Luka 12:37 - Xitsonga (Bibele)

³⁷ Ku katekile malandza walawo, hosi ya wona, kutakuloko yi fika, yi ma kuma ma yi langutele! Kunene, ndzi ri eka n'wina: Yi ta tiboha xisuti, yi ma tshamisisa eswakudyeni, yi ma tirhela.

BIBELE Mahungu Lamanene

³⁷ Ku katekile malandza lawa n'wini wa wona a nga ta ma kuma ma hitekile, siku a vuyaka! Ndzi tiyisile ndzi ri ka n'wina: Ú ta tikhama, a ma tshamisisa eswakudyeni, a ma phamela.

Testamente Leyimpsha Xichangana

³⁷ Kukatekile malandza lawa n'winyi wa wona angatamakuma na marindzile, siku leri avuyaka! Nitiyisile nili ka n'wina: Atatikhama, amatshamisisa kujeni, amaphamela.

Luka 12:37 Referans Kwoze

2 Petro 3:14

Hikwalaho, varhandziwa, loko mi langutela leswo, chivirikani leswaku mi ta kumiwa hi yena eku rhuleni, mi nga ri na xivati ni xisandzu.

Matewu 24:42

Hitekani-ke, hikuva a mi tivi nkarhi lowu Hosi ya n'wina yi nga ta ta ha wona.

Vafilipiya 1:23

hikuva ndzi kokiwa hi matlhelo mambirhi, ndzi ni ku navela ku suka, leswaku ndzi va na Kriste, hikuva hi yona mhaka leyi sasekeke eka mina ku tlurisa;

1 Vakorinto 2:9

Kambe kukota leswi tsariweke leswaku: “Timhaka teto, tihlo a ri si ti vona, ndleve a yi si ti twa, a ti humelelanga embilwini ya munhu; timhaka teto, Xikwembu xi ti lunghisele lava xi va rhandzaka.”

Nhlavutelo 14:13

Kutani ndzi twa rito leri humaka etilweni, ri ku: “Tsala: Ku katekile vafi lava felaka eHosini, ku sungula sweswi!” Moya wu ri: “Ina, leswaku va phyuphya emitirhweni ya vona, hikuva mitirho ya vona ya va landzela.”

2 Petro 1:11

Hikuva hi mukhuva wolowo, mi ta hiwa ku nghena eku fumeni loku nga heriki ka Yesu Kriste, Hosi ni Mulondzovoti wa hina.

Yohane 12:26

Kungakuloko munhu a ndzi tirhela, a a ndzi landze; kutani laha ndzi nga kona la, ndzi tirhelaka, na yena u ta va kona; loko munhu a ndzi tirhela, Tatana u ta n'wi dzunisa.

Luka 21:36

Hitekani-ke, mi khongela hi mikarhi hinkwayo, leswaku mi ta tiva ku pona eka swilo hinkwaswo leswi nga ta humelela ni ku yima emahlweni ka N'wana wa Munhu.”

Esaya 62:5

Hilaha jaha ri tekaka wanhwana, hi sweswo vana va wena va ta hlangana na wena; hilaha muvutiwa a tsakisaka muteki, hi sweswo na wena u ta tsakisa Xikwembu xa wena.

Nhlavutelo 7:17

hikuva Xinyimpfana lexi nga exikarhi ka xiluvelo xi ta va risa, xi va yisa eswihlobyeni swa mati ya vutomi, kutani Xikwembu xi ta hlangula mihloti hinkwayo emahlweni ya vona.”

Nhlavutelo 3:21

“ ‘Loyi a nga ta hlula, ndzi ta n'wi nyika ku tshama na mina exiluvelweni xa mina, kukotisa loko na mina ndzi hlurile, kutani ndzi tshamile na Tatana exiluvelweni xa yena.

Vafilipiya 1:21

Hikuva eka mina, ku hanya i Kriste, ni ku fa i rifuwo.

Luka 17:8

Xana a nga ka a nga n'wi byeli: ‘Ndzi lunghisele xilalelo xa mina, tibohe xisuti u ndzi tirhela ndzi ko ndzi heta ku dya ni ku nwa, endzhaku, u ta dya, u nwa’?

Luka 12:43

U katekile nandza loyi, kutakuloko hosi ya yena yi ta, yi n'wi kuma a ri karhi a endlisa sweswo.

Sofoniya 3:17

Yehovha, Xikwembu xa wena, u le xikarhi ka wena; i nhenha leyi ponisaka; u ta ku tsakela hi ku tsaka lokukulu, a va a miyela hikwalaho ka rirhandzu ra yena, u ta ku tsakela hi ku yimbelela.

Yeremiya 32:41

Ndzi ta titsakela ku va endla swinene, ndzi va simeka etikweni leri hi kunene, hi mbilu ya mina hinkwayo, ni moya wa mina hinkwawo.

Luka 12:36

Kotisani vanhu lava langutelaka hosi ya vona loko yi ta vuya enkhubyeni leswaku, kutakuloko a gongondza, va hatlisa va n'wi pfulela.

Luka 22:27

Hikuva lonkulu i mani? Xana hi la tshamaka etafuleni, kumbe la tirhelaka kona xana? A hi la tshamaka etafuleni xana? Kambe mina, ndzi le xikarhi ka n'wina kukota la tirhelaka.

Nhlavutelo 16:15

[“Maswivo, ndza ta kukotisa khamba, ku katekile la hitekaka, la hlayisaka tinguvu ta yena, leswaku a nga tshuki a famba ntsena, tingana ta yena ti nga ti tshuka ti vonaka.”]