41

Kutani a va sukela, a ya ekulenyana, hi mpfhukanyana lowu ringanaka ku hoxiwa ka ribye, kutani a khinsama, a khongela, a ku: