Levhitika 8:21 - Xitsonga (Bibele)

²¹ Va hlantswa marhumbu ni masondzo ematini, kutani Muxe a hisa khuna hinkwaro ealitarini; a yi ri holokosta ya ku nun'hwela ku saseka; a ri ri gandzelo leri hiseriwaka Yehovha, hilaha Yehovha a leriseke Muxe ha kona.

BIBELE Mahungu Lamanene

²¹ Swa le ndzeni ni manqina, Muxe ú rhange hi ku swi hlantswa a nga si swi hisa ni nyama leyin'wana hinkwayo ehenhla ka alitari. Lawa hi wona magandzelo lama hiseriwaka HOSI Xikwembu, lawa ku nun'hwela ka wona ku xi tsakisaka, hilaha xi leriseke Muxe hakona.

Levhitika 8:21 Referans Kwoze

Vaefesa 5:2

mi famba erirhandzwini kukotisa loko Kriste, na yena, a mi rhandzile, kutani u tinyiketele hina, a va mhamba ni gandzelo ra ku nun'hwela eka Xikwembu.

Eksoda 29:18

kutani u hisa khuna hinkwaro ealitarini; i gandzelo ra Yehovha leri nun'hwelaka swo nandziha; i gandzelo leri hiseriwaka Yehovha.

Levhitika 2:9

Muprista u ta pambula eka nyiko xitsundzuxo xa yona, u ta xi hisa ealitarini, yi va mhamba leyi hisiwaka leyi nga ni risuna eka Yehovha.

Levhitika 1:17

U ta handzula nyanyana exikarhi ka timpapa, a nga yi avanyisi, kutani muprista u ta yi hisa ealitarini, ehenhla ka tihunyi leti va tshiveleke ndzilo ha tona; i holokosta, i mhamba leyi hisiwaka leyi nga ni risuna eka Yehovha.

Genesa 8:21

Kutani Yehovha a twa ku nun'hwela loku tsakisaka; Yehovha a ku embilwini ya yena: “A ndzi nga ha tlheli ndzi rhuketela misava hikwalaho ka vanhu, hikuva makungu ya timbilu ta vanhu ma bihile ku suka evuhlangini bya vona, kutani a ndzi nga ha tlheli ndzi ba hinkwaswo leswi hanyaka hilaha ndzi endleke hakona.

Eksoda 12:9

Mi nga tshuki mi dya yi nga vupfanga; mi nga yi sweki hi mati, kambe mi yi oxa endzilweni; nhloko ni milenge ni swa le ndzeni.

Eksoda 40:16

Kutani Muxe a endla hinkwaswo hilaha Yehovha a nga n'wi lerisa hakona.

Levhitika 1:9

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 1:13

Va ta hlantswa marhumbu ni swirho ematini, kutani muprista u ta hisa hinkwaswo ealitarini, yi va holokosta; i mhamba leyi hisiwaka, leyi nga ni risuna eka Yehovha.

Levhitika 8:9

A n'wi vehela xihuku enhlokweni, ni le mahlweni ka xihuku, a bohela xiphepherhele xa nsuku, wu nga musingasoro lowo kwetsima, hilaha Yehovha a leriseke Muxe hakona.

Levhitika 8:13

Kutani Muxe a vitana vana va Aroni, a va ambexa tinguvu, a va tsimba hi mavamba, a va bohelela swihuku, hilaha Yehovha a leriseke Muxe hakona.