Luka 12:20 - Xitsonga (Bibele)

²⁰ Kambe Xikwembu xi ku eka yena: ‘Wee xihunguki! Hi vusiku byebyi, moya wa wena wu ta tekiwa ka wena; kutani swilo leswo u swi lunghiseke, swi ta va swa mani xana?’

BIBELE Mahungu Lamanene

²⁰ Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Testamente Leyimpsha Xichangana

²⁰ Kambe Xikwembu xiku ka yena: ‘We xihunguki! Vusiku bzobzi, utatekeliwa moya wa wena; kutani lesvi usvilungiseke svitava sva mani xana?’”

Luka 12:20 Referans Kwoze

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Ntirho 27:8

Hikuva ntshembo wa mbabva hi wihi, Loko Xikwembu xi n'wi tsema, Ni loko xi n'wi tekela vutomi bya yena?

1 Timotiya 6:7

hikuva a hi tisangi nchumu emisaveni, kambe swa vonaka leswaku hi nga ka hi nga teki nchumu eku mukeni ka hina.

Pisalema 39:6

Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Yakobo 4:14

n'wina vanhu lava nga ti tiviki swa mundzuku; hikuva vutomi bya n'wina i yini-ke? I hunguva leyi vonakaka hi nkarhi wu nga ri wungani, kutani yi hangalaka.

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

Luka 11:40

Swihunguki ndzi n'wina! La nga endla swa le handle, xana a nga endlanga ni swa le ndzeni xana?

Pisalema 73:19

Aha! Va herise ku yini kan'wekan'we, Va susiwa, va herisiwa hi ku chava?

Nahume 1:10

Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Swivuriso 28:8

La andzisaka rifuwo ra yena hi bindzu leri tlulaka mpimo U hlengeletela munhu la nga ta tsetselela swisiwana.

Swivuriso 11:4

Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

Pisalema 78:30

Kavaloko ku navela ka vona ingi loko ka ha ri kona, Loko swakudya swa ha ri kona emilon'wini ya vona,

Estere 5:11

Hamani a va byela ku kateka ka rifuwo ra yena, ni ku tala ka vana va yena, ni hinkwaswo leswi hosi yi n'wi tlakuseke ha swona, ni laha a n'wi kuriseke ku n'wi veka lonkulu wa tihosana ni wa malandza ya hosi.

Pisalema 49:10

Kambe va ta ri vona: lavo tlhariha va fa, Na swona swihunguki ni swiphukuphuku swi fa na swona, Va siyela van'wana rifuwo ra vona.

Swivuriso 10:2

Rifuwo leri kumiwaka hi lavo biha a ri pfuni nchumu, Kambe ku lulama ku ponisa eku feni.

Swivuriso 13:7

Un'wana a tiendla mufuwi, kasi a nga na xilo, Un'wana a tiendla xisiwana, kasi i mufuwi lonkulu.

Swivuriso 27:1

U nga tidzunisi hi siku ra mundzuku, Hikuva a ku tivi leswi nga ta humelela hi siku rero.

Esaya 56:12

“Tanani, ndzi ta lava vhinyo, kutani hi ta nwa leswi nga vila swinene! Mundzuku hi ta endlisa sweswo, ni ku tlurisa!”

Amosi 6:13

N'wina lava tsakelaka swahava, mi nge: “Xana a hi matimba ya hina lawa hi nga ta endla ha wona swihontlovila xana?”

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,