Luka 15:13 - Xitsonga (Bibele)

¹³ Kuteloko ku hundzile masiku ma nga ri mangani, n'wana wa yena lowa ndzisana loko a hlengeletile hinkwaswo, a rhurhela etikweni leri nga ekule a hangalasa xuma xa yena hi vusopfa.

BIBELE Mahungu Lamanene

¹³ Kuteloko ku hundzile masiku ma nga ri mangani, n'wana loyi wa ndzisana a hlengeleta hinkwaswo, a rhurhela etikweni ra le kule, a ya hangalasa xuma xa yena hi vusopfa.

Testamente Leyimpsha Xichangana

¹³ Kuteloko kuhundzile masiku mangali mangani, n'wana lweyi wantsongo ahlengeleta hinkwasvu, afamba aya tikweni ra le kule, ayahangalasa rifuwo ra yena hinkwaru.

Luka 15:13 Referans Kwoze

Yeremiya 2:5

Ku vula Yehovha a ku: “Vatata wa n'wina va tshama va kuma ku biha kwihi eka mina xana? Leswi va tshamaka va hambana na mina, va fambela vuhava, kutani va hundzuka swahava.

Swivuriso 29:3

La rhandzaka vutlhari u tsakisa tata wa yena, Kambe la tsakelaka tinghwavava u onha rifuwo ra yena.

Swivuriso 21:17

La huhelaka ku tsaka u ta va la pfumalaka, La tinyiketaka vhinyo ni mafurha a nga ka a nga fuwi.

Swivuriso 28:7

La hlayisaka milawu i n'wana wa ku twisisa, Kambe la tolovelanaka ni swipombolo, u khomisa tata wa yena tingana.

Luka 16:19

“Mufuwi a a ri kona la ambaleke nguvu ya xivunguvungu ni ya ntsembyana lowo saseka, la tshameke eku tsakeni hi masiku hinkwawo.

Luka 16:1

Yesu a engeta a ku eka vadyondzisiwa wa yena: “Mufuwi a a ri kona loyi ngi a ri ni mulanguteri. Yoloyi a hleviwa emahlweni ka yena, va ku: U hangalasile xuma xa yena.

Luka 15:30

Kambe n'wana wa wena loyi, la dyeke xuma xa wena hinkwaxo a ri ni tinghwavava, kutani loko a vuya, u n'wi tlhavela rhole leri noneke!’

Mikiya 6:3

Tiko ranga, ndzi endle yini eka wena? Xana ndzi ku pfukile ha yini?

Yeremiya 2:31

N'wina va rixaka leri, yingisani rito ra Yehovha! Xana ndzi ve tiko leri nga mananga eka Israele, kumbe tiko ra munyama lowa ntima? Tiko ra mina ri vulisa ku yini, loko ri ku: ‘Hi ta tsutsumela lahaya ni lahaya, a hi nga ha tlheleri eka wena.’

Yeremiya 2:13

“Hikuva tiko ra mina ri dyohile kambirhi: va ndzi tshikile, mina ndzi nga nseledyana ya mati lama pfelelaka kambe va ticelele swihlovo, le swi handzukeke, leswi nga kotiki ku hlayisa mati.

Esaya 56:12

“Tanani, ndzi ta lava vhinyo, kutani hi ta nwa leswi nga vila swinene! Mundzuku hi ta endlisa sweswo, ni ku tlurisa!”

Esaya 30:11

Hambukani ndlela hi le tlhelweni, tshikani ku veka Mukwetsimi wa Israele emahlweni ka hina!”

Esaya 22:13

Kasi, maswivo, i nkhuvo ni ku tsaka! Ku tlhaviwa tihomu ku tlhaviwa tinyimpfu; ku dyiwa tinyama, ku nwiwa vhinyo: mi ku: “A hi dyeni, a hi nweni, hikuva mundzuku hi ta fa!”

Esaya 1:4

Yo! Khombo ra tiko ra vadyohi ra rixaka leri teleke ku homboloka ra vanhu lavo biha, ra vana lavo hunguka. Va fularhele Yehovha, va sandzile Mukwetsimi wa Israele va tlhelele endzhaku.

Swivuriso 27:8

Munhu la fambafambaka ekule ni le kaya ka yena, U kotisa nyanyana leyi wongelaka ekule ni xisaka xa yona.

Swivuriso 21:20

Vukosi byo naveta ni mafurha swi le ndlwini ya la tlhariheke, Kambe xihunguki xi swi mita ntsena.

Swivuriso 18:9

La khomaka ntirho wa yena hi ku loloha I makwavo wa mulovisi.

Swivuriso 6:26

Hikuva hi nsati wa mbiri, munhu u sala ni xipandzwa xa vuswa ntsena, Ni nsati wa munhu a etlelela vutomi bya risima.

Pisalema 73:27

Hikuva, waswivo lava tshinelaka ekule na wena va ta fa. U herisa hinkwavo lava ku fularhelaka.

2 Petro 2:13

va ringanisa leswaku ku tsaka; ku hanya emanyaleni hi masiku hinkwawo, va tele swivati ni swisandzu, va titsakela hi ku xisa ka vona, loko va ri karhi va dya na n'wina.

Vaefesa 2:17

Kutani leswi a nga ta, a vula ku rhula eka n'wina valavo ingi mi ri ekule, ni ku rhula eka lava ingi va ri ekusuhi;

Vaefesa 2:13

Kambe sweswi, eka Yesu Kriste, n'wina valavo ingi mi ri ekule khale, mi tshinetiwile hi ngati ya Kriste,

Luka 15:12

‘Tatana, ndzi avele xuma lexi nga ta va xa mina.’ Kutani tata wa vona a va avanyisela xuma xa yena.

Luka 15:14

Loko a dyile hinkwaswo, ku wa ndlala leyikulu etikweni rero, kutani a sungula ku pfumala.