Luka 12:5 - Xitsonga (Bibele)

⁵ Kambe ndzi ta mi kombisa loyi mi faneleke ku n'wi chava: Chavani loyi, kutakuloko a dlele miri, a nga ni matimba ya ku susumetela munhu etiheleni. Ina, ndzi ri eka n'wina, yeloyi, n'wi chaveni.

BIBELE Mahungu Lamanene

⁵ Ndzi ta mi komba loyi mi fanelaka ku chava yena; chavani loyi a nga ni matimba ya ku lovisa munhu, a n'wi hoxa eTiheleni. Ina, ndzi ri ka n'wina, yena yoloye, n'wi chaveni!

Testamente Leyimpsha Xichangana

⁵ Nitamikomba lweyi mifanelaka kuchava yena; chavani lweyi anga ni matimba yaku, ndzhaku ka kudlaya, anga ni matimba yolovisa munhu, amuhoxa Tiheleni. Ina, nili ka n'wina: Yena yelweyo, muchaveni!

Luka 12:5 Referans Kwoze

2 Petro 2:4

Hikuva Xikwembu, loko xi nga tsetselelanga tintsumi leti nga dyoha, Kambe xi ti nyiketa etimpecaneni ta munyama, ti hoxiwa etiheleni; kutani a ti nyiketa leswaku ti hlayiseriwa ku avanyisiwa;

Matewu 10:28

“Mi nga tshuki mi chava lava dlayaka miri, kambe va hava matimba yo dlaya moya; kambe chavani loyi a nga ni matimba yo lovisa miri ni moya wa munhu etiheleni.

Nhlavutelo 14:7

yi vula hi rito leri tlakukeke yi ku: “Chavani Xikwembu mi xi dzunisa, hikuva nkarhi wa ku avanyisa ka xona wu fikile; khinsamelani la endleke tilo ni misava, ni lwandle, ni swihlovo swa mati.”

Vaheveru 10:31

I mhaka leyi chavisaka ku wela emavokweni ya Xikwembu lexi hanyaka.

Pisalema 9:17

Lavo homboloka va ta tlhelela exivandleni xa vafi, Ni matiko hinkwawo lama rivalaka Xikwembu.

Swivuriso 14:26

Exichabyeni xa Yehovha ku ni ku tshemba ka xiviri, Kutani eka vana va yena i xichavelo.

Nhlavutelo 20:14

Kutani rifu ni xivandla xa vafi swi hoxiwa etiveni ra ndzilo; hi rona rifu ra vumbirhi, tiva ra ndzilo.

1 Vatesalonika 4:6

Munhu a nga tshuki a kandziyela makwavo, hambi ku ri ku n'wi dya, ni ku n'wi kanganyisa emhakeni, ni loko yi ri yin'we hikuva Hosi i murihiseri wa swilo hinkwaswo leswo tano, kukota leswi hi tshamaka hi mi byela khale hi ku vurisa loku tiyeke.

Matewu 25:41

“Kutani u ta ku eka lava nga evokweni ra yena ra ximatsi: ‘Sukani ha mina, n'wina lava rhukaniweke; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Nhlavutelo 15:4

I mani la nga taka a nga ku chavi, Hosi? I mani la nga taka a nga dzunisi vito ra wena xana? Hikuva hi wena ntsena la kwetsimeke; hikwalaho matiko hinkwawo ma ta ta, ma khinsama emahlweni ka wena, hikuva ku avanyisa ka wena ku hume erivaleni.”

Matewu 5:22

Kambe mina ndzi ri eka n'wina: Munhu hambi a ri mani na mani, la karihelaka makwavo ntsena u ta fanela ku avanyisiwa; la vulaka makwavo xihunguki, u fanele ku avanyisiwa hi nhlengeletano; la nge eka yena: ‘U ni rihuhu,’ u fanele hi ndzilo wa tihele.

Yeremiya 5:22

Mi nga ka mi nga ndzi chavi xana,” ku vula Yehovha? “Xana mi nga ka mi nga rhurhumeri emahlweni ka mina xana? Mina ndzi nga endla hi sava nkova wa lwandle, wu nga ndzilakana lowu nga heriki, lowu ri nga taka ri nga wu tluri? Magandlati ya rona ma tsekatsekisiwa, kambe a ma na matimba; ma pfuma, kambe a ma wu tluri.

Matewu 25:46

Kutani valavo va ta ya eku biweni loku nga heriki; kambe lavo lulama va ta ya evutomini lebyi nga heriki.”

Yeremiya 10:7

I mani la nga ku chaviki, wena hosi ya matiko? Hikuva u fanela hi ku chaviwa, hikuva exikarhi ka lava tlhariheke hinkwavo eka vamatiko, ni le xikarhi ka ku fuma hinkwako ka kona, a ku na la fanaka na wena.

Marka 13:23

Loko mi ri n'wina tilanguteleni; vonani, ndzi mi byerile hinkwaswo eku sunguleni.

Yeremiya 41:18

a va va chava, hikuva Iximaele n'wana Netaniya, a dlayile Gedaliya, n'wana Ahikama, loyi hosi ya Babilona ingi yi n'wi vekile ku risa tiko.