Levhitika 7:34 - Xitsonga (Bibele)

³⁴ Hikuva ndzi tekile eka magandzelo ya ku khensa leyi humesiwaka hi vana va Israele, xifuva lexi ndziwitiweke, ni voko leri pamburiweke ku swi nyika muprista Aroni ni vana va yena; i nawu lowu nga heriki, lowu vana va Israele va nga ta wu hlayisa.

BIBELE Mahungu Lamanene

³⁴ Xifuva xa nyiko leyo hlawuleka ni nenge lowu humesiwaka wu va nyiko, swi fanele ku va swa muprista Aroni ni vana va yena; swi ta pamburiwa eka magandzelo ya xinakulobye ya Vaisraele, hi ku landza nawu lowu wu nga ta va boha hilaha ku nga heriki.

Levhitika 7:34 Referans Kwoze

Duteronoma 18:3

Hi swona leswi faneleke vaprista, swi ta huma eka tiko, ku ri ka lava humesaka magandzelo, hambi yi ri homu, hambi xi ri xinyimpfana: va ta nyika voko eka muprista, ni tinhlaya ni xihlakahla.

Levhitika 3:17

Hi ku lerisa loku nga heriki etinxakeni ta n'wina, hinkwako laha mi nga ta aka kona: mi nga tshuki mi dya mafurha, hambi yi ri ngati.’ ”

Eksoda 29:9

Kutani u ta tsimba Aroni ni vana va yena hi mavamba, u va vehela swihuku, kutani vuprista byi ta va bya vona hi masiku hinkwawo; i ku lerisa loku nga heriki. U ta hlawurisa sweswo Aroni ni vana va yena.

Eksoda 29:26

“Kutani u ta teka xifuva xa nyimpfu ya ku hlawuleka ka Aroni u xi ndziwita kukota nyiko leyi ndziwitiweke emahlweni ka Yehovha; ku ta va ku averiwa ka wena.

Levhitika 7:33

N'wana wa Aroni la nga ta humesa ngati ni mafurha ya mhamba ya ku khensa, u ta averiwa voko ra xinene.

Tinhlayo 5:9

Hinkwaswo leswi pamburiweke eka swilo leswi hlawuriweke, leswi vana va Israele va swi tisaka eka muprista, swi ta va swa yena.

Tinhlayo 8:11

kutani Aroni u ta humesa Valevhi hi vito ra vana va Israele, wu va nhlengo lowu ndziwitiweke emahlweni ka Yehovha, wu huma eka vana va Israele; kutani va ta tirha ntirho wa Yehovha.

Tinhlayo 6:20

Muprista u ta swi ndziwita emahlweni ka Yehovha; i xilo lexi hlawuriweke ngopfu, leswi nga swa muprista, ni xifuva lexi hlawuriweke, ni nenge lowu pamburiweke. Kutani Munaziri u ta tiva ku nwa vhinyo.