Luka 16:15 - Xitsonga (Bibele)

¹⁵ Yena a ku eka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi tlakukeke emahlweni ka vanhu, i manyala emahlweni ka Xikwembu.

BIBELE Mahungu Lamanene

¹⁵ Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.

Testamente Leyimpsha Xichangana

¹⁵ Yena aku ka vona: “Loko mili n'wina, mitiyendla lavalulameke mahlweni ka vanhu; kambe Xikwembu xitiva timbilu ta n'wina; hikuva lesvi vanhu vasvitekaka svili sva le henhla, mahlweni ka Xikwembu ahi nchumu.

Luka 16:15 Referans Kwoze

1 SAMIELE 16:7

Kambe Yehovha a ku eka Samiele: “U nga languti nghohe ya yena, hambi xi ri xiyimo xa yena, hikuva ndzi n'wi cukumetile; Yehovha a nga languti leswi langutiwaka hi vanhu, hikuva vanhu va languta nghohe, kambe Yehovha u languta mbilu.”

Swivuriso 21:2

Tindlela hinkwato ta munhu ti lulamile emahlweni ya yena, Kambe Yehovha hi yena la pimaka timbilu.

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Yeremiya 17:10

Hi mina Yehovha ndzi kambaka timbilu, ndzi ringaka xisuti, leswaku ndzi tlherisela eka un'wana ni un'wana hi ku endla ka yena, ni mihandzu ya mitirho ya yena.”

Swivuriso 16:5

Munhu un'wana ni un'wana la tikurisaka hi mbilu, i manyala eka Yehovha; Kunene u ta biwa, a nga ka a nga poni.

Timhaka 15:8

Kambe Xikwembu lexi tivaka timbilu, xi vekile vumbhoni eka vona hi ku va nyika Moya lowo Kwetsima kukotisa hina;

1 Petro 3:4

kambe a ku ve hi munhu wa xihundla xa mbilu, la nga onhakiki, a nga ni moya wa ku olova ni ku rhula lowo pfumariwaka ngopfu emahlweni ka Xikwembu.

Luka 11:39

Kutani Hosi yi ku eka yena: “Kunene n'wina, Vafarisi, mi hlantswa ndzheko ni nkambana ehandle, kasi endzeni mi tele hi ku yiva ni lunya.

1 TIKRONIKA 29:17

Oho! Xikwembu xanga! Ndzi tiva leswaku u kamba mbilu, ni leswaku! U tsakela ku lulama; loko ndzi ri mina, ndzi humesile swilo leswi hinkwaswo hi ku lulama ka mbilu yanga, kutani sweswi, tiko ra wena leri nga kwala, ndzi ri vonile hi ku tsaka loko ri ku humesela mihlengo ya rona.

Luka 10:29

Kambe yena, hikuva a rhandza ku tiendla la lulameke, a ku eka Yesu: “Warikwerhu i mani xana?”

Nhlavutelo 2:23

ndzi ta dlaya hi rifu, vana va yena, kutani tikereke hinkwato ti ta tiva leswaku hi mina la kambelaka swifungha ni timbilu, ndzi va ndzi hakela un'wana ni un'wana wa n'wina hi leswi ringanaka mitirho ya yena.

1 Petro 5:5

Na n'wina lavantshwa, tivekeni ehansi ka lavakulu, mi ambala ku titsongahata, mi ri karhi mi tiveka ehansi ka van'wana, hikuva “Xikwembu xi alela lava tikurisaka, kambe xi tsetselela lava titsongahataka.”

Varhoma 3:20

Hikwalaho a ku na nyama ni yin'we, leyi nga ta khana emahlweni ka xona hi mitirho ya nawu; hikuva xidyoho xi tiviwa hi nawu.

Yohane 2:25

naswona a a nga fanelanga ku byeriwa swa munhu, hikuva yena a a tiva leswi nga etimbilwini ta vanhu.

Matewu 23:5

Mitirho ya vona hinkwayo va yi tirha leswaku va voniwa hi vanhu, hikuva va anamisa tifilaktera ta vona, va lehisa makhaxa ya tinguvu ta vona.

Luka 18:21

Yena a ku: “Ndzi hlayisile leswo hinkwaswo, ndza ha ri ntsongo.”

Swivuriso 20:6

Lava tivulaka vunene va tele, Kambe munhu la tshembekaka a nga kumiwa hi mani?

Luka 18:11

Mufarisi a a yimile hitlhelo rin'wana a khongerisa sweswo, a ku: ‘Xikwembu, ndza ku khensa hikuva a ndzi fani na vanhu van'wana, va nga makhamba ni swidyohi ni vaoswi, ku kota munhu loyi wa muluvisi.

Pisalema 7:9

Herisa lunya ra lavo homboloka, Kambe u tiyisa la lulameke, Wena la kambaka timbilu ni swisuti, oho Xikwembu xo lulama!

2 TIKRONIKA 6:30

wena, yingisa u ri ematilweni, laha u akeke kona, u rivalela; u nyika un'wana ni un'wana hi tindlela hinkwato ta yena, wena la tivaka mbilu ya munhu un'wana ni un'wana (hikuva wena ntsena u tiva timbilu ta vana va vanhu),

Timhaka 1:18

Kambe, kuteloko a tixavele nsimu hi hakelo ya ku homboloka, a tisunga hi ku tiwisa ehansi, a handzuka hi le xikarhi, kutani marhumbu ya yena ma huma hinkwawo.

Luka 20:47

Va dyelela tindlu ta tinoni hi ku ti endlela swikhongelo leswo leha. Valavo va ta avanyisiwa hi ku avanyisa loku hundzisaka.”

Luka 20:20

Kutani va n'wi xiya, va rhuma tinhlori leti tiendlaka vanhu lavanene, leswaku va ta n'wi phasa hi marito ya yena, va ta n'wi nyiketa tihosi ni le matimbeni ya mufumi.

Matewu 6:16

“Kutani loko mi titsona swakudya, mi nga tshuki mi fana ni vamandzendze lava khwanyalaka mimombo; hikuva va tionha nghohe va ku va ta voniwa hi vanhu leswaku va titsonile swakudya. Kunene ndza mi byela leswaku va kumile hakelo ya vona.

Matewu 6:5

“Kutani loko mi khongela, mi nga tshuki mi kotisa vamandzendze lava rhandzaka ku khongela va yimile emasinagogeni ni le mahlanganeni ya mitsendzele, leswaku va ta voniwa hi vanhu. Kunene ndza mi byela leswaku va kumile hakelo ya vona.

Matewu 6:2

Hikwalaho, loko u nyika swisiwana, u nga tshuki u yimba nanga emahlweni ka wena, u kotisa leswi vamandzendze va swi endlaka emasinagogeni, ni le mitsendzeleni, leswaku va ta dzunisiwa hi vanhu. Kunene ndza mi byela leswaku va kumile hakelo ya vona.

Malakiya 3:15

Kutani sweswi-ke, hi ri: Ku katekile vatikukumuxi, hikuva lava endlaka ku biha va akisiwa, va ringa Xikwembu, kutani va chupuka!’ ”

Pisalema 49:18

Hambi a khensa moya wa yena eku hanyeni ka yena, Hambi vanhu va ku khensa hikwalaho ka ku titsakisa ka wena,

Pisalema 49:13

Hi yona ndlela ya vona ni vuhunguki bya vona, Ni lava va landzaka va tsakela marito ya vona.

Yohane 21:17

A tlhela a ku eka yena ra vunharhu: “Simoni, n'wana Yona, xana wa ndzi rhandza xana?” Petro a va ni tingana hikuva a a n'wi vutisa ra vunharhu, a ku: “Wa ndzi rhandza xana?” Kutani a ku eka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku eka yena: “Risa tinyimpfu ta mina.

Pisalema 10:3

Hikuva lowo biha u tidzunisa hi ku navela ka mbilu ya yena; Ni khamba ri rhukana, kambe ri sandza Yehovha.

Luka 18:9

A engeta a byela xifaniso lexi eka van'wana lava titshembaka leswaku va lulamile, kambe va sandza van'wana, a ku:

Luka 18:14

Ndzi ri eka n'wina: Yeloyi, u ngirimele endlwini ya yena, a hlayiwile la lulameke ku tlula mufarisi; hikuva un'wana ni un'wana la titlakusaka u ta tsongahatiwa, kambe la titsongahataka, u ta tlakusiwa.”

Timhaka 1:24

Kutani va khongela, va ku: “Hosi, wena la tivaka timbilu ta hinkwavo, kombisa loyi u n'wi hlawuleke eka lavambirhi lava,

Varhoma 8:27

Kambe la hlanekaka timbilu, u tiva ku rhandza ka Moya, loko wu ri karhi wu khongelela vakwetsimi, hi mukhuva lowu rhandziwaka hi Xikwembu.