Levhitika 8:15 - Xitsonga (Bibele)

¹⁵ Muxe a yi tlhava, a teka ngati ya yona kuteloko a petile ritiho ra yena engatini, a tota timhondzo ta alitari hinkwako; a tengisa alitari; kutani a chela ngati ehansi ka alitari, a yi hlawula leswaku ku ta phahliwa timhamba ehenhla ka yona.

BIBELE Mahungu Lamanene

¹⁵ Kutani Muxe a tlhava xinkuzana, a teka ngatinyana ya xona, a peta ritiho a tota etimhondzweni leti nga tinhleni ta alitari, yi va mhamba yo susa swidyoho; leyin'wana ngati a yi chela ehansi ka alitari. Hi ndlela leyi, Muxe a hlawulekisa alitari ni ku yi basisa.

Levhitika 8:15 Referans Kwoze

Levhitika 4:7

Muprista emahlweni ka Yehovha, u ta tota hi ngati timhondzo ta alitari ya mirhi ya risuna, leyi nga etabernakeleni ya nhlengeletano; kutani ngati hinkwayo ya nkunzi u ta yi halatela ehansi ka ya nkunzi u ta yi halatela ehansi ka alitari ya holokosta, leyi nga enyangweni ya tabernakela ya nhlengeletano.

Vaheveru 2:17

Hikwalaho-ke, a swi fanela leswaku a fanisiwa hinkwako ni vamakwavo, leswaku a ta va muprista lonkulu la nga ni ku tsetselela, ni ku tshembeka ka hinkwaswo swa Xikwembu, a ko a kutsula tiko eku dyoheni ka rona.

Vaefesa 2:16

kutani u vuyisile swin'we eka Xikwembu, hinkwavo havambirhi, ku va endla miri wun'we hi xihambano xa yena, loko a dlayile ku vengana ha xona.

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

Daniele 9:24

“Mavhiki ya ntlhanu wa makume na makume mambirhi ma hlayiwile henhla ka tiko ra wena ni le henhla ka muti wa wena lowu hlawuriweke, ku hetisisa swo biha ni ku herisa swidyoho, ni ku kutsula ku homboloka, ni ku humelerisa ku lulama loku nga heriki, ni ku tiyisa xivono ni muprofeta, ni ku khangula xikwetsimisiso.

Ezekiele 45:20

U ta tlhela u endla sweswo hi siku ra ntlhanu na mambirhi ra n'hweti, hikwalaho ka la hoxeke ni hikwalaho ka swiphukuphuku, mi ta lavela yindlu ku kateka kwalaho.

2 TIKRONIKA 29:24

Kutani vaprista va swi tlhava, va humesa ngati ya swona ealitarini hikwalaho ka swidyoho, ku phahlela Vaisraele hinkwavo mhamba; hikuva hosi a yi lerisile leswaku holokosta ni gandzelo ra xidyoho swi humeseriwa Vaisraele hinkwavo.

Levhitika 16:20

“Kuteloko a hetile ku phahlela vukwetsimelo mhamba, ni tabernakela ya nhlengeletano, ni alitari, u ta tshineta xiphongo lexi hanyaka.

Levhitika 6:30

Kambe ku nga tshuki ku dyiwa mhamba ya nandzu, hambi yi ri yin'we, leyi va nga yisa ngati ya yona etabernakeleni ya nhlengeletano ku endla mhamba evukwetsimelweni; yona yi ta hisiwa endzilweni.

Levhitika 4:30

Muprista u ta peta ritiho ra yena engatini ya mbuti, u ta yi tota etimhondzweni ta alitari ya holokosta, kutani u ta halatela ngati hinkwayo ehansi ka alitari.

Levhitika 3:8

U ta tlhandleka voko ra yena enhlokweni ya xifuwo; va ta xi tlhava emahlweni ka tabernakela ya nhlengeletano, kutani vana va Aroni va ta halatela ngati ya xona ealitarini ematlhelweni hinkwawo.

Levhitika 3:2

U ta tlhandleka voko ra yena enhlokweni ya nhlengo wa yena; va ta tlhava xifuwo enyangweni ya Tabernakela ya nhlengeletano, kutani vaprista, vana va Aroni va ta halatela ngati ealitarini, ematlhelweni hinkwawo.

Levhitika 1:11

Va ta yi tlhavela tlhelo ra n'walungu ra alitari, emahlweni ka Yehovha, kutani vaprista, vana va Aroni va ta halatela ngati ealitarini, ematlhelweni hinkwawo.

Levhitika 1:5

Va ta tlhava nkunzi emahlweni ka Yehovha, kutani vaprista, vana va Aroni va ta humesa ngati, va yi halatela ematlhelweni hinkwawo, ehenhla ka alitari leyi nga enyangweni ya tabernakela ya nhlengeletano.

Levhitika 4:25

Muprista u ta nusa hi ritiho ngati ya gandzelo ra nandzu, a tota ha yona timhondzo ta alitari ya holokosta, u ta halatela ngati ehansi ka alitari ya holokosta.

Tinhlayo 8:12

Valevhi va ta tlhandleka mavoko ya vona etinhlokweni ta tinkunzi kutani u ta endla hi yin'wana gandzelo ra xidyoho, hi yin'wana u endla holokosta eka Yehovha, leswaku Valevhi va ta phahleriwa mhamba.