Levhitika 7:25 - Xitsonga (Bibele)

²⁵ Hikuva munhu, hambi a ri mani na mani, kutakuloko a dyile mafurha ya swifuwo leswi va endlaka ha swona timhamba leti hiseriwaka Yehovha, munhu loyi u ta susiwa eka varikwavo.

BIBELE Mahungu Lamanene

²⁵ Munhu un'wana ni un'wana loyi a dyaka mafurha ya xifuwo lexi vanhu va nga xi tlhavaka va humesela HOSI Xikwembu magandzelo ha xona, ú fanele ku hlongoriwa a suka exikarhi ka va ka vona.

Levhitika 7:25 Referans Kwoze

Levhitika 7:20

Kambe un'wana la nga tengangiki, loko a dyile nyama ya gandzelo ra ku khensa, leri nga ra Yehovha, munhu loyi u ta susiwa eka varikwavo.

Levhitika 7:24

Mafurha ya xifuwo lexi nga fa, hambi ya lexi nga handzuriwa, ma nga pfuna entirhweni wihi ni wihi; kambe mi nga tshuki mi dya wona.

Levhitika 7:26

“ ‘Mi nga tshuki mi dya ngati, hambi yi ri ya tinyanyana, hambi ya swifuwo, ematikweni hinkwawo lawa mi nga ta aka eka wona.

Genesa 17:14

Kutani rikhuna, wanuna la nga yimbisiwangiki enyameni ya yena, munhu loyi, u ta susiwa exikarhi ka tiko ra yena, hikuva a tlule ntwanano wa mina.”

Eksoda 29:25

kutani u swi susa emavokweni ya vona, u swi hisa ealitarini, ehenhla ka gandzelo, swi ta nun'hwela emahlweni ka Yehovha: i magandzelo lama hiseriwaka Yehovha.

Levhitika 3:17

Hi ku lerisa loku nga heriki etinxakeni ta n'wina, hinkwako laha mi nga ta aka kona: mi nga tshuki mi dya mafurha, hambi yi ri ngati.’ ”

Levhitika 7:21

Kungakuloko munhu a khumbile xilo lexi nga tengangiki, hambi xi ri xa munhu hambi xi ri xa xifuwo lexi nga tengangiki, hambi xi ri xin'wana lexi nyameke, a ya dya nyama ya gandzelo ra ku khensa leri nga ra Yehovha, munhu loyi u ta susiwa eka varikwavo.’ ”

Levhitika 7:27

Mani na mani la dyeke ngati, hambi yi ri yihi ni yihi, u ta susiwa eka varikwavo.’ ”