Luka 1:63 - Xitsonga (Bibele)

⁶³ kuteloko Zakariya a kombele ribye, a tsala a ku: “I Yohane vito ra yena,” kutani va hlamala hinkwavo.

BIBELE Mahungu Lamanene

⁶³ Kuteloko a kombele ribye, a tsala leswi: “Vito ra yena i Yohane.” Kutani va hlamala hinkwavo.

Testamente Leyimpsha Xichangana

⁶³ Kuteloko akombelile xileti, atsala lesvi: “Vito ra yena i Yohani.” Kutani hinkwavu vahlamala.

Luka 1:63 Referans Kwoze

Luka 1:60

kambe mana wa yena a angula, a ku: “E-e, u ta churiwa vito ra Yohane.”

Luka 1:13

Kambe ntsumi yi ku eka yena: “Zakariya, u nga chavi, hikuva ku khongela ka wena ku yingisiwile; Elizabeta, nsati wa wena, u ta ku velekela n'wana, kutani u ta n'wi thya vito ra Yohane.

Esaya 30:8

Famba sweswi u ya tsala timhaka leti ehenhla ka tafula emahlweni ka vona u tsala ni le bukwini ti ta hlayiseriwa emikarhini leyi taka, xi va xikombiso, hilaha ku nga heriki.

Habakuku 2:2

Kwalaho Yehovha a ndzi hlamula, a ku: “Tsala hlavutelo, yi vatle emahantini, leswaku la yi hlayaka a yi hlaya hi ku tsutsuma;

Yeremiya 17:1

“Xidyoho xa Yuda xi tsariwile hi rinhi ra nsimbhi, hi dayimani leyo kariha; xi tsariwile etimbilwini ta vona, ni le timhondzweni ta tialitari ta vona.

Swivuriso 3:3

Vunene ni ntiyiso swi nga tshuki swi avana na wena; Titsimbe swona enhan'wini ya wena, u swi tsala embilwini ya wena:

Matewu 8:10

Kuteloko Yesu a swi twa, a hlamala, a byela lava n'wi landzaka, a ku: “Kunene ndza mi byela, ndzi ku: A ndzi si vona ku pfumela loko tano, ni le Israeleni.