Luka 16:26 - Xitsonga (Bibele)

²⁶ Ku hundzisa leswi hinkwaswo, riwa lerikulu ri kona exikarhi ka n'wina na hina, leswaku lava nga halenu, lava rhandzaka ku pelela eka n'wina, va tsandzeka, hambi va ri lava nga eka n'wina, loko va rhandza ku ta eka hina, va tsandzeka na vona.’

BIBELE Mahungu Lamanene

²⁶ Ehandle ka leswi hinkwaswo, ku ni riwa lerikulu leri ahlameke exikarhi ka hina na n'wina, leswaku lava navelaka ku suka haleno, va ta kwaleyo ka n'wina, va nga swi koti; na vona lava nga kwaleyo ka n'wina, loko va navela ku ta haleno, va tsandzeka.’

Testamente Leyimpsha Xichangana

²⁶ Handle ka lesvi hinkwasvu, ku ni khele lerikulu rokala makumu, leriyahlameke xikarhi ka hina na n'wina, lesvaku lavanavelaka kusuka halenu, vata koseyo ka n'wina vangasvikoti; na vona lavanga koseyo ka n'wina loko vanavela kuta halenu, vatsandzeka.’

Luka 16:26 Referans Kwoze

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

Pisalema 49:14

Va nghenisiwa exivandleni xa lava feke kukota ntlhambi, Va dyiwa hi rifu, Ni mixo, lava lulameke va va kandziyela hi milenge; Vumbhurhi bya vona byi dyiwa hi sirha byi pfumala vutshamo.

Pisalema 50:22

“Twisisani-ke swilo leswi, n'wina lava rivalaka Xikwembu, Leswaku kumbe ndzi nga handzula, ku nga ri na mulweri.

Nhlavutelo 20:10

Kutani Diyavulosi, loyi a va kanganyisaka, a cukumetiwa etiveni ra ndzilo ni xivavula, laha ku nga ni xivandza ni muprofeta wa vunwa; va ta xanisiwa kona vusiku ni nhlekanhi hilaha ku nga heriki.

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Malakiya 3:18

Mi ta tlhela mi vona ku hambana loku nga kona eka la lulameke ni lowo biha, ni ka la tirhelaka Xikwembu ni la nga xi tirheliki!

Luka 12:59

Ndzi ri eka wena: U nga ka u nga humi kona, u nga si riha ni malinyana leyi hetiselaka.”

Ezekiele 28:24

A ku nga ha vi na mutwa lowu tlhavaka, kumbe ku tlhava loku vavisaka eka yindlu ya Israele, exikarhi ka hinkwavo lava va rhendzelaka, va nga lava ingi va va xanisa, va ta swi tiva leswaku hi mina Hosi Yehovha.

1 SAMIELE 25:36

Abigayele a fika eka Nabala, kutani waswivo, a a endla endlwini ya yena xifihlulo kukota xifihlulo xa hosi; kutani mbilu ya Nabala yi tsakile; a pyopyiwile ngopfu; kambe a nga n'wi byelanga nchumu, hambi lexitsongo, hambi lexikulu ri ko ri xa.

Nhlavutelo 22:11

La nga lulamangiki, a a engete a va la nga lulamangiki; la tinyamisaka a a engete a tinyamisa; la lulameke a a engete a endla hi ku lulama; ni la kwetsimaka a a engete a tikwetsimisa.”

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena; kasi Lazaro a a ri eku vavisekeni, kutani sweswi, wa chaveleriwa halenu, kasi wena u twisiwa ku vaviseka.

Luka 16:27

Kutani a ku: ‘Tatana, ndza ku khongela leswaku u rhuma Lazaro endlwini ya tatana,