Luka 14:13 - Xitsonga (Bibele)

¹³ Kambe loko u endla nkhuvo, vitana vapfumari, ni swilema, ni lava khwitaka, ni lavo fa mahlo;

BIBELE Mahungu Lamanene

¹³ Kambe loko u endla nkhuvo, rhamba vapfumari, ni swilema, ni vahluleki, ni lavo-fe-mahlo;

Testamente Leyimpsha Xichangana

¹³ Kambe loko uyendla nkhuvu, rhamba svisiwana, ni svilima, ni lava vakhutaka, ni svifamahlo;

Luka 14:13 Referans Kwoze

Luka 14:21

Nandza yeloyi a tlhela, a ya tivisa n'wini wa yena timhaka teto, Kavaloko n'wini wa yindlu a kariha, a ku eka nandza wa yena: ‘Hatlisa u ya etihubyeni, ni le mitsendzeleni ya muti, u tisa halenu vapfumari, ni swilema, ni lavo fa mahlo, ni lava khwitaka.’

Esaya 58:10

loko u nyika loyi a nga ni ndlala swakudya swa wena, loko u xurhisa moya lowu tsaneke, ku vonakala ka wena ku ta swa emunyameni, kutani munyama wa wena wu ta kwetsima kukota nhlekanhi.

Swivuriso 14:31

La xanisaka xisiwana u sandza muendli wa xona, Kambe la nga ni vunene eka xisiwana, wa n'wi dzunisa.

Esaya 58:7

Xana a hi ku phamela loyi a nga ni ndlala vuswa bya wena, a hi ku amukela endlwini ya wena xisiwana lexi nga riki na ekaya xana? Ni loko u vona munhu a swerile, u n'wi funengeta-ke? Ni loko u nga hundzukeri loyi a nga nyama ya wena hi xiviri xana?

Vaheveru 13:2

Mi nga rivali ku amukela vaendzi, hikuva hakona van'wana va amukerile tintsumi va nga swi tivi.

Nehemiya 8:10

Va engeta va ku eka vona: “Fambani mi dya tinyama leti noneke, mi nwa leswo nandziha, mi rhumela lava nga lunghiseriwangiki nchumu swakudya, hikuva siku leri hi leri hlawuleriweke hosi ya hina; mi nga hlunami, hikuva ku tsaka ka Yehovha i matimba ya n'wina.”

Matewu 22:10

Kutani malandza wolawo ma huma ma ya etindleleni, ma hlengeleta hinkwavo lava ma va kumaka, lavo biha ni lavo lulama, kutani yindlu ya nkhuvo yi tala hi vanhu lava tshameke eswakudyeni.

Duteronoma 16:14

u ta titsakela enkhubyeni lowu, u ri wena, ni n'wana wa wena wa wanuna, ni wa wansati, ni nandza wa wena wa wanuna, ni wa wansati, ni Mulevhi, ni muluveri ni xisiwana, ni noni lava nga emitini ni ya wena.

1 Timotiya 5:10

a va ni vumbhoni bya leswaku u ni mitirho leyinene, a wundlile vana va yena, a amukerile vaendzi, ni ku hlantswa milenge ya vakwetsimi, ni ku pfuna lava nga enhlomulweni, ni ku tinyiketa mitirho hinkwayo leyinene.

Duteronoma 16:11

U ta titsakela emahlweni ka Yehovha, Xikwembu xa wena, u ri ni n'wana wa wena wa wanuna, ni wa wansati, ni nandza wa wena wa wanuna ni wa wansati, ni Mulevhi la nga emindyangwini ya wena, ni xisiwana, ni noni, va ri lava nga ta tshama exikarhi ka n'wina, exivandleni lexi Yehovha, Xikwembu xa wena, a nga ta xi hlawula ku akisa vito ra xona kona;

Duteronoma 14:29

Kutani Mulevhi u ta ta (hikuva a nga na ku averiwa ni ndzhaka na wena), ni muluveri, ni xisiwana ni wansati wa noni, lava nga emitini ya wena, va ta dya va xurha; hi kona Yehovha, Xikwembu xa wena a nga ta ku katekisa emitirhweni hinkwayo leyi u nga ta yi tirha hi mavoko ya wena.

1 Timotiya 3:2

Kambe swi fanele leswaku murisi a pfumala xisandzu, a va nuna wa nsati un'we, a va ni ku hiteka, ni ku tlhariha, ni mafundza, a rhandza ku amukela vaendzi, a tiva ku dyondzisa,

Ntirho 29:13

A ndzi katekisiwa hi loyi a lavaka ku fa, Ndzi nghenisa ku tsaka embilwini ya wansati wa noni.

Nehemiya 8:12

Kutani tiko hinkwaro ri suka ri ya dya, ni ku nwa, va rhumela van'wana swakudya, va endla nkhuvo lowukulu, hikuva a va twisisile marito lawa va ma byeriweke.

2 TIKRONIKA 30:24

Hikuva Hezekiya, hosi ya Yuda, a a nyikile nhlengeletano tinkunzi ta 1 000, ni tinyimpfu ta 7 000; kambe tihosana a ti nyikile nhlengeletano tinkunzi ta 1 000 ni tinyimpfu ta 10 000, kutani vaprista lavo tala a va tihlawurile.

2 SAMIELE 6:19

kutani a avela swakudya eka tiko hinkwaro vunyingi hinkwabyo bya Israele va ri vavasati ni vavanuna; a nyika un'wana ni un'wana xinkwa xin'we, ni nhluvi wa nyama, ni buwu ra mihandzu ya vhinya. Kavaloko tiko hinkwaro ri muka, un'wana ni un'wana endlwini ya yena.

Tito 1:8

kambe a va munhu la amukelaka vaendzi, la rhandzaka vanhu lavanene, la tlhariheke, la lulameke, la kwetsimeke, la hanyaka hi ku tikhoma,

Filemoni 1:7

Ntsena makwerhu, hi ni ku khensa ni ku chaveleriwa lokukulu erirhandzwini ra wena, hikuva timbilu ta vakwetsimi ti rhurhise hi wena.

Timhaka 9:39

Kutani Petro a suka, a famba na vona. Kuteloko a fikile, va n'wi yisa endlwini leyi nga ehenhla; kutani vavasati va tinoni hinkwavo va ta eka yena, va ri karhi va rila, va n'wi komba mikhancu ni tinguvu leti Dorkasi a nga va rhungela tona loko a ha ri na vona.

Luka 11:41

Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

Swivuriso 22:9

Munhu wa tintswalo u ta kateka, Hikuva u pfuna xisiwana hi swakudya swa yena.

Matewu 15:30

Mitshungu leyo tala yi ta eka yena, va neha lavo khwita, ni swilema, ni lavo fa mahlo, ni timbheveve ni van'wana lavo tala, va va veka emilengeni ya Yesu, kutani a va hanyisa.

Luka 14:12

Kambe a ku eka loyi a n'wi vitaneke: “Loko u endla nkhuvo wa xifihlulo, kumbe wa xisalelo, u nga tshuki u vitana vanakuloni, kumbe vamakwenu, kumbe maxaka ya wena, kumbe lava fuweke lava u akeke na vona; swi nga ri leswaku kumbe na vona va ku vitana, va etisa swa wena.

Luka 14:14

kutani u ta kateka, hikuva va pfumala swa ku ku etisela swona, hikuva u ta etiseriwa hi siku ra ku pfuka ka lava lulameke.”