Luka 11:41 - Xitsonga (Bibele)

⁴¹ Kambe nyikani swisiwana leswi nga endzeni ka swona, hi kona swilo hinkwaswo swi nga ta va swi basile eka n'wina.

BIBELE Mahungu Lamanene

⁴¹ Kambe nyikani swilo leswi nge ndzeni ka swibya eka swisiwana, hi kona hinkwaswo swi nga ta va swi basile eka n'wina.

Testamente Leyimpsha Xichangana

⁴¹ Kambe nyikani svisiwana lesvinga ndzeni ka svibza, hi kona hinkwasvu svingatava svibasile ka n'wina.

Luka 11:41 Referans Kwoze

Luka 12:33

Xavisani leswi mi nga na swona, mi nyika swisiwana; mi tilavela mikwama leyi nga hlakariki, ni xuma ematilweni lexi nga heriki, lexi khamba ri nga xi yiviki, ni laha tinsumba ti nga onhiki;

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Tito 1:15

Hinkwaswo swi tengile eka lava tengeke; kambe a ku na lexi tengeke eka lava thyaka ni ka lava nga pfumeriki; va nyamisiwile timbilu ni mapfalo.

Vaheveru 13:16

Mi nga karhaleni ku endlela vanhu leswinene ni ku hanana, hikuva Xikwembu xi tsakisiwa hi magandzelo layo tano.

Timhaka 10:15

Rito ri engeta ri ku eka yena ra vumbirhi: “Swilo leswi Xikwembu xi nga swi basisa u nga vuli leswaku swa yila.”

Luka 16:9

“Na mina ndzi ri eka n'wina: Tiendlelani maxaka hi xuma lexi nga lulamangiki, leswaku loko mi pfumala, va mi amukela emitsongeni leyi nga heriki.

Daniele 4:27

Loko swi ri tano, hosi, amukela ku tsundzuxa ka mina. Herisa ku dyoha ka wena hi ku endla hi ku lulama, ni ku homboloka ka wena hi ku tsetselela xisiwana, loko kumbexana ku kateka ka wena ka ha ri ni nkarhi.”

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Swivuriso 14:31

La xanisaka xisiwana u sandza muendli wa xona, Kambe la nga ni vunene eka xisiwana, wa n'wi dzunisa.

Vaheveru 6:10

Hikuva Xikwembu a xi hombolokanga; xi nga ka xi nga rivali ntirho wa n'wina, ni rirhandzu leri mi ri kombiseke hikwalaho ka vito ra xona, loko mi pfunile vakwetsimi, ni sweswi, ma ha va pfuna.

2 Vakorinto 8:12

Hikuva ku rhandza ka mbilu loko ku ri kona, munhu u ta tsakisa Xikwembu hi leswi a nga na swona, ku nga ri hi leswi a swi pfumalaka.

Luka 19:8

Kwalaho Zakiya a yima, a ku eka Hosi: “Vona, Hosi, ndzi avanyisela swisiwana rifuwo ra mina hi le xikarhi; loko ndzi dyile xilo xa munhu ndzi n'wi tlherisela ka mune.”

Luka 18:22

Kuteloko Yesu a twa sweswo, a ku eka yena: “Wa ha pfumala xilo xin'we: Xavisa hinkwaswo leswi u nga na swona, u avela swisiwana, hi kona u nga ta va ni xuma etilweni; kutani u ta, u ndzi landzela.”

Matewu 5:42

Nyika la kombelaka ka wena, u nga fularheli la rhandzaka ku kombela eka wena.

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Pisalema 41:1

Ku katekile loyi a anakanyaka xisiwana, Hi siku ra khombo, Yehovha u ta n'wi lwela.

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

Timhaka 11:29

Kutani vadyondzisiwa va va ni rito rin'we ku rhumela vamakwavo lava akeke eYudiya leswaku va pfuna hilaha un'wana ni un'wana a nga humesa hakona.

Matewu 26:11

hikuva loko swi ri swisiwana, mi ta va na swona hi masiku, kambe mina, mi nga ka mi nga vi na mina hi masiku hinkwawo.

Timhaka 24:17

“Kutani ndzhaku ka malembe layo tala, ndzi tile ku ta neha swo nyika eka tiko ra rikwerhu, ni ku humesa timhamba.

Swivuriso 16:6

Ku dyoha ku funengetiwa hi tintswalo ni ntiyiso, Hi ku chava Yehovha, vanhu va fularhela swo biha.

Marka 7:19

hikuva a swi ngheni embilwini ya yena, kambe swi ya ekhwirini, kutani swi humela enhoveni?” laha swakudya hinkwaswo swi basisiwaka kona.