Levhitika 9:7 - Xitsonga (Bibele)

⁷ Muxe a ku eka Aroni: “Tshinela ekusuhi ni alitari, u humesa gandzelo ra nandzu, ni holokosta, u tiphahlela mhamba ya wena ni ya tiko; u ta humesa ni nhlengo wa tiko, u va phahlela mhamba hilaha Yehovha a leriseke hakona.”

BIBELE Mahungu Lamanene

⁷ Muxe a ku ka Aroni: “Tshinela kusuhi ni alitari, u ta humesa mhamba ya wena yo susa swidyoho ni magandzelo ya wena lama hisiwaka, leswaku u tibasisa, u basisa ni Vaisraele. Kutani u ta humesa ni magandzelo ya Vaisraele, u va basisa ha wona, hilaha HOSI Xikwembu xi leriseke hakona.”

Levhitika 9:7 Referans Kwoze

Vaheveru 5:3

Kutani hikwalaho ka yona, swa n'wi fanela leswaku a tihumesela magandzelo hikwalaho ka swidyoho swa yena, kukotisa loko a humesele tiko.

Vaheveru 5:1

Hikuva muprista lonkulu, hambi a ri mani na mani, leswi a tekiwaka exikarhi ka vanhu, a vekeriwa ta Xikwembu hikwalaho ka vanhu, leswaku a ta humesa mihlengo ni magandzelo hikwalaho ka swidyoho,

Vaheveru 9:7

kambe loko ku ri etabernakeleni ya vumbirhi, ku nghena eka yona muprista lonkulu ntsena, a nghena kan'we hi lembe, kambe a nga ngheni loko a nga ri na ngati leyi a yi humesaka hikwalaho ka yena, ni ka ku dyoha ka tiko.

Levhitika 4:3

Loko a ri muprista la kwetsimisiweke hi mafurha loyi a dyoheke, a tisele tiko nandzu hikwalaho ka xidyoho lexi a xi endleke, u ta humesela Yehovha nkunzi leyi nga riki na xivati, ri va gandzelo ra nandzu.

1 SAMIELE 3:14

Hikwalaho ndzi hlambanyile ehenhla ka yindlu ya Heli leswaku ku dyoha ka yindlu ya Heli ku nga ka ku nga hlanguriwi, hambi hi magandzelo, hambi hi mihlengo hi masiku.”

Levhitika 9:2

a ku eka Aroni: “Teka xinkuzana xa gandzelo ra nandzu, ni khuna ra holokosta, swi nga ri na xivati, u swi tlhavela Yehovha.

Levhitika 8:34

Leswi endliweke namuntlha, Yehovha u swi lerisile leswaku mi phahleriwa mhamba.

Levhitika 16:6

Aroni u ta humesa nkunzi ya gandzelo ra xidyoho, a tiphahlela mhamba swin'we ni yindlu ya yena.

Levhitika 16:11

“Aroni u ta tisa nkunzi ya gandzelo ra xidyoho leyi nga ya yena, a tiphahlela mhamba swin'we ni va yindlu ya yena; u ta tlhava nkunzi leyi nga ya yena ya gandzelo ra xidyoho.

Levhitika 16:24

Kutani a hlamba miri ematini, exivandleni lexo kwetsima, a engeta a ambala tinguvu ta yena; kutani u ta huma, a ya humesa holokosta ya yena ni holokosta ya tiko, a va a tiphahlela mhamba swin'we ni tiko;