Levhitika 9:3 - Xitsonga (Bibele)

³ Kutani u byela vana va Israele, u ku: ‘Tekani xiphongo xa gandzelo ra nandzu, ni rhole, ni xinyimpfana swa lembe rin'we, swi nga ri na xivati, swi va swa holokosta;

BIBELE Mahungu Lamanene

³ u byela ni Vaisraele leswaku va ta ni leswi: Xiphongho xa mhamba yo susa swidyoho, ni rhole ni xinyimpfana, swi va leswi nga solekiki swa lembe rin'we, swa magandzelo lama hisiwaka,

Levhitika 9:3 Referans Kwoze

Ezra 6:17

eku khanguleni ka yindlu leyi ya Xikwembu, va tlhava tinkunzi ta dzana rin'we, ni makhuna ya madzana mambirhi, ni swinyimpfana swa madzana ya mune, ni swiphongo swa khume na swimbirhi swa mhamba ya swidyoho swa Vaisraele hinkwavo, hi ntsengo wa tinyimba ta va Israele.

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

1 Petro 2:24

hi yena la rhwaleke swidyoho swa hina emirini wa yena exihambanweni, leswaku hi fa hitlhelo ra swidyoho kambe hi hanyela ku lulama; loyi kambe mi horisiweke hi matshimbi ya yena.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Levhitika 4:23

kutakuloko yi tivisiwa nandzu wa yona, yi ta tisa xiphongo lexi nga riki na xivati; wu va nhlengo wa yona.

1 Petro 3:18

Hikuva na yena Kriste, u twisiwile ku vava kan'we hikwalaho ka swidyoho, yena la lulameke ematshan'weni ya lavo homboloka, leswaku a tiva ku hi tisa eka Xikwembu; a nga yena la dlayiweke hitlhelo ra nyama, kambe u hanyisiwile hi Moya;

2 Vakorinto 5:21

Hlanganani na Xikwembu! Hikuva la nga tivangiki xidyoho, Xikwembu xi n'wi endle xidyoho hikwalaho ka hina, hi ta hlayiwa ha yena lava lulameke emahlweni ka Xikwembu.

Esaya 53:10

Xikwembu xi rhandzile ku n'wi tshova hi vuvabyi; loko a ta va a endlile vutomi bya yena mhamba ya swidyoho, u ta vona vatukulu, u ta lehisa masiku ya yena, kutani ntirho wa Yehovha wu ta kateka emavokweni ya yena.

Ezra 10:19

vona va tlakusa mavoko, va tiboha, leswaku va ta tlherisa vasati va vona, hikuva a va ri ni nandzu; va tlhavela milandzu ya vona magandzelo ya khuna lerintshwa.

Levhitika 23:12

Siku mi nga ta ndziwita nyandza, mi ta humesa xinyimpfana lexi nga riki na xivati, xa lembe rin'we, yi va holokosta eka Yehovha.

Levhitika 16:15

“Kutani u ta tlhava xiphongo xa gandzelo ra vudyoho, leri nga ra tiko, a va a tisa ngati ya xona endzeni ka nguvu ya xisirhelo; u ta endla hi ngati leyi kukotisa leswi a swi endleke hi ngati ya nkunzi; a xuva ha yona ehenhla ka vukhongelelo, ni le mahlweni ka byona.

Levhitika 16:5

U ta nyikiwa hi nhlengeletano ya vana va Israele swiphongo swimbirhi swa gandzelo ra xidyoho, ni khuna ra holokosta.

Levhitika 14:10

“Hi siku ra ntlhanu na manharhu, u ta teka swinyimpfana swimbirhi leswi nga riki na xivati, ni nyimpfu ya lembe rin'we leyi nga riki na xivati, ni ku avanyisa ka vukhume loku hlayiwaka kanharhu ka efa ya mapa layo saseka, lama pfuviweke hi mafurha, wu va nhlengo, ni loga yin'we ya mafurha.

Levhitika 12:6

“ ‘Kutakuloko masiku ya ku hlamba ka yena ma herile, hambi ma ri ya n'wana wa wanuna, kumbe ya wanhwanyana, u ta tisa eka muprista, enyangweni ya tabernakela ya nhlengeletano, xinyimpfana xa lembe rin'we, xi ri xa gandzelo leri hisiwaka, ni vondlo, kumbe tuva, ku endla gandzelo ra nandzu ha swona.

Eksoda 12:5

Xi va xinyimpfana lexi nga riki na vulema, xa khuna, xa lembe rin'we; mi ta xi hlawula exikarhi ka tinyimpfu ni timbuti.

Genesa 37:31

Kavaloko va teka nguvu ya Yosefa, va tlhava xiphongonyana, va tota nguvu hi ngati;

Levhitika 9:2

a ku eka Aroni: “Teka xinkuzana xa gandzelo ra nandzu, ni khuna ra holokosta, swi nga ri na xivati, u swi tlhavela Yehovha.

Levhitika 9:4

ni nkunzi, ni khuna ra gandzelo ra ku khensa ku swi tlhavela Yehovha, ni nhlengo lowu nga pfuviwa hi mafurha; hikuva namuntlha Yehovha u ta tikombisa eka n'wina.’ ”

Levhitika 10:16

Muxe a vutisa leswi va swi endleke hi xiphongo xa gandzelo ra nandzu; kutani maswivo a xi hisiwile. Kavaloko a karihela Eliyazara na Itamara vana lava saleleke Aroni, a ku eka vona:

Levhitika 4:3

Loko a ri muprista la kwetsimisiweke hi mafurha loyi a dyoheke, a tisele tiko nandzu hikwalaho ka xidyoho lexi a xi endleke, u ta humesela Yehovha nkunzi leyi nga riki na xivati, ri va gandzelo ra nandzu.