Luka 13:34 - Xitsonga (Bibele)

³⁴ “Yerusalema, Yerusalema, la dlayaka vaprofeta, la khandlaka hi maribye lava rhumiweke eka wena; ndzi rhandzile kangani-ke ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona? Kambe a mi swi rhandzanga.

BIBELE Mahungu Lamanene

³⁴ “Yerusalema, Yerusalema, wena la dlayaka vaprofeta, la khandlaka hi maribye lava rhumiweke eka wena; kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

Testamente Leyimpsha Xichangana

³⁴ “Yerusalema, Yerusalema, wena lweyi udlayaka vaprofeta, lweyi ukhandlaka hi maribze lavarhumiweke ka wena; i kangani na navelile kuhlengeleta vana va wena, kukotisa huku loko yihlengeleta sviciwana sva yona hansi ka timpapa ta yona, kambe awusvilavanga.

Luka 13:34 Referans Kwoze

Timhaka 7:52

Hi wihi muprofeta loyi vatata wa n'wina va nga n'wi xanisangiki? Va dlele ni lava vuleke eku sunguleni ku ta eka loyi a lulameke, loyi sweswi, mi n'wi xengeke, kutani mi hundzukile vadlayi va yena;

Esaya 30:15

Hikuva Hosi Yehovha, Mukwetsimi wa Israele, u ri: “Mi ta kuma ku hlayiseka ka n'wina loko mi tlhela ni loko mi wisa; mi ta kuma matimba eku rhuleni ni le ku tshembeni”; kambe mi arile!

Luka 23:28

Kambe Yesu a rhendzelekela eka vona, a ku: “Vanhwanyana va Yerusalema, mi nga ndzi rileli; tirileleni n'wina ni vana va n'wina.

Luka 19:44

Va ku mbundzuxela ehansi, wena ni vana va wena lava nga exikarhi ka wena; kambe va nga ka va nga tshiki eka wena, ribye ehenhla ka ribye rin'wana, hikuva a ku tivanga nkarhi lowu u endzeriweke ha wona.”

Zakariya 1:4

Mi nga tshuki mi kota vatata wa n'wina valavo vaprofeta vo rhanga a va huwelela eka vona, va ku: ‘Ku vuriwile hi Yehovha wa tinyimpi, a ku: Hundzukani eku fambeni ka n'wina loko biha, ni le mitirhweni yo biha ya n'wina!’ ... Kambe a va yingisangi, a va hlayisangi rito ra mina, ku vula Yehovha.

Hosiya 11:7

Tiko ra mina ri tiyiserile ku ndzi hundzukela, ni loko va vitiwela ehenhla, a ku na un'we la yimiselaka mbilu ya yena kona.

Hosiya 11:2

Kakuloko vaprofeta va va vita, ku va laha va va fularhelaka; va tlhavela va Baali, va hisela swifaniso magandzelo.

Yeremiya 6:16

Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

Yeremiya 2:30

“Ndzi tshinyile vana va n'wina mahala, a va amukelanga ku layiwa; fumu ra n'wina ri dlayile vaprofeta va n'wina kukotisa nghala leyi handzulaka!

Pisalema 36:7

Xikwembu, tintswalo ta wena ti rhandzeka swonghasi! Vana va vanhu va chavela endzhutini wa timpapa ta wena.

Rhuti 2:12

Yehovha a a ku tlherisele leswi u swi endleke! U amukela hakelo leyi hetisekeke ya Yehovha, Xikwembu xa Israele, loyi u teke ku ta chavela etimpapeni ta yena!”

Matewu 22:6

kutani van'wana va khoma malandza ya yena, va ma endla hi tihanyi, va ma dlaya.

Matewu 22:3

Kutani a rhuma malandza ya yena ku ya vitana lava nga rhambiwa enkhubyeni, kambe va ala ku ta.

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.

Esaya 50:2

Ndzi tile, kasi a ku nga ri na munhu ha yini-ke? Ndzi huwelerile, a ku hlamulanga munhu ha yini-ke? Xana voko ra mina ri komile leswaku ndzi nga swi koti ku mi ponisa, kumbe a ndzi na matimba ya ku mi ponisa xana? Vona, hi ku ri wumeta ndza omisa lwandle, milambu ndza yi endla emananga; tinhlampfi ta yona ti ta bola hi ku pfumala mati, ti fa hi torha;

Pisalema 91:4

U ta ku funengeta hi tinsiva ta yena. U ta kuma xisirhelo ehansi ka timpapa ta yena; Vunene bya yena, i xitlhangu ni nhlungula.

Pisalema 81:13

Oho! Loko ngi tiko ra mina ra ndzi yingisa, Loko ngi Israele u famba etindleleni ta mina,

Pisalema 57:1

Ndzi twele vusiwana, Xikwembu, ndzi twele vusiwana! Hikuva moya wanga wu chavele eka wena; Ndzi chavele endzhutini wa timpapa ta wena; Ku fika nkarhi lowu makhombo ma nga ta va ma hundzile.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Yeremiya 35:14

Ku hlayisiwe marito ya Yonadabu, n'wana Rekaba, lawa a ma leriseke vana va yena leswaku va nga tshuki va nwa vhinyo; kutani a va nwanga ku fika sweswi, hikuva va yingisile ku lerisa ka tata wa vona, kambe mina ndzi tshama ndzi vulavula na n'wina, ndzi vulavula wa ha ri mixo, kambe a mi ndzi yingisanga.

Yeremiya 26:23

Va ya teka Uriya eEgipta, va n'wi tisa eka hosi Yoyakimi, a n'wi tlhava hi fumu a va a cukumeta ntsumbu wa yena emasirheni ya lava nga vanhu ntsena.

Pisalema 149:2

Israele a a tsakele muvumbi wa yena, Vana va Siyoni a va tsakele hosi ya vona!

Nehemiya 9:26

“Hambiswiritano va tiarisile va ku hundzukela, va cukumeta milawu ya wena endzhaku, va dlaya vaprofeta va wena lava nga endla vumbhoni exikarhi ka vona, leswaku va va hundzuluxela ka wena, kambe va ku sandza ngopfu.

Duteronoma 32:29

Ingi loko va tlharihile va ta swi twa, Va ta anakanya ku hela ka vona.

Duteronoma 5:29

Ngi loko va ri ni timbilu leti ku ndzi chava ni ku hlayisa milawu ya mina hinkwayo, va ta tsaka vona ni vana va vona, hilaha ku nga heriki!

Nhlavutelo 11:8

Kutani mitsumbu ya vona yi ta tshama emitsendzeleni ya muti lowukulu, lowu vuriwaka hi moya, Sodoma na Egipta, laha Hosi ya vona yi vambiweke kona.

Timhaka 8:1

Kambe Sawulo u khensile ku dlawa ka Stefano. Enkarhini wolowo, kereke ya Yerusalema yi humeleriwa hi ku xaniseka lokukulu, va hangalasiwa hinkwavo ematikweni ya Yudiya ni ya Samariya; ku sala vaapostola ntsena.

Timhaka 7:59

Kakuloko va ri karhi va n'wi khandla, Stefano a khongela, a ku: “Hosi Yesu, amukela moya wa mina!”

Luka 15:28

Kambe a kariha, a ala ku nghena. Tata wa yena a huma a n'wi khongotela leswaku a nghena.

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Swirilo 4:13

Swona swi humelele hikwalaho ka swidyoho swa vaprofeta va yena, Ni vukanganyisi bya vaprista va yena, Lava nga halata exikarhi ka wona Ngati ya lava lulameke.

Pisalema 17:8

Ndzi hlayise kukota xanga ya tihlo, U ndzi fihla ehansi ka timpapa ta wena,

Yeremiya 35:17

“Hikwalaho Yehovha, Xikwembu xa Israele u vula a ku: Vona, ndzi ta humesela Yuda ni vaaki hinkwavo va Yerusalema, swo biha hinkwaswo leswi ndzi swi vuleke hikwalaho ka vona, hikuva ndzi tshama ndzi vulavula na vona, kambe a va ndzi yingisanga, ndzi va vitanile, kambe a va hlamulanga.”