Luka 10:2 - Xitsonga (Bibele)

² Hilaha a nga te eka vona: “Ku tshovela kukulu, kambe vatirhi, a hi vangani; khongelani-ke, Hosi ya ku tshovela, leswaku yi rhuma vatirhi eku tshoveleni ka yona.

BIBELE Mahungu Lamanene

² Yi ku ka vona: “Ku tshovela i kukulu, kambe vatirhi a va talanga; hikokwalaho, khongelani n'wini wa ntshovelo leswaku a rhuma vatirhi eku tshoveleni ka yena.

Testamente Leyimpsha Xichangana

² Yiku ka vona: “Kutshovela i kukulu, kambe vatirhi avatalanga; hi kolaho, khongelani n'winyi wa ntshovelo lesvaku arhuma vatirhi kutshoveleni ka yena.”

Luka 10:2 Referans Kwoze

1 Vatesalonika 5:12

Ha mi khongela, vamakwerhu, leswaku mi va ni xichavo eka lava nga ni ntirho exikarhi ka n'wina, lava mi risaka eHosini, lava mi tiyisaka;

Marka 16:15

Kutani a ku eka vona: “Yanani emisaveni hinkwayo, mi ya byela swivumbiwa hinkwaswo Evhangeli.

2 Timotiya 4:5

Kambe wena, hiteka etimhakeni hinkwato, amukela makhombo, tirha ntirho wa muvuri wa Evhangeli, u hetisa ntirho wa wena.

2 Vatesalonika 3:1

Loko swi ri tano, vamakwerhu, hi khongeleleni, leswaku rito ra Hosi ri tsutsuma, ri dzunisiwa hinkwako kukotisa eka rikwenu;

Marka 13:34

Swi kotisa munhu loko a ya endza, a sukela yindlu ya yena a lerisile malandza ya yena un'wana ni un'wana ntirho wa yena, a lerisile ni mulanguteri wa nyangwa ku langutela.

1 Timotiya 4:10

Hikuva, hikwalaho ka yona, a hi chavi mikarhalo ni ku sandziwa, hikuva hi langutele Xikwembu lexi hanyaka, a nga Mulondzovoti wa vanhu hinkwavo, ngopfu wa lava pfumelaka.

Timhaka 22:21

Kavaloko Hosi yi ku eka mina: ‘Famba, hikuva ndzi ta ku rhuma ekule eka vamatiko.’ ”

Timhaka 20:28

Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

Timhaka 13:4

Vona-ke, loko va rhumiwile hi Moya lowo Kwetsima, va ngirimela eSelukiya, va nghena ebyatsweni, va pelela eKipra.

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 11:19

Loko va ri lava ingi va hangalasiwile hi ku xanisiwa loku nga humelela hikwalaho ka Stefano, va hundzela emahlweni ku ya fika eFenikiya, na Kipra, na Antiyoka, va nga byeri munhu rito loko va nga ri Vayuda ntsena.

Timhaka 8:4

Kutani lava ingi va hangalasiwile, a va ri karhi va vula rito hinkwako laha va yaka kona.

Luka 9:1

Yesu a hlengeleta vadyondzisiwa va yena va khume na vambirhi, kutani a va nyika matimba ni vuhosi ehenhla ka mademona hinkwawo, ni matimba ya ku horisa mavabyi.

Marka 16:20

Loko va ri vona, va suka, va ya dyondzisa hinkwako, Hosi yi ri karhi yi tirha na vona, yi tiyisa rito hi masingita lawa ingi ma heleketa rona.

Matewu 20:1

“Ku fuma ka matilo ku fana ni n'wini wa yindlu la humeke wa ha ri mixo ku ya rhamba varimi, va ta ya rima nsimu ya yena ya vhinya.

Zakariya 11:17

“U ni khombo murisi wa swahava, la tshikaka ntlhambi! Fumu ri ta ba voko ra yena, ri ta omelela kunene, tihlo ra yena ra xinene ri ta fa.”

Yeremiya 3:15

Ndzi ta mi nyika varisi lava tsakisaka mbilu ya mina, va ta mi risa hi ku tiva ni ku anakanya.

Vafilipiya 2:25

Kambe ndzi anakanyile leswaku ndzi fanele ku mi rhumela Epafrodito makwerhu, ni nakulorhi emitirhweni ni le ku lweni; i murhumiwa wa n'wina ni loyi a nga ndzi pfuna evusiwaneni,

Vafilipiya 2:21

hikuva hinkwavo va tilavela swa vona, swi nga ri swa Yesu Kriste.

1 Vakorinto 12:28

Kutani valavo Xikwembu xi va vekeke eKerekeni, eku sunguleni i vaapostola; va vumbirhi i vaprofeta; va vunharhu i vafundhisi; kutani ku vekiwe va masingita, ni tinyiko leti hanyisaka, ni mitirho ya ku pfuna swisiwana, ni ku fambisa, ni tinxaka ta tindzimi.

Tinhlayo 11:17

Ndzi ta xika, kutani ndzi ta vulavula na wena kona; ndzi ta pambula moya lowu nga eka wena, ndzi wu veka ehenhla ka vona, va ta rhwala na wena ndzhwalo wa tiko, u nga tshuki u wu rhwala u ri wena ntsena.

Vakolosa 1:29

Hi leswi ndzi swi tirhelaka, loko ndzi lwa hi matimba ya yena lama tirhaka ngopfu eka mina.

Vafilipiya 2:30

hikuva u tshinelele rifu hikwalaho ka ntirho wa Kriste, u tshikile vutomi bya yena, a ta hetisa mitirho leyi mi tsandzekeke ku ndzi endlela yona.

Vaheveru 3:6

kambe Kriste u tshembekile kukotisa n'wana eku fumeni ka yindlu ya yena, kutani yindlu ya yena hi hina, loko kunene hi hlayisa hi ku tiya ku ya fika emakumu, ku tshemba ka hina loku hi tidzunisaka hikwalaho ka kona, hi nga siveriwi ha nchumu.

1 Vatesalonika 2:9

Na n'wina, vamakwerhu, ma anakanya mikarhalo ni nyuku wa hina hilaha hi mi leteleke hakona Evhangeli ya Xikwembu, hi ri karhi hi tirha vusiku ni nhlikanhi, hi nga ti tikerisa munhu exikarhi ka n'wina.

Vakolosa 4:12

Epafra, warikwenu, ni nandza wa Kriste, wa mi rungula; a karhi a mi lwela hi masiku emikhongelweni ya yena, leswaku mi va lava hetisekeke, ni lava kholwaka eku rhandzeni hinkwako ka Xikwembu.

2 Vakorinto 6:1

Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

Zakariya 11:5

ni lava xavisaka tona va ku: ‘A ku dzunisiwe Yehovha! Hikuva ndzi mufuwi!’ ... Ni leti varisi va tona va nga ti tsetseleriki.

1 TIHOSI 18:22

Eliya a engeta a ku eka tiko: “Muprofeta wa Yehovha la seleke, hi mina ntsena, kasi vaprofeta va Baali va kona va 450.

Tinhlayo 11:29

Muxe a ku eka yena: “Xana u ni ritsimbo hikwalaho ka mina, xana? Mawako loko tiko hinkwaro ra Yehovha ri bvumbha ni loko Yehovha a veke moya wa yena ehenhla ka vona!”

Filemoni 1:1

Pawulo, mubohiwa wa Yesu Kriste, na Timotiya makwerhu; Eka Filemoni, murhandziwa ni mutirhi-kulorhi,

Pisalema 68:11

Hosi yi letele rito, Kutani vavasati lavo tala va vika mahungu lamanene,

Nhlavutelo 2:1

“Tsalela ntsumi ya kereke ya Efesa, u ku: “ ‘Loyi a tamelaka tinyeleti ta ntlhanu na timbirhi evokweni ra yena ra xinene, la fambaka exikarhi ka tikandelari ta ntlhanu na timbirhi ta nsuku, u vulavula sweswo, u ri: