Luka 16:2 - Xitsonga (Bibele)

² Kutani a n'wi vita, a ku eka yena: ‘Timhaka ta wena leti ndzi ti twaka hi tihi? Humesa swa vulanguteri bya wena, hikuva u nga ka u nga ha vi mulanguteri wa swilo swa mina.’

BIBELE Mahungu Lamanene

² Mufumi a n'wi vitana a ku ka yena: ‘Timhaka ta wena leti ndzi ti twaka hi tihi ke? Hlamusela swa vulanguteri bya wena, hikuva a wu nga ha pfumeleriwi ku va mulanguteri.’

Testamente Leyimpsha Xichangana

² Xipfundzi ximuvitana xiku ka yena: ‘Timhaka ta wena leti nititwaka hitihi ke? Nyika marungula ya vulanguteli bza wena, hikuva awungahapfumeleliwi kuva mulanguteli.’

Luka 16:2 Referans Kwoze

Nhlavutelo 20:12

Ndzi vona ni vafi lavakulu ni lavatsongo, va yimile emahlweni ka xiluvelo. Kutani tibuku ti hanguluxiwa; ku hanguluxiwa ni buku yin'wana, yi nga buku ya vutomi, kutani vafi va avanyisiwa hi leswi tsariweke etibukwini, ku ri hi mitirho ya vona.

1 Petro 4:10

Un'wana ni un'wana hilaha a averiweke ku nyika hakona, a a tirhele van'wana hakona, kukotisa swiaveri leswinene swa tintswalo leto tala ta Xikwembu.

1 Petro 4:5

Va nga lava nga ta tihlamulela eka loyi a tilunghiseke ku ta avanyisa lava hanyaka ni lava feke.

1 Timotiya 5:24

Vudyoho bya vanhu van'wana byi le rivaleni, byi va rhangela emahlweni eku avanyiseni; kambe bya van'wana byi va landza endzhaku.

Eklesiasta 12:14

hikuva Xikwembu xa ha ta yisa mitirho hinkwayo eku avanyiseni ni leswi fihliweke hinkwaswo, hambi swi ri leswo biha, hambi swi ri leswo saseka.

1 Timotiya 4:14

U nga rivali nyiko leyi u nga na yona, leyi u yi nyikiweke hi ku bvumbha, hi ku tlhandleka ka mavoko ya nhlengeletano ya vakulukumba.

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

1 Vakorinto 4:2

Ntsena leswi laviwaka eka vahlavuteri hileswaku un'wana ni un'wana a kumiwa a ri la tshembekeke.

1 Vakorinto 1:11

hikuva, vamakwerhu, ndzi byeriwile hi va ka Klowe, leswaku ku kanetana ku kona exikarhi ka n'wina.

Varhoma 14:12

Hi mukhuva wolowo, un'wana ni un'wana wa hina u ta tihlamulela swa yena eka Xikwembu.

Luka 12:42

Hosi yi ku: “Mulanguteri hi wihi lowo tshembeka lo wa vutlhari, yeloyi n'wini wa yena a n'wi vekeke mulanguteri wa malandza ya yena, ku va nyika swakudya hi nkarhi wa swona?

Luka 12:20

Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

Matewu 12:36

Hikwalaho ndzi ri eka n'wina: Hi siku ra ku avanyisa, vanhu va ta hlamulela ku vulavula kun'wana ni kun'wana ka vuhava lebyi va byi vuleke;

Matewu 20:8

Kutani nimadyambu n'wini wa nsimu ya vhinya a ku eka mulanguteri wa yindlu ya yena: ‘Vitana varimi, u va nyika hakelo ya vona, u sungula hi lave ndzhaku ku hetelela hi lavo rhanga.’

Luka 16:1

Yesu a engeta a ku eka vadyondzisiwa wa yena: “Mufuwi a a ri kona loyi ngi a ri ni mulanguteri. Yoloyi a hleviwa emahlweni ka yena, va ku: U hangalasile xuma xa yena.

Luka 16:3

Mulanguteri yeloyi a anakanya embilwini ya yena, a ku: ‘Ndzi ta endla yini, leswi n'wini wa mina a ndzi tekelaka vulanguteri bya mina? Ndza tsandzeka ku rima, ndzi nga khomiwa hi tingana ku ya kombela!